Juan 5:22 - Qullan Arunaca

²² Awquejja janiw qhitirus juchañchquiti, jan ucasti Yokaparuw take munañapa churi juchañchañapataqui.

Aymar Bibliia 1986

²² Awquejja janiw qhitirus juchañchquiti, jan ucasti Yokaparuw take munañapa churi juchañchañapataqui.

Qullan Arunaka DC

²² Awkix janiw khitirus juchañchkiti, jan ukasti Yuqaparuw juchañchañ ch'am churi,

Juan 5:22 Jak'a apnaqawi uñst'ayäwi

Salmos 96:13

Tatitojj niyaw purisinqui, acapachar sarayiriw jac'achasisinqui, chekapar uñjasaw acapacharojj apnakani, cheka cancañampiw marcanacarojj sarayani.

Salmos 98:9

orak apnaker jutir Tatitutaqui. Jupaw chekapar uñjañampejj oraker apnakani, marcanacarusti chekaparuw qhusqhac uñjani.

Eclesiastés 11:9

Jumajj wayna cusisim, wayna cancañamana; c'uchiqui sarnakaraquim waynäcasina. Chuymamajj cawquirutejj sarañ munqui, nayramas cuntï uñjqui ucar sararaquim; ucampis amtasim take ucanacatjja Diosar cuenta churañamäniwa.

Eclesiastés 12:14

Diosajj take luratanacasatwa wayt'istani, walitsa jan walitsa, jan uñjcat luratanacatsa.

Mateo 11:27

“Awquejjasti take cunwa churjjetu ucampis janiw qhitis Yokarojj uñt'quiti, jan ucasti Awquiquiwa. Awquirusti janiraquiw qhitis uñt'quiti, jan ucasti Yokaquiw Awquirojj uñt'i, uqhamarac qhitirutejj Yokajj uñt'ayañ munqui ucanacampi.

Mateo 16:27

Jaken Yokapajj Awquipan jach'a munañapampiw angelanacapampi jutani, ucatwa sapa maynirus luratanacaparjama churjjani.

Mateo 28:18

Jesusasti jupanacar jac'achasisinjja siwa: “Nayar churatawa take munañanïñajja alajjpachansa, acapachansa.

Juan 17:2

Jumajj Yokamarojj take jakenacjjaru ch'amanïñwa churtajja, cawquïrinactejj churcta ucanacar wiñay jacaña churañataqui.

Juan 3:35

Awquejj Yokaparojj munasiwa, juparusti take cunwa catuyaraqui.

Juan 5:27

uqhamaraquiw munañapsa churaraqui taripañataqui, Jaken Yokapätap laycu.

Juan 9:39

Ucatsti Jesusajj sänwa: —Nayajj acapacharu juchañchañataquiw jutta, juyqhunacajj uñjapjjañapataqui, qhitinacatejj uñjapqui ucanacan juyqhu tucupjjañapataquiraqui —sasa.

Hechos 10:42

Uca Tatit Jesusaw qhitapjjaraquitu jakenacar jupjjat yatiyiri, khanañchiriraqui: Diosajj uca quicpa Jesusaruw taripirit uchi take jaquirinacjjaru, uqhamarac jiwatanacjjarusa.

Hechos 17:31

Diosasti mä uru waquichi, ucüruw cheka cancañampi acapacharojj taripani cawquïr jaktejj jupajj ajllisqui uca toke. Uca jaken chekätapjja, jupar jiwatat jactayasaw take jakenacar khanpach yatiyi.”

Romanos 2:16

Diosajj take jakenacan jamasan luratanacapa Jesucristo toke taripcani uca urojja, khespiyasiñ arunaca nayajj yatichcta uqhamarjama.

2 Corintios 5:10

Criston tribunalap nayrakatarusti takeniw uñstañäni, sapakat maynis catokañapataqui cunatejj wact'qui uca, walsa jan walsa jacäwipanjja lurataparjama.

2 Timoteo 4:1

Diosan nayrakatapana, uqhamarac Tatit Jesucriston nayrakatapana, cawquïritejj jutcani mä jach'a reyjama jiwatanacaru jaquirinacaru taripañataqui ucan nayrakatapanwa wal ewjjt'sma.

1 Pedro 4:5

Ucampis jupanacajj, qhititejj waquichasisqui jiwirir jaquirir taripañataqui, jutcani ucaruw luratanacapata churapjjani.