Jueces 14:12 - Qullan Arunaca

¹² Sansón chachasti uca quimsa tuncanirojj saraquïnwa: —Nayasti mä jisct'a jisct'apjjäma yatjjatapjjañamataqui. Ucampis aca pakallko uru fiesta lurcasintejj chekt'apjjäta ucqhajja, nayasti sapa mayni jumanacarojj churapjjämawa linot lurat suma capa, uqhamarac fiestaru sarañataqui suma isi.

Aymar Bibliia 1986

¹² Sansón chachasti uca quimsa tuncanirojj saraquïnwa: —Nayasti mä jisct'a jisct'apjjäma yatjjatapjjañamataqui. Ucampis aca pakallko uru fiesta lurcasintejj chekt'apjjäta ucqhajja, nayasti sapa mayni jumanacarojj churapjjämawa linot lurat suma capa, uqhamarac fiestaru sarañataqui suma isi.

Qullan Arunaka DC

¹² Sansonasti uka waynanakarux sänwa: —Nayasti mä jiskt'a jiskt'apxäma. Aka paqallqu uru phuñchhäwintix uka chiqt'apxätaxa, nayax sapa mayniruw linot lurat suma isimpi, phuñchhäwir sarañ suma isimpi churapxäma.

Jueces 14:12 Jak'a apnaqawi uñst'ayäwi

Génesis 45:22

Uqhamaraquiw isinacjja apayaraqui trucsusipjjañapataqui, ucampisa Benjaminarojj quimsa pataca kollke churaraquïna, pheska trucsusiña isimpi cuna.

1 Reyes 10:1

Sabá tokenquir reinajja ist'änwa Salomonan jach'a cancaña jicjjatatapata Tatitur jach'achañataqui, ucatsti jupajj yant'iriw Jerusalenaru saräna wali ch'ama jisct'anacampi. Jupasti wali c'achachatawa purinïna, suma k'apquiri perfumenacampi, qhumuntat camellonacampi, uqhamarac wali korinacampi, wali muncaña kalanacampiraqui. Salomonan nayrakataparu purisinjja, jisct'änwa cunanactejj amtcatayna jisct'añataqui ucanaca.

2 Reyes 5:22

Ucjjarusti Giezi uywatajj sänwa: —Janiwa cunasa. Ucampis uywirejjawa qhitanitu jumar aqham sañajjataqui: ‘Pä wayna profetanacaw jichhaqui purini Efraín kollunacata, ucatsti achict'assmawa churañamataqui jupanacaru quimsa waranka kollkenaca, uqhamarac pä trucsusiña isinacampiraqui’ —sasa.

2 Reyes 5:5

Ucjjarusti Siria marcana reyipasti sänwa: —Waliquiwa, sarascaquim, nayasti Israelan reyiparojj mä cartwa apayäjja —sasa. Ucatsti Naamán generalajj saränwa. Jupasti apjjarusiwayänwa quimsa tunca waranka kollke, sojjta waranka korinacaparaqui, tunca trucsusiña isinacaraqui;

2 Crónicas 7:8

Uca urunsti Salomonajj chhujllanacan fiestapwa luräna take Israel jakenacampi, jupanacasti walja jakenacawa jutapjjäna Hamat sat mantañawjata, Egipto jawiratpacha.

Salmos 49:4

säwinac ist'añaruw uchasï; chuymajjan imantat arunacsti arpamp chicaw arsuraquï.

Proverbios 1:6

uqhamata jupajj yatiñan jakenacan säwi arunacapa amuyt'añapataqui, uqhamarac parlatanacapa, uñtasïwi arunacapa, jan amuyt'caya arunacapa amuyt'añapataqui.

Proverbios 31:24

Jupajj isinaca, wac'anaca lurasinjja, alirinacaruwa alji.

Ezequiel 17:2

“Jumasti chacha, Israel marcarojj mä uñtasïwi churaraquim.

Ezequiel 20:49

Nayasti ucjjarojj saractwa: “Tata, jakenacajj sapjjewa nayajj jan amuyt'caña arunacaqui parlascatajja” sasa.

Mateo 13:13

Ucatwa nayajj jumanacarojj uñtasitanac toke yatichapjjsma, jupanacasti uñjcasinsa janis uñjapcaspa uqhamaw tucupjje, ist'casinsa janis ist'apcaspa uqhamaraquiw tucupjje.

Mateo 13:34

Jesusasti take acanacwa jakenacarojj uñtasïwi tokenacampi amuyt'ayäna; jan uñtasïwi tokempisti janiw cuns parlcänti.

Mateo 27:28

Isinacapsti apsupjjaraquïnwa, ucatwa mä wila color isimpi juparojj isintayapjjäna.

Mateo 6:19

“Acapachanjja jan imapjjamti walja yänacjja, aca orakenjja thuthaw thuthantasqui, ucatsti inamaya imataquiwa. Uqhamaraquiw acapachan imat yänacjjarojj lunthatanacajj mantasin lunthatsupjjaraqui.

Lucas 14:7

Jesusajj jawsatanacan suma konuñanacjjaru kont'asipquipanjja aca ejjwa jupanacar churäna:

Juan 16:29

Discipulonacapajj ucjjarojj sapjjänwa: —Jichhajj khanacwa parltajja, jan uñacht'äwinacampiquiraqui.

1 Corintios 13:12

Jichhajj take cunas jayphucjamaqui mä espejotjam uñjasctanjja, ucampis mä urojj take cuns khanwa uñj-jjañäni. Jichhajj yatiñajjajj janiw phokhatpachäquiti, ucampis uca uruw takpach uñt'jjäjja cunjämtï Diosajj nayar uñt'quitu uqhama.

Santiago 5:2

Kamir cancañanacamajj ñusantatawa, suma isinacamas thuthan thuthantataraquiwa.

Jueces 14:11

Ucampis filisteonacajj uñjasinjja wali ajjsarayasipjjäna, Sansón chachataquisti quimsa tunca amigonacapa irpapjjäna jupampïpjjañapataqui.

Jueces 14:13

Ucampis janitejj chekt'apcäta ucqhajja, sapa mayni jumanacawa nayarojj churapjjetäta linot lurat suma capa, uqhamarac fiestataqui suma isi —sasa. Ucatsti jupanacajj sapjjaraquïnwa: —Jisct'apjjetaya nanacan yatjjatapjjañanacajjataqui, nanacajj takeniw ist'asipctjja —sasa.