Juan 19:23 - Qullan Arunaca

²³ Soldadonacajj Jesusar ch'accatjjasinjja, jupan isipwa catupjje, ucatsti pusiruw ch'iyjapjjäna, sapakat soldadotaqui maya. Patjja isipsti catupjjaraquïnwa. Uca isisti janiw ch'ucunïcänti, amstat aynachcama mayaqui p'itatänwa.

Aymar Bibliia 1986

²³ Soldadonacajj Jesusar ch'accatjjasinjja, jupan isipwa catupjje, ucatsti pusiruw ch'iyjapjjäna, sapakat soldadotaqui maya. Patjja isipsti catupjjaraquïnwa. Uca isisti janiw ch'ucunïcänti, amstat aynachcama mayaqui p'itatänwa.

Qullan Arunaka DC

²³ Soldadonakasti Jesusar ch'akkatxasinxa, jupan isip apthapipxäna, ukatsti, pusir jaljasin mayakam katusipxäna. Ukatsti pata isip katupxarakïna, uka isix janiw ch'ukunïkänti, jan ukasti, amstat aynachkam maya p'itatakïnwa,

Juan 19:23 Jak'a apnaqawi uñst'ayäwi

Éxodo 28:32

ucasti chicachicarojj p'iyjatäñapawa p'eke waysuñataqui. Uca p'iya thiyanacasti suma doblantatäñapawa, mä suelat lurata chalecjama, uqhamata jan ch'iyjtañapataqui.

Mateo 27:35

Ch'accatatäjjän ucqhajja, soldadonacajj suertenac willtapjjäna Jesusan isinacap jaljasiñataqui. Uqhamatwa profetan arsutapajj phokhasi: “Isejj-jja suertenac willtasinwa jaljasjjapjje” sasa.

Marcos 15:24

Juparusti ch'accatapjjänwa, ucatsti soldadonacajj sorteasipjjänwa Jesusan isip laquinokasiñataqui.

Lucas 23:34

Ch'accatasipcän ucqhajj [Jesusajj sänwa: —Awquejja, perdonam, jupanacajj janiw cuna luratanacaps yatipquiti —sasa.] Soldadonacasti suerte jaktapjjäna Jesusan isip jupanaccam jaljasiñataqui.

Hechos 12:4

Pedror catuntasinjja, Herodesajj carcelaruw uchantayi. Ucansti Pedrojj pusi tama soldadonacampi uñjatäscänwa. Sapa tamansti pusi soldadow utjaraquïna. Herodesasti Pascua fiesta khepatwa marcan nayrakatapar uñstayañ munäna.