Jueces 11:35 - Qullan Arunaca

³⁵ Jefté chachasti phuchapa jutir uñjasinjja llaquisiñatjja isipa ch'iyanokasisajj sänwa: —¡Ay, imill wawajja, wali llacthapisiyista! ¡Jumapunïtatisti nayan jan waliru puriñajjataquisti! ¡Nayasti mä arsüwi Diosarojj lurta, jichhasti phokhañajjaw waquisi! —sasa.

Aymar Bibliia 1986

³⁵ Jefté chachasti phuchapa jutir uñjasinjja llaquisiñatjja isipa ch'iyanokasisajj sänwa: —¡Ay, imill wawajja, wali llacthapisiyista! ¡Jumapunïtatisti nayan jan waliru puriñajjataquisti! ¡Nayasti mä arsüwi Diosarojj lurta, jichhasti phokhañajjaw waquisi! —sasa.

Qullan Arunaka DC

³⁵ phuchhapa jutir uñjasinsti, Jefté chachax llakisiñat isip ch'iyanuqasïna, ukatsti sänwa: —¡Ay, imill wawaxa, walpun llakthaptayista! ¡Jumapunïñamänti nayan chijir puriñaxatakisti! Nayax Tatituruw arsta, jichhasti uka arsutaxa jupar phuqhañaxawa! —sasa.

Jueces 11:35 Jak'a apnaqawi uñst'ayäwi

2 Samuel 18:33

Reyisti chuymapwa ch'alljjtayasïna, ucatsti puncu patanccäna, uca utaru mantasinwa wali jachäna. Sarnakcasasti saraquïnwa: “¡Absalón, wawajja, Absalón wawajja! ¡Nayaw juma lanti jiwañjja muniriscäyäta! ¡Wawajja, Absalón wawajja!” sasaw jachäna.

2 Samuel 3:31

Ucatsti Davidajj Joab jakempiru uqhamaraqui qhitinacatejj jupampi chekäpcäna ucanacarusti saraquïnwa: “Jichhajj isinacam ch'iyarasipjjam, ucatsti chhanqha isinacampi isthapisipjjaraquim, Abneran jiwatapatsti lutt'asipjjaraquim” sasa. David reyisti, Abnerar imañataqui callasipcäna uca khepäjjwa sararaquïna.

Job 1:20

Ucatsti Job chachajja sartasinjja wali llaquin phokt'ataw isinacapa ch'iyanokasïna, ñic'utapsa mururasisaw quillt'asisa yupaycharaquïna.

Salmos 15:4

qhititejj ñankha lurañarojj jisc'achqui uca, Tatitur ajjsartirirus jach'añchqui uca, qhititejj jan walir purcasas arsutap phokqui uca;

Salmos 66:13

Loktäwinac apt'ataw utamar mantä, nayrakataman churäwinac naqhayarapïma, uqhamat jumar arsutanac phokhä,

Salmos 66:14

chijincasin jumar arscäyäsma, uca arsutanac phokhä.

Números 14:6

Nun chachan Josué yokapampi, uqhamarac Jefone chachan Caleb yokapampejj cawquïrinacatejj orake uñjir sarapcatayna ucanacajj isinacapwa ch'iyanokasipjjäna,

Hechos 23:14

Jupanacasti judionacan jilïr sacerdotenacan ucaruw sarapjjäna, uqhamarac jilïr jakenacan ucaru aqham sasa: —Nanacajj mä juramentompiw arust'apjjta ‘Janiw mank'cañäniti ni umcañänisa Pablor jiwayañcama. Jan uqham lurcañänejja jiwasaw maldicionar puriñäni’ sasa.

Josué 7:6

Ucatsti Josué chachampi jach'a amuyt'an israelit jakenacampejj isinacap wiqhanokasipjjäna, uqhamaraqui khellampis p'eketa willjjatasipjjäna, wali chuymanacapan mayjt'ata, ucatsti p'ekenacap alt'apjjäna Diosan arcap thiyaru wali jayp'untañcama.