Juan 5:37 - Qullan Arunaca

³⁷ Uqhamaraquiw Awquejj qhitanquitu ucajja nayatwa khanañchi, ucampis jumanacajj janiw cunapachas arupjj ist'apctati ni uñjapctasa.

Aymar Bibliia 1986

³⁷ Uqhamaraquiw Awquejj qhitanquitu ucajja nayatwa khanañchi, ucampis jumanacajj janiw cunapachas arupjj ist'apctati ni uñjapctasa.

Qullan Arunaka DC

³⁷ Nayar khithanir Awkisti, nayat qhanañchi, janiw jumanakax kunapachas arup ist'apktati, janirakiw ajanupsa uñkatapktati,

Juan 5:37 Jak'a apnaqawi uñst'ayäwi

Éxodo 20:19

Ucatsti Moisesarojj sapjjänwa: —Jumasti parlapjjeta, nanacasti ist'apjjämawa. Ucampis Diosajj jan parlcpanti nanacampejja, uqhamat jan jiwañanacajjataqui —sasa.

Isaías 26:10

Ñankha jakenacat qhuyapayascäta ucasa, jupanacajj janipuniw chekapäñjja yatekapcaniti; asqui jakenacan orakenacapansti sinti khorunacaraquiw tucupjje, janiraquiw Tatitun jach'a cancañapsa yäkapquiti.

Mateo 17:5

Pedron parlcañapcamasti, mä lliphipquiri kenayaw jupanacarojj muyuntäna. Uca kenaya taypitsti mä aruw ist'asi: “Acaw munat Wawajjajja, juparaquiw nayarojj wal cusisiyitu. Juparu ist'apjjam” sasa.

Mateo 3:17

Alajjpachatsti ist'asiraquïnwa mä aru aqham siri: “Acawa munat Wawajjajja, cawquïrirutejj nayajj ajllista ucajja” sasa.

Marcos 1:11

Ucatsti mä aruraquiw alajjpachat ist'asïna: “Jumätawa nayan munat Wawajjajja, cawquïrirutejj nayajj ajlliscta ucajja” sasa.

Lucas 24:27

Ucatwa amuyt'ayañ kallti jupa toket take kellkatanacajj parlqui ucanacata, Moisesan libropat kalltasina, profetanacan take kellkatanacapat yatjjatasa.

Lucas 3:22

Kollan Ajayuwa jupjjaru sarakaniraquïna khanpacha mä palomar uñtata, ucatsti mä aruw alajjpachat ist'asïna: “Jumätaw nayan munat Wawajjajja, cawquïrirutejj nayajj ajlliscta ucajja.”

Juan 1:18

Janiw cunapachas Diosarojj qhitis uñjquiti, ucampis mä sapa Yokapa, cawquïritejj Awquipa jac'ana kont'atäquis ucawa uñt'ayistu cunjamäquitejj Diosajj ucjja.

Juan 14:9

Jesusajj ucjjarojj saraquïnwa: —Felipe, acqha maranacaraquis jumanacampïtanjja, ¿janit jichhacam uñt'quista? Qhititejj nayar uñjquitu ucajj Awquirojj uñjaraquiwa, uqhamasti ¿cunatsa mayista: ‘Awquiru uñacht'ayapjjeta’ sasajja?

Juan 15:24

Janitejj nayajj jupanac taypin jan qhitis lurqui ucanac lurquiriscäyäta ucajja, janiw cuna juchanïpcasapänsa. Ucampis jichhajj uñj-jjapjjewa, uqhampachasa nayarojj uñisisipcaquituwa, Awquejjarus uqhamaraqui.

Juan 5:32

Ucampis yakha testigowa utji nayat arsurejja, nayajj yattwa cuntejj sisqui ucajj chekawa.

Juan 6:27

Jan irnakapjjamti tucusir mank'ataquejja, jan ucasti wiñay jacañ churiri mank'ataqui irnakapjjam. Aca mank'sti naya Jaken Yokapaw churapjjäma, Dios Awquisti nayaruraquiw ajllisitu —sasa.

Juan 8:18

uqhamajja naya pachpawa nayatac mä testigötjja, qhitanquitu uca Awquejjajj maynïri testigoraquiwa —sasa.

Deuteronomio 4:12

Ucatsti Tatitojj nina taypitwa parlanipjjäyätam. Jumanacasti ist'apjjtaw arunacapjja, ucampis janiraquiw cuna jakëtapsa uñjapctati.

1 Timoteo 1:17

Uca luratanacapatwa jach'añchäwi churañäni wiñay jach'a Reyirojja. Jupajj janiw cunapachas jiwquiti, janiraquiw uñjcsnati uca take yatiñan mä sap Diosarojja. Uqhamäpan.

1 Timoteo 6:16

Jupa sapaquiw jan jiwquiti, jan qhitimpis jac'achcaya khananwa jacaraqui. Janiw qhiti jakes juparojj uñjquiti ni uñjcaraquispasa. ¡Jupanquirinacajja jach'añchatäpan ch'amaniraquïpan wiñayan wiñayapataqui! Uqhamäpan.

1 Juan 4:12

Diosarojj janipuniw qhitis cunapachas uñjquiti. Ucampis jiwasatejj munasiñäni maynit maynicama ucajja, Diosajj jiwasanwa jaqui, munasiñapasti jiwasan phokhasiraqui.

1 Juan 4:20

Ucampis cawquïritejj sejja: “Nayajj Diosarojj muntwa” sasa, ucatsti jilapar uñisiscaraquejja, ucasti c'ariwa. Maynitejj jilapar uñjcasina jan muncchejja, ¿cunjämatsa Diosarojj munaspa jan uñjasajja?

1 Juan 5:9

Jakenacan khanañchäwipjja catoktanwa, ucat sipansa Diosan khanañchäwipajj juc'ampi chekawa, Diosajj Wawapjjata khanañchatap laycu.