Juan 8:59 - Qullan Arunaca

⁵⁹ Uc ist'asinjja Jesusarojj kalampiw c'upjañ munapjjäna, ucampis jupajj imantasisin templot mistuwayjjäna; jupanac taypi pasasinsti, sarawayjjaraquïnwa.

Aymar Bibliia 1986

⁵⁹ Uc ist'asinjja Jesusarojj kalampiw c'upjañ munapjjäna, ucampis jupajj imantasisin templot mistuwayjjäna; jupanac taypi pasasinsti, sarawayjjaraquïnwa.

Qullan Arunaka DC

⁵⁹ Uk ist'asinsti, Jesusarux qalamp k'upjas jiwayañ munapxäna; ukampis Jesusax jaqinak taypiruw imantasïna, ukat Tatitun utapat mistuwayxäna.

Juan 8:59 Jak'a apnaqawi uñst'ayäwi

Génesis 19:11

ankanquir jakenacarusti juyqhuptayapjjaraquïnwa. Takeni chuymani jakenacatpacha waynanaccama, uqhamaw juyqhu uñjasipjjäna puncu taccäwisa karirapjjaraquïnwa.

Mateo 12:14

Fariseonacasti ucat mistusinjja sarjjapjjänwa, ucatsti Jesusaru jiwayañataquiraquiw amtapjjäna.

Lucas 24:31

Ucapachaw jupanacan nayranacapajj jist'artäna, khanpachawa Jesusarojj uñt'jjapjjäna. Ucampis jupajj chhaktawayjjänwa.

Juan 11:54

Uc yatisin Jesusajj janiw judionac taypin khan sarnakcjjänti, jan ucasti Judeatjj mistuwayjjänwa, ucatsti wasar jac'ancquis uca Efraín sat marcaruw sarawayjjäna. Ucanwa discipulonacapampi kheparapjjäna.

Juan 11:8

Discipulonacapasti sapjjaraquïnwa: —Yatichiri, mayüruquiwa judionacajj kalamp c'upjasin jiwayañ munapjjtam. ¿Wasitampit ucaru sarañ munta? —sasa.

Juan 12:36

Iyawsapjjam khanaru utjquipanjja, khananquir jakenacäpjjañamataqui —sasa. Ucanac arsusinjja, Jesusajj sarawayjjänwa ucatsti jupanacatjja imantasjjaraquïnwa.

Juan 18:31

Ucjjarojj Pilatojj sänwa: —Irpasjjapjjam jumanacaqui juchañchasipcam leyinacamarjama —sasa. Judionacasti ucjjarojj sapjjaraquïnwa: —Nanac judionacajj janiw cunäpctsa qhitiru jiwayañataquisa —sasa.

Juan 5:13

Jupasti janiw qhitin jupar kollataps yatcänti, ucan walja jakenac utjatap laycu, Jesusasti sarjjaraquitaynawa.

Juan 9:1

Mä cheka pascasinjja Jesusajj nacïwipatpacha mä juyqhu jakeruw uñjäna.

Hechos 7:57

Uqham ist'asinsti, jupanacajj jach'at warartatapjjäna. Jinchunacapsa llupantasipjjaraquïnwa. Ucatsti mayac Estebanarojj catuntapjjäna.

1 Samuel 30:6

Davidasti wali llact'ataw jicjjatasiraquïna, jakenacapasti juparojj kalampiw c'upjaña munapjjaraquïna, takenisa wali mayjt'ataraquïnwa, cunatejj wawanacaparu pascatayna ucanacata. Ucampisa jupajj Tatitu Diosaparuw confiasiraquïna.