Juan 9:39 - Qullan Arunaca

³⁹ Ucatsti Jesusajj sänwa: —Nayajj acapacharu juchañchañataquiw jutta, juyqhunacajj uñjapjjañapataqui, qhitinacatejj uñjapqui ucanacan juyqhu tucupjjañapataquiraqui —sasa.

Aymar Bibliia 1986

³⁹ Ucatsti Jesusajj sänwa: —Nayajj acapacharu juchañchañataquiw jutta, juyqhunacajj uñjapjjañapataqui, qhitinacatejj uñjapqui ucanacan juyqhu tucupjjañapataquiraqui —sasa.

Qullan Arunaka DC

³⁹ Ukatsti Jesusax sänwa: —Nayax akapachar taripañatakiw jutta, juykhunakan uñjapxañapataki, uñjapki ukanakasti juykhu tukupxañapataki —sasa.

Juan 9:39 Jak'a apnaqawi uñst'ayäwi

Isaías 29:10

Tatituw jumanacjjarojj qhitani mä jach'a iqui. Profetanacajj marcan nayrapäcaspas uqhamawa, ucampis Tatitojj uca nayranacapjja ch'okantiwa.

Isaías 44:18

Uca jakenacajj janiw yatipquiti, janiraquiw amuyt'apquisa, nayranacapas juyqhuwa, janiraquiw uñjapcaraquiti, amuyunacapas k'ala ch'amact'atawa, janiw amuyt'apcaraquisa.

Isaías 6:9

Jupasti saraquituwa: “Saram, ucatsti aca marcarojj aqham saraquim: ‘Ist'apcanisa, janiw amuyt'apcaniti, uñjapcanisa, janiw amuyt'apcaniti’ sasa.

Ezequiel 12:2

“Jumasti jake, mä khoru marca taypinwa jactajja. Jupanacajj nayranïsipquiwa, ucampis janiw uñjapquiti,

Mateo 11:5

Juyqhunacajj uñj-jjapjjewa, cojonacas sarnakapjjaraqui, lepra usuninacas kollataraqui, okaranacas ist'apjjaraqui, jiwatanacasti jactayataraquiwa, uqhamarac pobrenacarus khespiyasiñan utjatapajj yatiyataraquiwa.

Mateo 15:14

Jaytapjjam; chekpachansa jupanacajj juyqhu irpirinacäpjjewa. Mayni juyqhutejj yakha juyqhuru irpani ucajja, panpachaw cuna p'iyarus jakoranttapjjani —sasa.

Mateo 6:23

Nayramatejj jan walïcchejja, take janchimajj ch'amacancaniwa. Juman utjquis uca khanamatejj ina ch'usa ch'amacaru tucuni ucajja ¡cunja lajjänisa uca ch'amacajja!

Lucas 1:79

qhitinacatï ch'amacan jacasipqui, uqhamarac jiwañ ch'iwinsa, ucanacar khantayañataqui, uqhamarac jiwasarus samarañ thaquirjam irpañataqui.”

Lucas 13:30

Ucapachaw yakhepa jichha khepancapqui ucanacajj nayrancapjjani, yakhepa nayrancqui ucanacasti khepancapjjaraquini.

Lucas 2:34

Ucat Simeonajj wawarojj bendicïna, Jesusan taycaparusti saraquïnwa: —Amuyam, aca wawajj Israelan waljaninacan tincupjjañapataquiwa, jan ucajj sartasipjjañapataqui uchatawa. Jupasti mä unañcharaquïniwa, waljani jan jupar catokapjjatapatjja.

Lucas 4:18

“Tatitun Ajayupaw nayjjanqui, suma yatiyäwinac pobrenacar churañataquiw ajllisitu; llact'at chuymanacar kolliriw qhitanitu, carcelanquirinacar khespita sarnakañat yatiyiriraqui, uqhamarac juyqhunacarus uñatatayiri; t'akhesiyatanacarus khespiyiriraqui;

Lucas 7:21

Puripcäna uca horasanracwa Jesusajj walja usutanacaru c'umaraptayäna, uqhamarac t'akhesiñanacata, ñankha ajayunacata khespiyäna. Walja juyqhunacaruw uñjayaraquïna.

Juan 12:31

Jichhapï horasajja acapachasti taripatäniwa, jichharaquiwa acapacha apnakerejj jaksutäni.

Juan 12:46

Nayajj khanätwa, qhitinacatejj nayaru iyawsquitu ucanacajja jan ch'amacan sarnakapjjañapataquiw acapacharojj jutta.

Juan 3:17

Diosajj janiw Yokapjja acapachar juchañchañataqui qhitanquiti, jan ucasti acapachajj jupa toke khespitäñapataquiw qhitani.

Juan 3:19

Qhitinacatejj jan iyawsapqui ucanacajj juchañchatäjjewa. Cunapachatejj khanajj acapacharu jutqui ucqhajj jakenacajj ch'amacaruw juc'ampi munapjje khanat sipansa, luräwinacapajj jan walïtap laycu.

Juan 8:12

Jesusajj wasitampiw jakenacaru parläna: —Nayätwa acapach khanajja. Qhititejj nayaru arquitani ucajja, jacañ khananïniwa, janiraquiw mayampis ch'amacan sarnakcjjaniti —sasa.

Juan 8:15

Jumanacajj juchañchapjjtawa acapachan leyinacaparjama. Nayajj janiw qhitirus juchañchcti,

Juan 9:25

Ucjjarojj jupajj saraquïnwa: —Janiw nayajj yatcti juchararäscchi jan juchararäscchi ucjja. Nayajj juyqhüyätwa, jichhajj uñjtwa, ucacwa yatta —sasa.

Hechos 26:18

Jupanacan nayranacap jist'arañamataqui, jan juc'amp ch'amac thaquin sarnakapjjañapataqui. Janiraquiw juc'ampi supayan apnakatäcjjaniti, jan ucasti Diosaruw arcjjapjjani uqhamaraqui nayarus iyawsapjjetani. Uqhamatwa jupanacajj juchanacapat perdón catokapjjani, uqhamarac mä herencia catokapjjani Diosan ajllit jakenac taypina’ sasa.

2 Corintios 2:16

Jan khespiyatanacataquejj uca incienso k'aphejj mä jan wali jiwayir k'apjamawa, ucampis khespiyatanacataquejj mä suma jacañ churir k'apjamaraquiwa. ¿Qhitiraqui ucsti amuyt'aspa?

Efesios 5:14

Ucatpï aqham sejja: “P'arjjtasim, juma iquirejja; jiwatanac taypit sarthapim, Cristow khant'ätam” sasa.

2 Tesalonicenses 2:10

Take casta jan walinacampiw sallkjani infiernor saririnacarojja, Tatitun khespiyasiñ arunacap jan catokañ munapjjatap laycu.

1 Pedro 2:9

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.

1 Juan 2:11

Ucampis qhititejj jilapar uñisisqui ucajja, ch'amacanwa sarnakasqui. Janiraquiw cawcsar saratapsa yatiscaraquiti ch'amacajj juyqhu tucuyatap laycu.