Jueces 17:1 - Qullan Arunaca

¹ Efraín satan kollunacapansti mä jakew jacäna Micaía sat sutini.

Aymar Bibliia 1986

¹ Efraín satan kollunacapansti mä jakew jacäna Micaía sat sutini.

Qullan Arunaka DC

¹ Efraín sata qullunakan mä jaqiw jakäna Micaías sutini,

Jueces 17:1 Jak'a apnaqawi uñst'ayäwi

1 Reyes 4:8

Uca tunca payani apnakerinacasti acanacänwa: Ben-Hur, jupasti Efraín kollunacatänwa;

Josué 15:9

Muytasincaquïnwa kollu patanjama Neftoa sat uma jalsucama sarakasa, Efrón kolluna marcanacapar puriñcama, uqhamaraqui Baala chekanjam pasasina, cawquïritï Quiriat-jearim sutinïcaraqui.

Josué 21:21

Efraín kollunacanjja Siquem sat marcaw churasïna, cawquïri marcatï imantasiñatac ajllitäcäna, cawquïri jaketï qhitirus jiwaycaspa ucataqui, uqhamaraqui Gezer marca,

Josué 24:30

Ucatsti imantjjapjjänwa Timnat-sera marcapan orakeparu, cawquïritï jicjjatasqui Efraín oraken kollunacapana, Gaas sat kollunac amsta tokeru.

Jueces 10:1

Abimelec khepatsti, Isacar sat tributjja mä chachaw utjäna Tola sat sutini, jupasti Fúa chachan yokapänwa, uqhamarac Dodo chachan allchhiparaqui, jupawa sayt'äna Israel marcar khespiyañataqui. Aca Tola chachasti Samir sat chekanwa jacäna, Efraín utjqui uca lomanacana.

Jueces 16:31

Ucjjarusti Sansón chachan jilanacapa, uqhamarac take familianacapaw jutasina jiwata janchipa apasjjapjjäna, ucatjja imt'apjjaraquïnwa Zora, Estaol sat marcanac taypiru, Manoa sat awquipan imäwiparu. Sansón chachajj pä tunca maranacaw Israel marcarojj apnakawayänjja.

Jueces 17:2

Jupasti taycaparuw arsüna: —Nayätwa waranka patacani kollke lunthatctam ucajja. Nayawa catuscta, ucampis jumajj maldistawa qhititejj catqui ucarojja —sasa. Ucatsti taycapajj saraquïnwa: —¡Diosasti jumaru bendizpan, wawajja! —sasa.

Jueces 18:13

Ucqhatsti Efraín sat kollunacaruw sarapjjäna; puripjjaraquïnwa Micaian utaparu.

Jueces 18:2

Ucampis Dan sat tribunquirinacajja Zora, Estaol sat marcanacatjja qhithapjjänwa pheska jan ajjsarir jakenaca. Jupanacasti sarapjjänwa uñakeri, uqhamarac uca chekanaca uñjiri. Aca pheska uñakerinacasti Efraín satancqui uca kollunacaruw sarapjjäna, ucatsti puripjjaraquïnwa Micaian utaparu, uca arumajja ucanwa ict'awayapjjäna.

Jueces 3:27

Ucat israelitanacan orakepar purisasti ovej wajjratwa pututt'äna Efraín sat lomanacata israelitanacar jawsañataqui. Uqham pututt'ir ist'asinsti take israelitanacaw lomanacat sarakanipjjäna, Aod chachat irpirini.