Juan 20:16 - Qullan Arunaca

¹⁶ Jesusajj ucjjarojj sänwa: —¡María! —sasa. Jupasti cutiquipstasinjja, siwa hebreo aruna: —¡Rabuni! —sasa. (Ucasti “Yatichiri” sañ muni.)

Aymar Bibliia 1986

¹⁶ Jesusajj ucjjarojj sänwa: —¡María! —sasa. Jupasti cutiquipstasinjja, siwa hebreo aruna: —¡Rabuni! —sasa. (Ucasti “Yatichiri” sañ muni.)

Qullan Arunaka DC

¹⁶ Jesusasti juparux sänwa: —¡María! —sasa. Jupasti kutikipstasin hebreo arun säna: —¡Rabuni! —sasa. (Ukasti “Yatichiri” sañ muni.)

Juan 20:16 Jak'a apnaqawi uñst'ayäwi

Génesis 22:1

Mä kawkha tiempo pasatatsti Diosajj Abrahaman iyawsañapwa yant'äna. Sutipatwa art'anïna, jupasti saraquïnwa: —Acanctwa —sasa.

Génesis 22:11

Tatitun angelapajj alajjpachat art'anïna: —¡Abraham, Abraham! —sasa. —Acanctwa —sasaw Abrahamajj saraquïna.

Génesis 45:12

Benjamín jilajjasa, jumanacasa testigöpjjtawa cuntejj siscta ucanacatjja.

Éxodo 3:4

Tatitusti Moisesar jutir uñjasinjja zarza sat ch'aphinac taypitwa jawsäna: —¡Moisés, Moisés! —sasa. Ucatsti Moisesajj: —¡Acäsctwa nayajja —sasaw saraquïna!.

Éxodo 33:17

Ucatsti Tatitojj sascaquïnwa: —Cuntejj jumajj siscta uqhamarojj luräwa, nayansti jumaruw confiansajjajja utjitu, ucatwa nayana yanapajja jicjjattajja —sasa.

Cantar de los cantares 3:4

Jupanacampi uqham jiquisiwayasa mä juc'a sartatajjarusti, nayan ancha munatajjampejj jiquisjjactwa. Amparapata wayjjarusinsti jan antutjasaw taycajjan utjäwiparojj irpawayta.

Cantar de los cantares 5:2

Nayajj iquiscäyätwa, ucampis chuymajjanjja janiw iccäyätti. Ucatsti ist'twa puncuta nayan munatajjana jawsatapa: “Munat cullaquitajjay, nayan suma palomajja, ¡jist'arita! ¡P'ekejjajj sullampi sullantatawa! ¡Aruma sullawa ñic'utajjan jalasqui!” sasa.

Isaías 43:1

Ucampis jichhajj Israel, Jacobon marcapa, jumar uywiri Tatitojj sistamwa: “Jan ajjsaramti, nayaw khespiysma, nayaw sutimat jawssma, jumajj nayanctawa.

Mateo 14:27

Ucampis Jesusajj jupanacarojj saraquïnwa: —Jan ajjsarapjjamti, nayäsctwa —sasa.

Marcos 10:51

Jesusasti juparojj jisct'änwa: —¿Cuna lurañajjsa munta? —sasa. Juyqhusti sänwa: —Yatichiri, nayrat waliptjjañ munta —sasa.

Lucas 10:41

Jesusasti juparojj saraquïnwa: —Marta, Marta, walja lurañanacamp mayjt'atäsctawa.

Juan 1:38

Jesusasti khepäjj uñaquipasisinsti jupar arcasquirwa uñjäna, jupanacarusti saraquïnwa: ¿Qhitsa thakasipcta? —sasa. Jupanacasti sapjjaraquïnwa: —Yatichiri, ¿cawquins jacascta? —sasa.

Juan 1:49

Natanaelajj ucjjarojj sänwa: —Yatichiri, jumajj Diosan Yokapätawa, Israel marcan Reyipa —sasa.

Juan 10:3

Punc uñjiristi awatirin, mantañapataquisti punc jist'ari, ovejanacasti arupjja uñt'araquiwa. Ovejanacarojj sutipatcamwa jawsi, ovejanacarusti uyutjja ansuraquiwa.

Juan 11:28

Martajj ucanac arsusinjja María cullacaparu jawsiriw saräna, ucatsti jamasatwa yatiyaraquïna: —Yatichirejj acanquiwa, jawsasctamwa —sasa.

Juan 13:13

Jumanacajj: ‘Yatichiri, Tata’ sapjjestawa. Uc sasinjja walicwa sasipctajja, ucapunïscaractwa.

Juan 20:28

Ucatsti Tomasejj sänwa: —¡Nayan Tatitojja, nayan Diosajja! —sasa.

Juan 3:2

Aca Nicodemosti arumaw saräna Jesusar uñjt'aniñataqui, ucatsti saraquïnwa: —Yatichiri, yatipjjtwa Diosajj jumar qhitanitapa nanacar yatichiri; janiraquiw qhitis aca milagronac lurcaspati, janitejj Diosajj jupampïspa ucajja —sasa.

Juan 5:2

Jerusalenansti Ovej uyu puncu sat jac'an mä uma estanquew utji, hebreo arunjj Betesda sata, ucasti pheska jach'a puncunïnwa.

Juan 6:25

Jupanacajj kotat qhurcataru purisinjja Jesusaruw jicjjatapjjäna, ucatsti jisct'apjjänwa: —Yatichiri, ¿cunapachas acar purinta? —sasa.

Hechos 10:3

Mä urusti, niya quimsa horasarjamaw Diosan mä angelapajj uñstäna. Ucatsti samcanjama jupan ucar mantasinwa, saraquïna: —¡Cornelio! —sasa.

Hechos 9:4

Ucspachaw Saulojj oraker jaknoktäna. Ucatsti ist'araquïnwa mä aru jupar sasquiri: —Saulo, Saulo, ¿cunats arcnakesta? —sasa.

1 Samuel 3:10

Ucatsti Tatitojj puriniraquïnwa, sayt'asisinsti cunjämtejj nayrakatajj jawscatayna uqhamwa jawsaraquiquïna: —¡Samuel! ¡Samuel! —sasa. —Parlascaquim, sirvirimajj ist'asctamwa —sasaw Samuelojj saraquïna.

1 Samuel 3:6

Ucampisa Tatitojj wasitat jawsascaquïnwa: —¡Samuel! —sasa. Ucat Samuelojj sartasin Elí sacerdoten ucaruw sararaqui, ucatsti saraquïnwa: —Acajj juttwa. ¿Cunataquis jawsista? —sasa. —Janiw nayajj jawscsmati, wawa. Iquiñamar sarjjam —sasaw Elí sacerdotejj saraquïna.