Jueces 13:6 - Qullan Arunaca

⁶ Warmejj chachaparu yatiyiriw saräna: “Mä Diosan jakepaw jutatayna cawqhanccäyättejj ucqharu. Ucampis nayataquejja Diosan mä angelapjamaquiwa. Janiwa nayajj jisct'cti qhitïpachas ucjja, ni jupasa nayarojj qhitisa ucjja arscaraquituti.

Aymar Bibliia 1986

⁶ Warmejj chachaparu yatiyiriw saräna: “Mä Diosan jakepaw jutatayna cawqhanccäyättejj ucqharu. Ucampis nayataquejja Diosan mä angelapjamaquiwa. Janiwa nayajj jisct'cti qhitïpachas ucjja, ni jupasa nayarojj qhitisa ucjja arscaraquituti.

Qullan Arunaka DC

⁶ Warmisti sarasin chachapar uk yatiyäna, juparusti sänwa: “Tatitunkir mä jaqiw nayan ukar jutatayna, jupax Tatitun angelapjamänwa. Janiw nayax jupan khitïtapsa jiskt'kti, janirakiw jupas sutip arskarakituti.

Jueces 13:6 Jak'a apnaqawi uñst'ayäwi

Génesis 18:2

Abrahamasti uñatatasinjja quimsa jakenacaruw jupa nayräjjan sayt'atäsquir uñjäna. Uñjasinsti mäqhiw sarthapi uca jakenacar catokañataqui, uqhamarac p'ekepsa oraker puriñcamaw alt'asiraquïna,

Génesis 32:29

—Jichhajj jumajj saraquita, ¿cunas sutimajja? —sasaw Jacobojj jisct'araquïna. Ucampisa uca jakejj saraquïnwa: —¿Cunataquis sutejj yatiñ munta? —sasa. Ucatsti uca jakejj ucqhanpachwa Jacoborojj bendisjjaraquïna.

1 Reyes 17:18

Ucatsti ijma warmejj Eliasarojj sänwa: —¿Cuna lurañajjasa jumampejj utjitu, Diosanquir jake? ¿Jumajj juchanacajja amtayiriti juttajja, ucatjja wawajjaru jiwayiriraqui? —sasa.

1 Reyes 17:24

Warmisti juparojj sänwa: —Jichhacuchawa yattjja jumajj chekpachansa Diosan jakepätama, uqhamarac cuntï siscta ucajja Diosan cheka arunacapätaparaqui —sasa.

2 Reyes 4:16

Ucatjja Eliseojj sänwa: —Jutir marataquejja aca pachpa urunacataquisti mä wawa amparamana icht'atäyätawa —sasa. Uca warmisti sänwa: —Janiw, Diosan chhijllat jakepa, jan naya sirvirimarojj sallkjistati —sasa.

2 Reyes 4:9

Ucatsti uca warmejj chachaparojj sänwa: —Uñjam, nayajj yattwa sapa cuti pascasawa aca chachajj jiwasarojj visitistu, jupasti Diosan kollana profetapawa.

Éxodo 3:2

Ucansti Tatitun angelapaw uñstäna mä ninjama zarza sat ch'aphi alinac taypina. Ucampis Moisesajj uñjänwa ch'aphinacan nina akasquiri, ch'aphisti janiw naqhantcänti.

Éxodo 3:6

Nayätwa nayra awquinacaman Diosapajja, Abraham, Isaac, Jacob ucanacan Diosapajja —sasa. Ucatsti Moisesajj ajanupwa imantasïna, jupajja Diosaru uñcatañjja wali ajjsarayasïna uca laycu.

Daniel (hebreo) 10:11

Ucatsti saraquituwa: ‘Daniel, Diosan munatapa, wal ist'am cuntejj nayajj siscäma uca arunaca. Sayt'asim, nayasti juman ucaru qhitanitätwa’ sasa. “Uqham satapa ist'asinsti nayajj qhathatt'asisaw sayt'asta.

Daniel (hebreo) 10:5

Acatjamat uñtta mä jake sayasquiri, linot lurat isinacampi isthapita, uqhamaraqui korit lurat mä cinturonampi muytata.

Daniel (hebreo) 8:17

“Ucatwa uca jakejj nayaru jac'achasinitu. Nayasti sustjasiractwa, orakcamawa ajanojjsa alt'asiracta, ucat jupajj nayarojj aqham situ: ‘Jaken yokapa, amuyam, aca unañchäwi uñjcta ucajj aca urunacan tucusiñapwa yatiyasqui’ sasa.

