Jueces 16:2 - Qullan Arunaca

² Cunapachatejj Gaza marcanquirinacajj Sansón chachan ucancatapa yatisinjja, marcaru muyuntasina marca puncjja uru jornälpacharaquiwa uñch'uquipjjäna. Ucat arumarusti sarapjjaraquïnwa samart'iri. Jupanacasti amtapjjänwa arumarji alwa khantati jiwayaña.

Aymar Bibliia 1986

² Cunapachatejj Gaza marcanquirinacajj Sansón chachan ucancatapa yatisinjja, marcaru muyuntasina marca puncjja uru jornälpacharaquiwa uñch'uquipjjäna. Ucat arumarusti sarapjjaraquïnwa samart'iri. Jupanacasti amtapjjänwa arumarji alwa khantati jiwayaña.

Qullan Arunaka DC

² Kunapachatix Gaza chiqankirinakax Sansonan markankatap yatipkän ukkhaxa, uka markar muyuntasin marka mantañawjan uñch'ukiyapxäna. Jupanakax arum paqaraw ukankapxäna, willjta tuqir Sansonar jiwayañ amtampi.

Jueces 16:2 Jak'a apnaqawi uñst'ayäwi

Mateo 21:38

Yokapar uñjasasti yapuchirinacajj aqham sapjjänwa: ‘Acajjay herencia catokerejja. Jupajjay aca yapu herenciat catokchinejja. Jiwayapjjañäni ucat jiwasanac yap catusjjañäni’ sasa.

Mateo 27:1

Cunapachatejj niya khanjtanjjän ucqhajja, takpach judionacan jilïrinacapaw amtapjjäna, sacerdotenacan jilïrinacapampi, chuymani jilïrinacampi Jesusar jiwayañataqui.

Lucas 21:20

“Cunapachatï Jerusalén marcaru ejercitonacan muyuntata uñjapcäta ucqhajja, yatipjjam uca marcajj janc'aqui t'unjatäñapa.

Hechos 23:15

Jichhasti jumanacajj jach'a jilïrinacampi comandantetay mayipjjam aqham sasaqui: ‘Kharürojj uca Pablorojj nanac nayrakatar irpanipjjam, juc'amp sum yatjjatañataqui.’ Nanacasti janc'aquiw suyapjjä janïr purquipan jupar jiwayañataqui —sasa.

Hechos 9:24

Ucampis Saulojj uca judionacan amtäwinacapjja yatisïnwa. Uca judionacasti uruy arumaw marcan jach'a puncunacapanjja suyapjjäna jupar jiwayañataqui.

Jueces 15:18

Sansón chachasti umata wali pharjayasisinsti Diosaruwa säna: “Jumawa aca jan walt'añanjja atipt'ayistajja, jichhasti ¿cunjämaraqui uñch'uquitätasti nayaru umat pharjat jiwirsti, uqhamarac uca jucharar jakenacan amparapansti?” sasa.

Jueces 16:3

Sansón chachasti chica arumcamaquiw iquiwayäna. Uca aruma sartasinsti marca puncjja chacañanacapamppacha qhacsuwayäna jiqhanipar k'epjjaruwayasinjja Hebrón sat uñcatasi kollu pataruw k'epsüna.

1 Samuel 19:11

Ucatsti janc'aquiw Saúl reyejj sirvirinacaparojj Davidan utaparu qhitäna, suyt'asina khepärmanthi alwa jiwayapjjañapataqui. Ucampisa Davidan Mical sat warmipajj take ucanacjja amuyaraquïnwa. Ucatsti yatiyaraquïnwa, aqham sasa: “Janitejj jichhärmpacha imantascäta ucapachajj arumanthi alwajj jiwayatäjjätawa” sasa.

1 Samuel 23:26

Kollunjama maysa tokwa Saúl reyimpi jakenacapampejj jutantapjjäna. Maysa toksti Davidampi jakenacapampiraquiw janc'aqui sarapjjaraquïna, Saúl reyit jayarst'añataqui. Cunapachatejj Saúl reyimpi jakenacapampejj Davidaru niya muyuntjjapjjäna catuntjjañataqui,