Jueces 17:10 - Qullan Arunaca

¹⁰ Micaiasti saraquïnwa: —Acar kheparascam, nayan sacerdotejjäñamataqui, uqhamarac nayan awquejjäcasmas uqhama. Nayasti pagämawa maranjja tunca kollke, uqhamaraqui churaraquïmawa isinaca, mank'añsa —sasa.

Aymar Bibliia 1986

¹⁰ Micaiasti saraquïnwa: —Acar kheparascam, nayan sacerdotejjäñamataqui, uqhamarac nayan awquejjäcasmas uqhama. Nayasti pagämawa maranjja tunca kollke, uqhamaraqui churaraquïmawa isinaca, mank'añsa —sasa.

Qullan Arunaka DC

¹⁰ Micaías chachasti sarakïnwa: —Ukhamasti akawjan nayampi qhiparaskam, nayan sacerdotexäyätawa, nayan amuyt'ayirixäyätawa. Nayasti jumarux maran tunka qullqi churäma, isinakampi, manq'añamp kuna —sasa.

Jueces 17:10 Jak'a apnaqawi uñst'ayäwi

Génesis 45:8

Uqhamasti Diosaw aca chekarojj qhitanitu janiw jumanacati. Juparaquiw faraonan utapansa mä jach'a jilïrit uscutu, uqhamaraqui aca Egipto marcan gobernadorapatsa ucharaquitu.

2 Reyes 13:14

Eliseojj wali usuntata jiwañampïnwa, ucatsti jupan ucarojj Israelan reyipaw uñjir jutäna, jacht'asisaw khomantäna, aqham sasa: —¡Awquejja, awquejja, jumasti Israel marcataquejja wali ch'aman ejercitjamäyätawa! —sasa.

2 Reyes 2:12

Uqham uñjasinsti Eliseojj art'änwa: “¡Awquejja, awquejja, jumajj Israel marcataquejj mä wali ch'aman ejercitjamäyätawa! ” sasa. Uca pasatatsti Eliasarojj janiw mayampis uñjcjjänti. Ucatsti Eliseojj isipa catusinjja payaruw ch'iyjäna.

2 Reyes 6:21

Cunapachatï Israelana reyipajj uñjäna ucqhasti, jisct'änwa Eliseoru, aqham sasa: —¿Jiwarayäti, nayan awquejja, jiwarayäti? —sasa.

Job 29:16

pist'ata sarnakerinacan awquipäyätwa, yakha marcat jutirinacan arjjatiripäyätwa!

Isaías 22:21

juman isimampiraquiw isthapiyäjja, uca jach'añchañ churctam uca cinturonamampiraquiw uscöjja, juman munañanïñamasti jupar churatäjjaraquiniwa. Jerusalén marcan jaquirinacataquisti mä awcjamäniwa, Judá marcataquis uqhamaraqui.

Ezequiel 13:19

Jumanacajj marcajj nayrakatanwa nayarojj jisc'achapjjesta, mä jach'ta cebada laycu, uqhamaraqui mä jisc'a t'ant'a laycuraqui; jumanacajj jan juchani jakenacaruw jiwarayapjjtajja, qhitinacatejj jiwapjjañapäcän ucanacarusti janiw jiwayapcaractati. Uqhamwa jumanacajj nayan marcajjarojj sallkjapjjtajja, jumanacan c'ari arunacamar jaysapjjatap laycu.

Mateo 26:15

Jupasti saraquïnwa: “Jesusar catuyapjjerisma ucajja, ¿kawkhsa churapjjetasma?” sasa. Jupanacasti quimsa tunc kollke churapjjäna.

Juan 12:6

Ucampis Judasajj janiw pobrenacat qhuyapt'asiñat ucjj arscänti jan ucasti jupajj lunthatänwa, jupaw kollke bolsjja catüna, uca bolsatsti lunthatasirïnwa.

1 Timoteo 6:10

Kollkeru munañajja take jan wali luräwinacan saphipawa; ucatwa mayninacajj juc'ampi munapjjatap laycu iyawsañatjja maysaru saranucupjje, pachpa jacäwinacaparuw t'akhesiñampi yapjjatasipjje.

1 Pedro 5:2

Tatitun ovejanacapsti sum awatipjjam, ucanacasti jumanacar catuyatawa. Take munasiñampi ucjja lurapjjam, cunjämtejj Diosajj munqui uqhamarjama, janiw phokhayam sat laycuquiti, ni kollke munañ laycuquisa, jan ucasti take chuyma ucjja lurapjjam,

Jueces 17:11

Ucatsti uca levitajj iyawsänwa Micaiampi jacañataqui, uqhamarac mayni wawapata tucuñataqui.

Jueces 17:9

Micaía sat chachasti jisct'änwa: —¿Cawquitsa jutta, jumajja? —sasa. Waynajj saraquïnwa: —Nayajj Belén marcata jutta, nayasti levitätwa, ucampis thakhasctwa cawqhansa jaquirista uca —sasa.

Jueces 18:4

Levita waynajj yatiyänwa cunjämtejj Micaiampi jupampejj mä amtäwir mantapqui uca, uqhamarac cunjämtejj sacerdotëñataquejj lurapqui ucsa.

1 Samuel 2:36

Ucatsti kawkhanitejj familiamat jacasipcani ucanacasti, jupa nayrakataruw mä juc'a kollke jan ucajj mä jisc'a t'ant'a laycuw jisc'achatäpjjani, sacerdotenac taypin cuna lurañacsay churapjjeta mank'asipjjañanacajjataqui —sasaw achict'asipjjaraquini.’ ”