Juan 9:22 - Qullan Arunaca

²² Acjj awquinacapajj sapjjänwa judionacar ajjsarasina, jupanacan qhititejj “Jesusajj Cristowa” sisqui ucaru sinagogat jaksuña amtapjjatap laycu.

Aymar Bibliia 1986

²² Acjj awquinacapajj sapjjänwa judionacar ajjsarasina, jupanacan qhititejj “Jesusajj Cristowa” sisqui ucaru sinagogat jaksuña amtapjjatap laycu.

Qullan Arunaka DC

²² Awkipampi, taykapampisti judionakar axsarasaw ukham sapxäna, jilïr judionakax Jesusan Cristötap arsurirux sinagogat jaqunukuñ amtapxatap layku.

Juan 9:22 Jak'a apnaqawi uñst'ayäwi

Proverbios 29:25

Jakenacar ajjsarañajj sipitar uñtatawa, ucampis qhititejj Tatitur iyawsqui ucawa imatäni.

Isaías 51:12

“Naya, naya quipcaw jumarojj ch'amachsma. ¿Qhitirus ajjsarta? ¿Jakenacaruti? ¿Jiwir jakenacaruti ajjsarta, qhitinacatejj korar uñtata tucusipjjani ucanacaru?

Isaías 51:7

“Ist'apjjeta jumanaca, qhitinacatejj yatipcta cunatejj chekäqui uca, nayan yatichäwinacajj sum catoker marca. Jan ajjsarapjjamti jaken jan wali parlatanacapjja, janiraqui jaken jisc'achäwi arunacapampis sustjasipjjamti,

Isaías 57:11

“¿Qhitiraqui uca diosanacasti, cawquïrinacarutejj jumajj ajjsarcayäta, jach'añchcaraquïyäta nayar apanucusa, uqhamat nayat k'ala armt'asiñamataquisti? Cunapachatejj jumajj nayaru jan jach'añchquïyästa ucqhajja, nayajj amuquïscayätwa, jan amuyiriquiw tucuraquïyätjja.

Lucas 6:22

“Cusisiñanïpjjtaw cunapachatï jakenacajj uñisipcätam ucapachajja, uqhamarac jupanacat jakonucupcätam, cunayman jan wali sapjjaraquïtam, uqhamarac sutinacamsa ñankha sutjam amuyapjjaraquini, Jaken Yokap laycu ucapachajja.

Juan 1:19

Jerusalenanquir judionacajj qhitapjjänwa sacerdotenacampiru levitanacampiru Juanan ucaru, qhitïpachasa uc jisct'añataqui.

Juan 16:2

Jumanacarojj sinagoganacatjja jaksupjjätamwa, yakhepanacarojj jiwayapjjätamwa; uca luratapampejj Diosaru sirvipcaspa uqham amuyasipjjani.

Juan 19:38

Uca pasatatsti, judionacaru ajjsarasin Jesusaru jamasat arquiri Arimateanquir Joseaw jutäna, ucatsti Pilatoruw achict'asïna Jesusan janchip apasjjañataqui. Pilatosti churayjjewa. Ucatsti Joseajj sarasinjja Jesusan janchipjja apasjjänwa.

Juan 20:19

Ucürojj semana kallta urünwa. Uca jayp'pachawa discipulonacajj tantacht'atäpjjäna, puncunacasti wali jist'antata judionacaru ajjsaratanacap laycu. Jesusasti mantasinwa jupanac taypiru sayt'asi, aruntaraquiwa: —Sumancañajj jumanacampïpan —sasa.

Juan 7:13

Ucampis judionacar ajjsarañatjja janiw qhitis Jesusjjat khan parlcänti.

Juan 9:18

Ucampis judionacajj janiw iyawsañ munapcänti, jupan juyqhütapat, jichhasti uñj-jjatapa. Juyqhut kollatäcän ucan awquiparuw jawsayapjjäna.

Juan 9:21

Ucampis janiw yatipcti cunjämat jichhajj uñjatapsa ucjja, ni qhitin nayrapat kollatapsa yatipcaracti. Juparuy jisct'apjjam, jupajj walja maranacanëjjewa, jupa pachpawa yatiyasipjjätam —sasa.

Juan 9:34

Ucatsti sapjjaraquïnwa: —Jumajj juchan phokt'ataw naciwayta, ¿ucattï yatichañ munapjjesta? —sasa. Uc sasinsti sinagogatjja jaksupjjänwa.

Juan 9:35

Jesusajj juyqhur jaksupjjatapjja yatïnwa. Jicjjatasinsti juparojj sänwa: —¿Iyawstati jumajj Diosan Yokaparojja? —sasa.

Hechos 4:18

Ucatsti Pedrompir Juanampiru jawsayanisinjja ewjjt'apjjänwa: —Janipun acat kheparojj wasitat parlapjjamti ni yatichapjjamsa uca Jesusan sutiparu —sasa.

Hechos 5:13

Yakhanacajj janiraquiw jupanacamp tantachasiñ munapcänti, ucampis jakenacajj wal jupanacarojj munasipjjäna.

Hechos 5:40

Uca arunacarusti takeniw jaysapjje. Ucatsti apostolonacar jawsayasinjja ewjjt'apjjewa, jan juc'amp Jesusjjat parlapjjañapataqui. Jawk'jayasinsti, antutnucjjapjjaraquïnwa.

Apocalipsis 21:8

Ucampis ajjsaririnaca, jan iyawsirinaca, uñisisirinaca, jake jiwayirinaca, wachoka juchan sarnakerinaca, laykasirinaca, c'ari diosanacar yupaychirinaca, take c'arisirinacampisti nina kotaru jakontatäpjjaniwa, cawqhantï asufrempi naqhqui ucqharu, ucasti payïri jiwawa” sasa.