Jueces 12:6 - Qullan Arunaca

⁶ mayipjjänwa aqham sañapa: “Shibolet” sasa, ucampis “Sibolet” sasaquiw arsupjjäna janiw sum arsupcänti, ucatsti catuntasinjja ucqharpachaw jiwayapjjäna Jordán jawir maqhatañaru. Uca nuwasiñansti Efraín tribunquirinacajja pusi tunca payan waranka jakenacaw jiwarapjjäna.

Aymar Bibliia 1986

⁶ mayipjjänwa aqham sañapa: “Shibolet” sasa, ucampis “Sibolet” sasaquiw arsupjjäna janiw sum arsupcänti, ucatsti catuntasinjja ucqharpachaw jiwayapjjäna Jordán jawir maqhatañaru. Uca nuwasiñansti Efraín tribunquirinacajja pusi tunca payan waranka jakenacaw jiwarapjjäna.

Qullan Arunaka DC

⁶ akham sañapa mayipxäna: “Shibolet” sasa, ukampis “Sibolet” sasaki arsupana, jupanakan jan suma qhan uka aru arsutap laykuxa, katuntasin ukkharpachaw jiwayapxäna. Uka nuwasiñansti Efraín ayllunkirinakat pusi tunka payan waranqa jaqinakaw jiwarapxäna.

Jueces 12:6 Jak'a apnaqawi uñst'ayäwi

Salmos 69:15

Janiquiy ch'aman umajj apitpati, janiquiy mic'ay chincänajj mank'antitpati, janirac nayjjarus jist'antaspati.

Salmos 69:2

ñik'e phuch'uruw jalantascta, janiw cawqhar tact'asirjamäctsa; wali p'iya umcamaw purta, ch'aman umaw apjjetu.

Proverbios 17:14

Ch'ajjwaña kalltañasti, umasa jilarcaspa uqhamawa; uca ch'ajjwañata jithektañasti juc'ampi asquiwa.

Proverbios 18:19

Chuyma usuchjat jilatajja, jach'a perkanacampi muyuntayat marcjamäjjewa, janiraquiw cun ist'añsa munquiti. Jila pura ch'ajjwañanacasti, cunjämatï mä palacion rejanacapajj jan pascaya wali uchantatäquejja uqhamaw jaljtayaraqui.

Eclesiastés 10:12

Yatiñan jaken arunacapampiw takenimpi munayasi, ucampis pisi amuyt'anin arunacapajj jupa pachpan aynacht'añapataquiquiwa:

Isaías 27:12

Uca urunjja Tatitojj Eufrates sat Egiptcamaraquiwa lurañanacapjja lurani, trigo jawk'sur jakjama, ucampisa jumanacajj israelitanaca, mayat mayat apthapitäjjapjjätawa.

Mateo 12:25

Jesusasti yatïnwa cuntejj fariseonacajj amtapcäna ucjja, ucatwa jupanacarojj sï: “Mä marca apnakeritejj jupa quicpa contra jaljtatäspajja ina ch'usaruw tucuspa. Uca quipcaraquiwa, mä marcatejj jan ucajj mä familias jupanaca pura jaljtatäspajja janiw acht'apcaspati.

Mateo 26:73

Mä juc'ampjatjja ucanquirinacajj Pedror jac'achasisinjja saraquïnwa: —Chekapuniw jumajj jupanacat maynïrïscta, parlatamas khanäsquiwa —sasa.

Marcos 14:70

Pedrosti mayamp jan uñt'iriw tucuraquïna. Ucat mä juc'ampjarusti ucanquirinacajj wasitat Pedro contrajj sapjjäna: —Jumajj jupanacatjja maynïrïscapuntawa; Galileanquirïraquïtawa, parlatamas ucsanquirinacan parlatapjamaraquiwa —sasa.

Gálatas 5:15

Ucampis jumanacatejj achjasipjjäta mank'antasipjjaraquïta maynit maynicama ucajja, acatjja amuyasipjjam, jan jumanaccama tucjasipjjañamataqui.

Jueces 12:5

Galaad marcanquirinacasti Efraín sat tributjja Jordán jawira maqhatañanacwa aparapjjäna. Cunapachatejj yakhepa Efraín tribunquirinacajj jaltjjasina maqhataña mayipcäna ucqhajja, jupanacajj jisct'apjjänwa, “¿Efraín tribunquirïtati?” sasa. Ucampis “Janiwa” sapqui ucanacarojja,

Jueces 12:7

Jefté chachasti sojjta maranacaw israelitanacan apnakeripänjja. Cunapachatejj jiwjjäna ucqhajj Galaad sat nacïwi marcaparuw imt'jjapjjäna.