Jueces 1:6 - Qullan Arunaca

⁶ Adonisedec chachasti jaltjjänwa imantasiñataqui, ucampis jupanacajja arctasina catjasasti amparanacata, cayunacatjja tayca luc'ananaca qhuchhurapjjäna.

Aymar Bibliia 1986

⁶ Adonisedec chachasti jaltjjänwa imantasiñataqui, ucampis jupanacajja arctasina catjasasti amparanacata, cayunacatjja tayca luc'ananaca qhuchhurapjjäna.

Qullan Arunaka DC

⁶ Adonisédec reyix jaltxänwa, ukampis jupanakax arktasin katjanipxäna, ukatsti juparux amparanakapata, kayunakapat tayka luk'ananak khariqapxäna.

Jueces 1:6 Jak'a apnaqawi uñst'ayäwi

Ester (hebreo) 8:12

Take acanacasti mä urunacwa lurasiñapänjja rey Asueron take provincianacapana. Uca amtata urusti tunca payan phajjsina tunca quimsa uru sarakataruw, ucasti Adar sat phajjsina.

Salmos 107:40

Diosajj t'akhesiyir jilïr jakenacarojj jisc'achiwa, jan thaquin wasaranacaruw irpanti.

Salmos 149:8

reyinacar ñach'antañataqui, munañaninacarusti cadenanacamp ñach'antañataqui.

Salmos 59:11

Diosajjay, jupanacat jan qhuyapayasimti, marcajjan ucjjat jan armasiñapataqui; jupanacarojj ch'amamampiy ananucum, mä p'enk aynacht'ayaraquim. ¡Tatay, jumaw nanacar arjjatirïtajja!

Éxodo 14:26

Tatitusti Moisesarojj sänwa: —Amparama kotjjaru loktam, ucat umajja chhakhayañapataqui egipcionacaru, carronacaparu, uqhamarac caballonacaparusa —sasa.

Éxodo 21:24

nayratjja nayraraqui, lacatjja lacaraqui, amparatjja amparampiraqui, cayutjja cayumpiraqui,

Éxodo 29:20

Uca oveja qharinucusinsti, ucan wilapampejja Aaronarojj cupi jinchut jawt'äta, uqhamarac wawanacaparusa. Ucjjarusti wilampejj jawt'araquïtawa jupanacarojja cupi ampar tayca luc'anata, uqhamarac cupi cayu tayca luc'anatsa. Ucat wila jilt'ampisti altar patjjaru, uqhamarac thiyanacaruw warnokaraquïta.

Jeremías 34:17

Uqhamaw naya, Tatitojj, arsta: Jumanacajj janiw nayarojj ist'apquistati, cawquïri marca masinacamatejj esclavo sarnakasipcän ucanacarusti janiraquiw antutapctati; uca laycuraquiw jichhajj nayajj guerrampiru, cunayman casta usunacampiru uqhamaraqui mach'ampiruw antutcatapjjäma, jumanacampi wali ajjsarcañanaca lurapjjañapataqui, take aca orakenquir marcanacasti ucanac uñjasajj ajjsarapjjaraquiniwa. Naya Tatituw ucjja arsta.

Jeremías 50:15

¡Take token guerran nuwasiñ arunac art'apjjam! ¡Babiloniasti niya atipjatäjjaniwa, janiw juc'ampi nuwasiñ muncjjaraquiniti! ¡Torrenacas liwirtjjaraquiwa, perkanacas tincurjjaraquiniwa! Acaw nayan phoksusiñajjajja, jumanacasti phoksusipjjaraquim jupatjja. ¡Cuntejj jupajj mayninacaru lurcän uca pachpa lurapjjaraquim!

Josué 15:16

ucatsti aqham sänwa: “Cawquïri jaketï aca Quiriat-sefer marca nuwantani uqhamaraqui t'unjani ucarojj nayajj Acsa sat sutin phuchajja warmipatac churä” sasa.

Jueces 1:5

Uqhamarac Bezec sat orakensti Adonisedec sat chacharuraquiw jicjjatapjjäna, ucatsti juparojj cananeonacampi, ferezeonacamp chicaw atipjatänjja.

Jueces 1:7

Ucatsti Adonisedec chachajj saraquïnwa: “Nayrasti nayajja pakallko tunca reyinacaruwa amparanacatsa, cayunacatsa tayca luc'ananaca qhuchhurta, ucatsti mesajja manqhatwa jilt'a t'ant'a t'unanaca pallasiyta. Jichhasti Diosajj nayarojj cunjämtejj jupanacaru lurcäyäta uqhamaracwa lurayaraquitu” sasa. Ucatsti Jerusalén marcaruw apjjapjjäna, ucanwa jiwjjänjja.