Juan 20:1 - Qullan Arunaca

¹ Semana kallta urojja, María Magdalenajja wali albatwa, ch'amac ch'amacäquipana sepulturar uñjir saräna, ucatsti sepulturaru atcatatäcäns uca kaljja atekatwa uñjäna.

Aymar Bibliia 1986

¹ Semana kallta urojja, María Magdalenajja wali albatwa, ch'amac ch'amacäquipana sepulturar uñjir saräna, ucatsti sepulturaru atcatatäcäns uca kaljja atekatwa uñjäna.

Qullan Arunaka DC

¹ Domingo qhantatisti, Magdalankir Mariax wali willjta ch'amakäkipan sepultura uñjir saräna, ukatsti sepulturar atkatatäkän uka qala atiqat uñjäna.

Juan 20:1 Jak'a apnaqawi uñst'ayäwi

Mateo 27:56

Ucanacamp chicasti ucancaraquïnwa María Magdalena, Joseanpin Jacobompin taycap Mariasa, Zebedeon yokanacapan taycapasa.

Mateo 27:60

Jupataqui waquichatäcänsa uca sepulturaruraquiw imjjäna, ucasti mä karkaru p'iyatänwa. Mä jach'a kalampi puncupar atintawayasinsti sarawayjjänwa.

Mateo 27:64

Jumasti quimsürpachataqui guardia uscum, discipulonacapajj jan arum jutasin apasjjapjjañapataqui. Inampis jupanacajj jakenacarojj sapjjaspan: ‘Jiwatat jactjjataynawa’ sasa. Uqhamäspa ucajja, uca khepa c'arïquis ucajj nayrirïquis ucat sipansa juc'amp jan walïspawa —sasa.

Mateo 27:66

Jupanacajj sarasinjja uqhamwa lurapjjäna. Mä sellompiraquiw uca jach'a kaljjarojj sellt'apjjäna. Soldadonacarusti uñjapjjañapataquiw jaytanipjjaraquïna.

Mateo 28:1

Samarañ uru pasatatjja, semana kallta uru willjtanipanwa, María Magdalenajja maynïri Mariampi sepultur uñjiri sarapjjäna.

Mateo 28:2

Ucatsti acatjamatwa orak qhathatejj sartäna, alajjpachata mä angelan sarakanitap laycu. Sepulturar jac'achasisinjja uca jach'a kaljja apakänwa, ucatsti uca patjjaruraquiw kont'asïna.

Marcos 15:46

Joseasti mä suma sábana alasin Jesusan jiwat janchip apakasin, ucampiw llawuntäna. Mä karkar p'iysuta sepulturar imawayasinsti mä jach'a kalampiw puncut atcataraquïna.

Marcos 16:9

[Jesusasti willjta horasaw jactäna. Ucürusti semana kallta urünwa. Ucatsti Magdalanquiri Mariaruw nayrakat uñstäna, cawquïrittejj jupajj pakallk ajayunac alisscäna ucaru.

Juan 11:38

Jesusajj wasitampiw wali ch'alljjtata, imäwiru jac'achasi. Imäwejj mä putuncänwa, mä jach'a kalampi puncut atcatataraquïnwa.

Juan 11:41

Ucatwa kaljja nuqhokapjjäna. Jesusasti alajjpacha uñtasinwa arsu: —Awquiy, yuspagarsmawa nayar ist'atamata.

Juan 19:25

Jesusan crusap jac'ancascaraquïnwa taycapajja, cullacapamp cuna, María, Cleofasan warmipa, uqhamarac María Magdalenamp chica.

Juan 20:26

Quimsakallko uru pasatatsti, discipulonacapasti wasitampiw mä utana tantachatäsipcäna, ucapachajj Tomasejj jupanacampïscänwa. Ucatsti puncunacajj jist'antatäsquïpansa, Jesusajj mantasinjja jupanac taypiruw sayt'asiraquïna, ucatsti aruntaraquïnwa: —Sumancañajj jumanacampïpan —sasa.

Hechos 20:7

Semana kallta urusti iyawsirinacajj t'ant'a pachjañataquiw tantachasipjjta. Pablosti jupanacarojj yaticharaquïnwa. Khepärmanthi sarjjañampejja, chica arumcamaw yatichäna.

1 Corintios 16:2

Sapa semana kallta urunwa jumanacajj apakjjapjjañama sapa maynisa cunjämtï ganasqui uqhamarjama, ucatsti imapjjam, cunapachatï purincä ucqhajja jan apthapipjjañamataqui.

Apocalipsis 1:10

Cunürutejj Tatitun urupäcäna uca urunwa nayajj Kollan Ajayun apnakata uñjasta, ucatsti mä jach'a aru ist'ta khepäjjajjat art'asiniri. Uca arusti mä trompetas phust'ascaspa uqhamänwa, ucatsti saraquituwa: