Juan 7:33 - Qullan Arunaca

³³ Ucatsti Jesusajj saraquïnwa: —Nayajj jumanacampejj juc'ataquiquiw acancä, ucatsti qhitanquitu ucaruw cutt'awayjjä.

Aymar Bibliia 1986

³³ Ucatsti Jesusajj saraquïnwa: —Nayajj jumanacampejj juc'ataquiquiw acancä, ucatsti qhitanquitu ucaruw cutt'awayjjä.

Qullan Arunaka DC

³³ Ukatsti Jesusax sarakïnwa: —Nayasti jumanakampix mä juk'a pachakiw akankä, ukatsti khithankitu ukaruw kuttawayxä.

Juan 7:33 Jak'a apnaqawi uñst'ayäwi

Marcos 16:19

Jupanacar parlatap khepatjja, Tatit Jesusajj alajjpachar aptatäjjänwa. Jupasti Diosan cupëjjaparuw kont'asjje.

Juan 13:1

Mä uruquejjänwa Pascua fiestataquejja. Jesusajj yatïnwa aca orake jaytjjañapa, uqhamarac Awquipan ucaru sarjjañap horasas purinitapa. Aca orakencqui uca jupanquirinacarojj munasipunïnwa. Uca jach'a munasiñapsti khepacamaraquiw uñacht'ayäna.

Juan 13:3

Jesusasti yatïnwa Diosat jutatapa, uqhamarac Diosar cutt'jjañapsa, ucatsti Awquina take munañanïña cancañ churatapsa yatiraquïnwa.

Juan 13:33

Munat wawanacajja, mä juc'a urunacampiquiw jumanacampïyajja. Jumanacajj nayarojj thakapjjetätawa, ucampis cunjämtejj judionacaru sisctjja uqhamaracwa sapjjsma jichhajja: ‘Janiw jumanacajj sarapcasmati cawquïrutejj nayajj sarcä ucarojja.’

Juan 14:12

Khanacwa sapjjsma, qhititejj nayar iyawsquitu ucajja, luraraquiniwa cuntejj nayajj lurctjja ucanaca, juc'amp jach'a luräwinacampwa lurani, Awquejjajj cawquincquitejj ucaru saratajj laycu.

Juan 14:19

Mä juc'ampitjja jakenacajj janiw juc'ampi uñjcjjapjjetaniti, ucampis jumanacajj uñjasipquitätawa, jumanacajj jacapjjätawa nayan jacascatajj laycu.

Juan 14:28

Jumanacajj ist'apjjestawa: ‘Sarjjäwa, ucatsti wasitampiw jutä jumanacampïñataqui’ siri. Chekpachantejj munasipjjetasmajja: ‘Awquin ucaruw sarascta’ uc siri ist'asinjja cusisipjjasamänwa, jupajj nayatsa juc'ampïtap laycu.

Juan 16:10

Amuytatasipjjaniwa cawquïritejj cheka thaquïqui ucatjja, nayasti Awquejjan ucaruw sarascta, jumanacasti janiw juc'amp uñjcjjapjjetätati;

Juan 16:28

Nayajj Awquejjan ucatwa acapachar jutta; jichhasti acapachjja jaytawayjjtwa, wasitatwa Awquejjan ucaru cutt'jjaracta.

Juan 16:5

Jichhajj sarjjäwa qhititejj qhitanquitu ucan ucaru; jumanacatjj janiw maynis jisct'apquistati: ‘¿Cawquïrus saräta?’ sasa.

Juan 17:11

“Nayajj janiw acapachancjjäti, ucampis jupanacajj acapacharuw kheparapjje, nayasti jutjjtwa jumampïñataqui. Kollan Awquejja, cawquïrinactejj churquista ucanacarojj ch'amamampiy imam jupanacajj mayaquïpjjañapataqui, cunjämatejj jumampi nayampejj mayaquïctanjja uqhama.

Juan 17:13

“Jichhajj jutjjasctwa juman ucaru; aca arunacjja sistwa acapachanccasina, jupanacajj nayjama cusisiñampi phokt'atäpjjañapataqui.

Juan 20:17

Jesusasti sänwa: —Jan llamct'istati, janïraw Awquejjan ucaru maqhatcti. Ucampis saram, jilanacajjar yatiyanim, sarasctwa cawquincquitejj Awquejjajj ucaru, jupasti jumanacan Awquimaraquiwa, nayan Diosajjawa jumanacan Diosamaraquiwa.

Juan 9:4

Urüquïpanjja lurañajjawa qhititejj qhitanquitu ucan lurañanacapa. Arumajj jutasquiwa, ucansti janiw qhitis irnakcaspati.