Jueces 17:3 - Qullan Arunaca

³ Jupajj waranka patacani kollke cutt'ayjjepansti, taycapajj saraquïnwa: —Maldicionajj jumaru jan jutañapataquisti nayajj aca kollkjja Diosaruw loktjjäjja. Ucampejj lurayaraquïwa mä yakha diosa suma lurata, patatsti kollkempi jawiquipataraqui. Jichhasti uca kollkjja catuquimaya —sasa.

Aymar Bibliia 1986

³ Jupajj waranka patacani kollke cutt'ayjjepansti, taycapajj saraquïnwa: —Maldicionajj jumaru jan jutañapataquisti nayajj aca kollkjja Diosaruw loktjjäjja. Ucampejj lurayaraquïwa mä yakha diosa suma lurata, patatsti kollkempi jawiquipataraqui. Jichhasti uca kollkjja catuquimaya —sasa.

Jueces 17:3 Jak'a apnaqawi uñst'ayäwi

2 Crónicas 33:7

Ucjjarusti Tatitun templopana c'ari diosana uñnakapa luraycäna ucwa uchayäna, uca toketsti Diosajj Davidarojj ewjjänwa, uqhamarac Salomón yokaparusa, aqham sasa: “Israelana take tribupata ajlliscta, uca Jerusalenanquiri templonwa sutejjajj wiñayataqui ucancani.

Éxodo 20:23

Jumanacajj janiw yakha diosanaca lurasipjjätati koritsa ni kollketsa nayarjama yupaychapjjañamataquejja.

Éxodo 20:4

“Janiw cuna casta uñtan diosanacsa lurasïtati, ni alajjpachancqui ucanacar uñtatsa, ni aca orakenjja cunanacatejj utjqui ucanacar uñtatsa, uqhamarac kota mankha orakenquirir uñtatsa.

Éxodo 34:17

“Jumanacasti janipuniw cunapachasa metal umatatayasa diosanacjja lurasipjjätati.

Isaías 30:22

Ucatsti uca kollket lurat c'ari diosamjja, korimpi apaquipata diosamsa jan wali yänacäcaspas uqhamwa apanucütajja. Cuna k'añücaspas uqhamwa apanucütajja, t'unäcaspa uqhama.

Isaías 66:3

Ucampisa utjaraquiwa qhititejj mä orko vaca sacrificiot loktqui, uqhamarac mä jakjja jiwayapjje, mä ovejsa qharinucuraqui, ucamp chicsti anurus jiwayapjjaraquiwa, granonac loktasinsti ucampi chicsti qhuchin wilapsa loktapjjaraquiwa, inciensonac k'aphiyasasti, diosanacarus yupaychasipcaraquiwa. Take qhitinacatejj uqham yupaychañanac ajllipcän ucanacarojja walrac uqham lurañajj munasiraqui.

Jeremías 10:8

Take jupanacasti lokhe jakenacäpjjewa, janiw cuna amuyt'asiñanacapas utjquiti. ¡Mä jisc'a c'ullojj janiw jupanacarojj cunsa yatichcaspati!

Levítico 19:4

“Janipun yakha diosanacarojj sarapjjamti, janiraqui diosanacjja cuna casta hierronacat umatatayasas lurasipjjamti. Nayätwa Tatitu Diosamajja.

Juan 16:2

Jumanacarojj sinagoganacatjja jaksupjjätamwa, yakhepanacarojj jiwayapjjätamwa; uca luratapampejj Diosaru sirvipcaspa uqham amuyasipjjani.

Deuteronomio 12:3

Altaranacapsti jakonucupjjam, jisc'a jisc'a tucjapjjaraquim kalanacapsa; cawquïri lawarutï yupaychapqui ucanacsa phichhantapjjaraquim, uca cunayman uñtan diosanacapsa t'unjapjjaraquim. K'al t'unjapjjam jan qhitis mayampi amtasiñapataqui.

Deuteronomio 27:15

‘Maldicitäpan cawquïritejj yakha diosanaca, cunar uñtat diosanac metälat lurasini, ucatsti jan uñjcañ chekaruraqui imantani ucajja; ucasti Diosarojj ajjtasiyiwa.’ Ucatsti takpach marcaraquiw sani: ‘Uqhamäpan’ sasa.

Jueces 17:13

Ucatsti Micaiajj saraquïnwa: “Jichhacuchawa Diosajj bendicitani, mä levita sacerdotenïtwa” sasa.

Jueces 17:2

Jupasti taycaparuw arsüna: —Nayätwa waranka patacani kollke lunthatctam ucajja. Nayawa catuscta, ucampis jumajj maldistawa qhititejj catqui ucarojja —sasa. Ucatsti taycapajj saraquïnwa: —¡Diosasti jumaru bendizpan, wawajja! —sasa.

Jueces 17:4

Ucampis Micaiajj taycaparojj kollke churjjäma sascaquïnwa. Taycapajja pä pataca kollke apakawayasin platero sat kollke luririn ucaruw apäna mä diosa suma lurañapataqui, patatsa kollkempi jawiquipata uqham lurayañataqui. Ucatsti lurayanisinjja Micaian utaparuw uchäna.

Jueces 18:30

Danitanacajja uca suma lurata c'ari diosjja mä chekaru uchasinjja ucaruwa yupaychapjjäna, sacerdotsti Jonatán, Gersón sat chachan yokapa, uqhamarac Moisesan allchhipwa, utt'ayapjjaraquïna. Uca khepatsti Jonatanan wawanacapawa danitanacan sacerdotepäjjänjja, jayaru apatäñcama.

Jueces 18:5

Ucat jupanacasti sapjjaraquïnwa: —Uqhamajj jisct'amay Diosaru aca nanacan jutatanacajjajja waliquïniti, jan ucajj janicha walïcani uca —sasa.