Juan 7:3 - Qullan Arunaca

³ Jesusan jilanacapajj sapjjänwa: —Jan acar kheparamti, jan ucasti Judearu sarjjam, qhurinquir mayni arquirinacamajj cuntejj lurcta uc uñjapjjañapataqui.

Aymar Bibliia 1986

³ Jesusan jilanacapajj sapjjänwa: —Jan acar kheparamti, jan ucasti Judearu sarjjam, qhurinquir mayni arquirinacamajj cuntejj lurcta uc uñjapjjañapataqui.

Qullan Arunaka DC

³ Jesusan jilanakapax sapxänwa: —Janis akar qhiparkam, Judea uraqir sarxam, kuntix akan lurkta ukanak arkirinakaman uñjapxañapataki.

Juan 7:3 Jak'a apnaqawi uñst'ayäwi

Génesis 37:20

Jutapjjam, jiwayapjjañäni, ucatsti mä p'iyaru liwintapjjañäni, ucat mä montenquir animalaw mank'antascpacha —sasaw sapjjañäni. —¡Uñjaraquiñäniw cunas samcanacapampejj pasani uca! —sasaw jilanacapajj parlarasipjjäna.

Jeremías 12:6

Pachpa jilanacamawa, cawquïrinacatejj familianacamäqui ucanacaw jumataquejj sartapjje, khepäjjamatsti jan wali arunacampiw arnakanipjjaractam. Jupanacarusti janipun alcatasimti, suma arunacampi parlapcchïtam ucasa.

Mateo 12:46

Jakenacar parlasquipanwa, taycapampi jilanacapampejj purinïna. Jupanacasti ankawjatwa suyt'apjjäna, jupampi parlt'añwa munapjjaraquïna.

Marcos 3:21

Uc yatisinsti Jesusan familianacapajj jupar irpjjañataquiw jutapjjäna: “Lokheptjjataynawa” sasa.

Marcos 3:31

Uqhamäquipanwa Jesusan taycapampi jilanacapampejj purinipjjäna. Jupanacasti Jesusarojj ankäjjatacwa jawsayapjjäna.

Lucas 8:19

Ucapachaw Jesusan taycapampi jilanacapampejj purinipjjäna cawqhanccäntejj jupajj ucqharu; ucampis janiw juparojj jac'achasipcänti, walja jakenaca ucancatap laycu.

Lucas 8:20

Ucatsti mayniw Jesusar yatiyäna: —Taycamampi, jilanacamampiw qhä ankäjjancasipqui, jupanacasti jumampi jiquisiñ munapjje —sasa.

Juan 2:2

Jesusasti discipulonacapamp cuna uca casarasïwiru jawsayataraquïnwa.

Juan 6:60

Aca yatichäwinac ist'asinjja waljaniw Jesusan arquirinacapat sapjjäna: —Ch'amaw aca arunacap iyawsañajja, ¿qhitirac juparusti ist'ani? —sasa.

Juan 6:66

Ucqhatpachaw waljani Jesusan arquirinacapajj jaytanucus sarjjapjjäna, janiw juc'amp jupampejj sarnakjjapjjänti.

Juan 7:10

Jilanacap sarjjepansti, Jesusajj fiestarojj sararaquïnwa, jaken jan uñjcata.

Juan 7:4

Maynitejj uñt'ayasiñ munchejja, janiw jamasanacan cunanacs lurquiti. Acanactejj lurstajja, take jakenacan nayrakatan luram.

Juan 7:5

Janïraw jilanacapajj Jesusar iyawsapcänti.

Hechos 2:14

Pedrojj tunca mayan apostolonacampi sayt'asisinjja jach'at arsusaw säna: “Judeanquir chachanaca, Jerusalén marcanquirinaca, jumanacajj acjja yatipjjam, sumpach ist'apjjaraquim cuntejj nayajj sapcäma uca.

1 Samuel 17:28

Ucampisa Eliab sata Davidan jilïri jilapajj, uqham jakenacampi parlasquiri ist'asinjja wali colerasïna, ucat saraquïna: —¿Cunarus acar jutta? ¿Qhitirus uca mä kawkha ovejanaca wasaran jaytaniwayta? Nayajj jumarojj uñt'smawa jach'achasiñ munirïtama, uqhamarac jan wali amtatanacamsa, jumasti soldadonacar nuwasisquiri uñjiriquiw juttajja —sasa.