Juan 6:45 - Qullan Arunaca

⁴⁵ Profetanacan kellkatapanjja aqham siwa: ‘Diosajj takeniruw yatichi.’ Qhitinacatejj juparu ist'apqui yatekapcaraqui ucanacajj nayaruw jutapjje.

Aymar Bibliia 1986

⁴⁵ Profetanacan kellkatapanjja aqham siwa: “Diosajj takeniruw yatichi.” Qhitinacatejj juparu ist'apqui yatekapcaraqui ucanacajj nayaruw jutapjje.

Qullan Arunaka DC

⁴⁵ Profetanakan qillqatapan akham siwa: ‘Diosax taqiniruw yatichani.’ Khitinakatix jupar ist'apki, jupat yatiqapkaraki ukanakax nayaruw jutapxi.

Juan 6:45 Jak'a apnaqawi uñst'ayäwi

Isaías 2:3

walja jakenacaraquiw purinipjjani sapjjaraquiniwa: “Jutapjjam, Tatitun kollupar maqhatapjjañäni, Jacobon Diosapan temploparu, jupajj jiwasar sarnakäwinacap yatichañapataqui, ucat uca thaquipanjam sarañasataqui” sasa. Sión marcatwa Tatitun yatichäwipajj mistuni, Jerusalenatwa arunacapajj jutaraquini.

Isaías 54:13

Wawanacamarojj nayaw yatichä; take jupanacataquisti jach'a asqui sumancañaw utjani.

Miqueas 4:2

walja marcanacaraquiw purintanipjjani, aqham sasa: ‘Jutapjjam, Tatitun kolluparu maqhatapjjañäni, Jacobun Diosapan temploparu, jupajj jiwasaru thaquipa uñacht'ayañapataqui, uqhamat jiwasajj thaquipanjam sarnakañasataqui.’ Sionatwa Tatitun yatichäwinacapajj mistuni, Jerusalenatwa arunacapas misturaquini.

Mateo 11:27

“Awquejjasti take cunwa churjjetu ucampis janiw qhitis Yokarojj uñt'quiti, jan ucasti Awquiquiwa. Awquirusti janiraquiw qhitis uñt'quiti, jan ucasti Yokaquiw Awquirojj uñt'i, uqhamarac qhitirutejj Yokajj uñt'ayañ munqui ucanacampi.

Mateo 17:5

Pedron parlcañapcamasti, mä lliphipquiri kenayaw jupanacarojj muyuntäna. Uca kenaya taypitsti mä aruw ist'asi: “Acaw munat Wawajjajja, juparaquiw nayarojj wal cusisiyitu. Juparu ist'apjjam” sasa.

Marcos 1:2

Isaías profetajj aqhamwa kellkatayna: “Nayan khanañchirejjwa juman nayrakatam qhitta, thaquim waquichañapataqui.

Lucas 1:70

cunjämtï nayratpacha kollan profetanacap toke arscäna uqhamarjama.

Lucas 18:31

Jesusajj discipulonacaparojj yakhawjaru jawsasinwa saraqui: —Jichhajj Jerusalenar sarañäni, ucanwa phokhasini cuntejj profetanacajj kellkapjjäna Jaken Yokap toketa ucanacajja.

Juan 10:27

Nayan ovejanacajjajj arojj uñt'iwa, nayasti uñt'aractwa, jupanacasti arcapjjaraquituwa.

Juan 6:37

Take qhitinactejj Awquejj churquitu ucanacajja nayaruw juti; qhititejj nayaru jutqui ucarojja janiw ankaru alisnuccti.

Juan 6:65

Ucatsti saraquïnwa: —Ucatpï sapjjsmajja, janiw qhitis nayaru jutcaspati, janitejj Awquejjajj apancaspa ucajja —sasa.

Hechos 13:40

Amuyasipjjam, ucataraqui profetanacan aqham sas arsutanacapasti jumanacjjar phokhasiscaspan:

Hechos 7:42

Ucatpï Diosajj jupanacarojj jaytanucjjänjja, jupanacasti warawaranacaruquiw yupaychapjjäna, cunjämtï profetanacajj kellkapcäna uqhamarjama: ‘Israelit jakenaca, ¿pusi tunca mara wasaranccasinjja animalanac qharsusina sacrificionac loktapjjestati?

Efesios 1:17

Tatit Jesucristosan jach'a Dios Awquiparuw mayta ajayun yatiñ cancañ jumanacaru churañapataqui Diosan uñacht'äwip sum amuyapjjañamataqui, uqhamarac sum uñt'apjjañamataqui.

Filipenses 3:15

Take qhitinacatejj iyawsañan wali jilatäctan ucanacajj uqhamwa amuyañasa. Mä cuntejj jumanacajj amuyapctas mayjata, Diosajj jumanacarojj ucjja uñjayapjjaraquïtamwa.

1 Tesalonicenses 4:9

Jilatanac pura munasiñjjatjja janiw jumanacar kellkaniñajj waquiscjjeti, Dios pachpaw yatichapjjtam maynit maynicama munasiñjja.

Hebreos 10:16

“Jupanacamp uca arust'äwi lurcä ucajja, uca khepa urunacanjj aqhamäniwa, siw Tatitojja: “Arunacajj-jja chuymanacaparuw uscü, p'ekenacaparuw kellkantaraquï.

1 Juan 2:27

Ucampis jumanacanjja utjapjjtamwa Kollan Ajayu cawquïrtejj Tatit Jesucristojj churapjjtam uca. Uqhamatwa jan qhitin yatichäwips munapctati, uca pachpa Ajayuw jumanacarojj yatichapjjtam. Yatichäwipasti chekawa, janiraquiw c'arïquiti. Uqhamay Tatit Jesucristompejj mayac jacapjjam, cunjämtï Kollan Ajayojj yatichapctam uqhamarjama.