Lucas 1:19

Angelasti sänwa: —Nayajj Gabrielätwa, Diosan munañap luririraqui. Jupaw nayarojj qhitanitu aca suma yatiyäwinac jumar yatiyañataqui.

Lucas 9:29

Ucatsti oración lurquipanwa Jesusan ajanupajj mayja tucuwayäna, wali jank'o lliphipquiri tucusa.

Hechos 6:15

Ucapachajj autoridadanacampi take qhitinacatï ucan kont'atäsipcän ucanacampejja, Estebanan ajanuparojj uñjapjjewa mä angelan ajanupjama.

Deuteronomio 33:1

Janïra jiwcasinjja, Diosan wawap Moisesajj aca bendicionanacwa Israel marcar churäna,

1 Timoteo 6:11

Ucampis jumajja, Diosanquir chachjamajja, take acanacatjja jaltam, k'oma jacäwini saram, Dios chuyma, iyawsañani, munasiñani, jan pisi chuymt'añani, llamp'u chuymanïñanraqui.

Josué 14:6

Ucapachasti Judá tribun wawanacapaw Gilgal campamentoru sarapjjäna, Josué chachampi parliri, ucatsti Jefone chachan wawapa cenezeo Caleb chachajj jutasinjja Josué chacharojj aqham sänwa: “Jichhasti jumajj amtasimay cuntejj Dios Tatitojj Moisesaru sawayqui nayampita jumampita, Cades-barnea chekana ucanacjja.

Apocalipsis 1:17

Uqham uñjasinsti, jiwatjamaw cayunacaparu liwnoktta. Jupasti cupi amparapampi lokjjatasinjja situwa: “Jan ajjsaramti; nayätwa kalltasa tucuyasa.

Jueces 13:10

Warmejj janc'aquiw chachaparu yatiyirejj jaläna: —¡Nayaru uñstquitu uca chachajj wastatampiw uñstitu! —sasa.

Jueces 13:22

Manoa sat chachajj warmiparojj saraquïnwa: —Chekpachapuniw jiwasajj jiwañäni Diosaruw uñjtan —sasa.

Jueces 13:3

Ucampis Diosan angelapajj warmiru uñstasinjja sänwa: “Jumasti jan wawachasirïtawa, jichhasti jumajj usuriptasinjja mä wawanïyätawa.

Jueces 13:7

Ucampis jupajj situwa: Jumajj usuriptasajj mä yokall wawanïyätawa, jichhürutsti janiwa cuna machjayiri vinonacsa umätati ni cuna jan wali k'añunacsa mank'araquïtati. Uca wawasti Diosaru loktatäniwa mä nazareojama nazcani ucqhata, jiwañapcama” sasa.

Jueces 13:8

Ucatsti Manoa sat chachajja oracionanjja Diosarojj sänwa: “Dios Tatitu, nayasti achict'assmawa wastatampiy nanacan ucaru uca jakema qhithanim nanacaru yatiyañapataqui cunanactejj lurapcäjja nazcani uca wawampejj uca.”

Jueces 6:11

Ucatsti Diosana mä angelapajj jutasinjja Ofra sat chekansti encina sat koka patjjaruw kont'asïna. Aca orakesti Joás sat chachancänwa, jupajj Abiezer sat familianquirïtap laycu. Gedeón sat Joás sat chachan yokapasti mä jamasa chekanjja trigo thalascäna, cawqhantejj uvanaca taquipjjerïcäna vino lurañataqui ucqhana, jani madianitanacampi uñjayasiñataqui.

1 Samuel 2:27

Uca urunacaraquiw mä profetajj Elí sacerdoteru uñjir jutäna, ucat saraqui: “Tatitojj aqham sänwa: ‘Cunapachatejj nayrapacha awquinacamajj Egipton Faraonar sirvisipcän ucapachajj, khanwa jupanacarojj säyätjja,

1 Samuel 9:6

Uywatasti ucjjarojj saraquïnwa: —Aca marcanjja mä profetaw utji, take jakenacasti juparojj wali yäkapjjaraqui, take cuntejj jupajj yatiyqui ucanacasti phokhasipuniwa. Jin sarañäni, inampis jupajj cawquirutejj sarañasäqui ucsa uñacht'ayistaspa —sasa.