Juan 20:25 - Qullan Arunaca

²⁵ Ucat maynïri discipulonacajj Tomaserojj sapjjänwa: —Tatituruw uñjapjjta —sasa. Ucampis Tomasejj sänwa: —Janitejj amparanacapan clavompi p'iyjat uñjcäjja, uqhamarac luc'anajjampi clavomp p'iyjatäcän uc jan llamct'cäjja, uqhamarac ch'illaparus amparajjampi jan llamct'caraquëjja, janiw iyawscäti —sasa.

Aymar Bibliia 1986

²⁵ Ucat maynïri discipulonacajj Tomaserojj sapjjänwa: —Tatituruw uñjapjjta —sasa. Ucampis Tomasejj sänwa: —Janitejj amparanacapan clavompi p'iyjat uñjcäjja, uqhamarac luc'anajjampi clavomp p'iyjatäcän uc jan llamct'cäjja, uqhamarac ch'illaparus amparajjampi jan llamct'caraquëjja, janiw iyawscäti —sasa.

Qullan Arunaka DC

²⁵ Ukat maynïr yatiqirinakax Tomasirux sapxäna: —Tatituruw uñjapxta —sasa. Ukampis Tomasix sänwa: —Janitix amparanakapan clavompi p'iyjat uñjkä, luk'anaxampis uk jan llamkt'kä, ch'illaparus amparaxampi jan llamkt'karakï ukax, janiw iyawskäti —sasa.

Juan 20:25 Jak'a apnaqawi uñst'ayäwi

Job 9:16

Nayatejj juparu juezata uñjañapataqui jawsiristjja jupajj janiw uñstancaspati, jawsatajjarusa janjaw ist'caraquispati.

Salmos 22:16

Jan wali jakenacajj anunacjamaw muyuntitu, ñankha lurir tama jakew uyuchrantitu: amparanacajjamp cayunacajjamp chhojjriñchapjjetu,

Salmos 78:32

Ucanac uñjcasasa, juch lurasipcaquïnwa; janiw Diosan muspharcañ luratanacaparojj iyawsapcänti.

Mateo 27:42

“Jupajj yakhanacarojj khespiyiwa, ucampis jupa quipcarusti janiraquis khespiyasiñataqui ch'amanïquitï. Chekapuni Israelan Reyipächi ucajja, crusat sarakanpan ucatwa jiwasajj iyawsapjjañäni.

Marcos 16:11

Jupanacasti Jesusan jactatap ist'asinjja, uqhamarac Marian uñjatap yatisinsa, janiw iyawsapcänti.

Marcos 16:13

Ucatsti jupanacajj mayninacar yatiyiriw sarapjjäna, ucampis ucanacajj uqham yatiycatpachasa janipuniw iyawsapcänti.

Marcos 16:14

Uca khepatsti Jesusajj tunca mayan discipulonacaparuw uñstäna mesan kont'atäsipquiriru. Jupanacarusti pisi iyawsañanïpjjatapatwa khant'äna, kala chuymanïpjjatapataraqui, Jesusan jactatap yatiyirinacaru jan iyawsapjjatap laycu.

Lucas 24:25

Ucapachaw Jesusajj jupanacarojj saraquïna: —¡Cunja jan amuyt'irïpjjaracta jumanacasti, kala chuymaninaca cunatarac profetanacan arsutanacapar jan iyawsapjjtasti!

Juan 1:41

Andresajj janïr cunäquipana Simón jilaparuw thaker saräna, ucatsti saraquïnwa: —Mesiasaruw jicjjatapjjta. (Ucasti Cristo sañwa muni.)

Juan 20:27

Ucjjarusti Tomaserojj sänwa: —Luc'anamamp acaru llamct'am, amparanacajj uñjaraquim, amparam apanim ucatsti ch'illajj llamct'araquita. Iyawsam, jan pächasimti —sasa.

Juan 21:7

Ucat Jesusan wali munat discipulopajj Pedrorojj sänwa —¡Tatituwa! —sasa. Simón Pedrojj Tatitütap yatisinjja ucspachaw patjja isip usct'asisin umaru t'iscunti (uca isipjja nayrakatajj apsusitaynawa).

Juan 6:30

Ucatsti jisct'apjjaraquïnwa: —¿Cuna unañchsa uñacht'ayapjjetasma jumar nanacajj iyawsapjjañajjataquejja? ¿Cuns lurta?

Hebreos 3:12

Jilatanaca, amuyasipjjam, jan jumanacatjja qhitis jan wali chuymanïpati uqhamat jacquir Diosat jithektañapataqui jupar jan iyawsatapata.

Hebreos 3:18

¿Qhitinacaruraquis Diosajj juramentompejj arsuraquïnjja: “Janiw mantapcätati nayamp chic samarirejj” sasajja? Qhitinacatejj jan ist'apcäna ucanacaruwa.