Jueces 11:34 - Qullan Arunaca

³⁴ Cunapachatejj Jefté chachajj Mizpa sat chekanquir utaparu cutt'jjäna ucqhajja mä sapa phuchapawa catoker mistsunïna thokt'asisa, uqhamarac pandera sat instrumentonaca toct'asisa. Uca phuchapata yakha wawapasti janiw utjcänti.

Aymar Bibliia 1986

³⁴ Cunapachatejj Jefté chachajj Mizpa sat chekanquir utaparu cutt'jjäna ucqhajja mä sapa phuchapawa catoker mistsunïna thokt'asisa, uqhamarac pandera sat instrumentonaca toct'asisa. Uca phuchapata yakha wawapasti janiw utjcänti.

Qullan Arunaka DC

³⁴ Kunapachatix Jefté chachax Mispá chiqankir utapar kutt'xän ukkhasti, phuchhaw thuqt'asisa, panderetanak chhulluqt'ayasis jupar katuqir mistunïna. Jefté chachax uka sapa phuchhanikïnwa, janiw yaqha wawanakapax utjkänti,

Jueces 11:34 Jak'a apnaqawi uñst'ayäwi

2 Samuel 6:14

Davidasti efod lino sat isimpi ist'ataraquiw saräna, take ch'amapampiraquiw thokt'asïna,

Salmos 150:4

tamboranacamp thokoñamp jach'añchapjjam, pinquillonacamp yakha instrumentonacamp jach'ar aptapjjam,

Salmos 68:25

K'ochurinacajj nayrakat sarantapjje, arpa jachsuyirinacasti khepat arcapjje, chica taypinsti tawakonacaw chhulluchhullunacamp sarantapjjaraqui.

Éxodo 15:20

Ucat Aaronan María sat profetisa cullacapampi, uqhamarac mayni warminacampejj panderetanac tocasisaw thokhopjjäna.

Jeremías 31:13

Tawakonacajj c'uchiquiw thokt'asipjjani, waynanacasa, chuymani jakenacasa uqhamaraqui. Nayaw jupanacarojj chuymacharaquï, jachatanacapsa cusisiñaruw tucuyaraquï, t'akhesiñanacapat sipansa juc'ampi jach'a cusisiñwa churäjja.

Jeremías 31:4

Israel, jumarojj wasitatwa sayt'ayjjäma, wasitataracwa chhulluchhullunacamampi, c'uchiqui thokt'asir jutäta.

Zacarías 12:10

“Qhuyapayasiñampi oración lurañampi ajayumpiw phokt'äjja Davidat jutiri familiampiru Jerusalenan jaquirinacampirojja. Ucqhawa uñcatapjjanejja qhitirutï chhojjriñchapqui ucarojja, ucatsti llaquisipjjaniw, jachapjjaraquiniwa mä sapa wawatjama, jan ucajj jilïri wawatjama.

Lucas 7:12

Marca jac'aru purquipansti, mä jiwatar imt'anjjañatac callasipquir uñjäna; ucasti mä sapa wawaquiraquïnwa. Uca taycasti ijmaraquïnwa, marcatsti walja jakenacaw jupampi chicajj sarapjjaraquïna.

Lucas 8:42

Jupasti mä sapa imill wawaniquïnwa, tunca payan maranjama, ucawa jiwañampïscäna. Saripansti walja jakenacaraquiw arcasinjja Jesusarojj ñekthapipjjäna.

Lucas 9:38

Ucat jakenac taypit mä chachajj jach'at jupar art'i: —Yatichiri, janiy uqhamämti, wawajjaruy uñjjatt'arapita, jupa sapaquiw wawajjajja.

Josué 18:26

Mizpa, Cafira, Mozah,

Jueces 10:17

Amonitanacajj tantacht'asisinjja Galaad sat chekaruw campamento uchantasipjjäna, ucampis israelitanacajja uca quipcaraquiquiw tantacht'asisajj Mizpa sat chekaruraquiw campamento uchasipjjaraquïna.

Jueces 11:11

Ucampis Jefté chachajj jilïrinacampejj saränwa; puripanjja marcanquir take jakenacajja jilïripatwa utt'ayapjjäna. Ucampis Mizpa sat marcanjja Jefté chachajja Dios nayrakatanjja cuna arunactejj arscäna uca pachpa arunacaracwa arsuraquiquïna.

Jueces 20:1

Ucatsti take israelitanacajj Dan, Beerseba, Galaad sat chekanquirinacajj mayaquiw tantacht'asipjjäna Mizpa sat chekana Diosan nayrakatapana.

Jueces 21:21

Cunapachatejj Silo sat marcata tama tawakonacajja thokt'asisa mistunipcani ucqhajja jumanacasti imantasipcta ucqhatjja mistsupjjaraquim, sapa maynisti mä tawako lunthatawayasinjja orakenacamar sarjjapjjam.