Juan 17:1 - Qullan Arunaca

¹ Ucanac arsusinjja Jesusajj alajjpachwa uñti, ucatsti sänwa: —Awqui, horasajj purinjjewa. Yokamar jach'añchamaya, Wawamajj jumaru jach'añchañapataquiraqui.

Aymar Bibliia 1986

¹ Ucanac arsusinjja Jesusajj alajjpachwa uñti, ucatsti sänwa: —Awqui, horasajj purinjjewa. Yokamar jach'añchamaya, Wawamajj jumaru jach'añchañapataquiraqui.

Qullan Arunaka DC

¹ Taqi ukanak arsusinsti, Jesusax alaxpach uñtasaw säna: “Awkixay, pachax purinxiwa. Yuqamar jach'añcham, Yuqaman jumar jach'añchañapataki.

Juan 17:1 Jak'a apnaqawi uñst'ayäwi

Salmos 123:1

Tatay, juma tokeruw uñtansma; juma, alajjpachan jaquiriruw mayisinsma.

Isaías 38:14

Janiw wal wararcaractti, jamach'inacjamaquiw jacht'ascta, palomanacjamaraquiw aykt'ascta. Nayranacajjas karitäjjaraquiwa alajjpach uñch'uccäwejja. Tata, t'akhesiñanacajjatay arjjatt'ita.

Marcos 14:41

Quimsïri cutin jutasinsti saraquïnwa: —Jichhacuch icjjapjjam, samarapjjaraquim, uqhamaquïpan, horasajj purinjjewa, Jaken Yokapasti juchararanacan amparapar catuyatäjjaniwa.

Lucas 18:13

Ucampis impuesto cobrirejj jayaruwa kheparjjäna, janiraquiw alajjpachar uñtañs muncänti, jan ucasti jupapachaquiw chuymap lek'esïna, saraquïnwa: ‘Oh Dios, naya juchararat qhuyapayasita’ sasa.

Lucas 22:53

Cunapachatï nayajj sapürus templona jumanacampïscäyäta ucqhajja, janiw catuntapquistati, ucampis jichhajj horasanacamawa, cunapachatï ch'amacajj munañanïqui uca horasawa —sasa.

Juan 11:4

Jesusasti uc ist'asinjja sänwa: —Aca usojj janiw jiwañataquïquiti, ucampis acajj Diosan jach'a ch'amapa uñacht'ayañataquiwa, uqhamarac uca usu toket Diosan Yokapan jach'a ch'amapajj uñacht'ayasiñapataquiraqui —sasa.

Juan 11:41

Ucatwa kaljja nuqhokapjjäna. Jesusasti alajjpacha uñtasinwa arsu: —Awquiy, yuspagarsmawa nayar ist'atamata.

Juan 12:23

Jesusasti ucjjarojj sänwa: —Jaken Yokapan jach'añchatäñap horasajj purinjjewa.

Juan 13:1

Mä uruquejjänwa Pascua fiestataquejja. Jesusajj yatïnwa aca orake jaytjjañapa, uqhamarac Awquipan ucaru sarjjañap horasas purinitapa. Aca orakencqui uca jupanquirinacarojj munasipunïnwa. Uca jach'a munasiñapsti khepacamaraquiw uñacht'ayäna.

Juan 16:32

Uqhamajj horasajj puriniwa, jichhpacharaquiw jumanacajj saräwinacamarjama willinuctawayjjapjjaraquïta, nayarusti sapacwa jaytapjjetäta. Ucampis janiw nayajj sapaquïcti jan ucasti Awquiw nayampïsqui.

Juan 7:30

Ucatsti preso apañ munapjjäna, ucampis janiw qhitis catuntañ yant'cänti horasapajj janïr purincatap laycu.

Juan 7:39

Ucampejj Jesusajj sañwa munäna, qhitinacatejj iyawsapcani ucanacajja Kollan Ajayu catokapjjani. Janïraw Kollan Ajayojj jutcataynati, Jesusajj janïra alajjpachar aptatätap laycu.

Juan 8:20

Jesusajj acanac arsünwa templon yatichcasina, ofrenda cajanacajj uscutäcäna ucawjana. Ucampis janiw qhitis preso catuntañ ch'amanïpcänti horasapajj janïra purinitap laycu.

Hechos 3:13

Jan ucasti, Abraham, Isaac, Jacob nayra awquinacasan Diosapaw Jesús Yokaparojj jach'ar apti. Uca Jesusarojj jumanacaw jilïrinacar catuyapjjtajja. Cunapachatï Pilatojj: ‘Antutjjä’ sisquipansa, jumanacajj janiw munapctati.

1 Pedro 1:21

Jumanacasti Cristo tokeraquiw Diosarojj iyawsapjjtajja. Uca Diosaraquiw Cristorojj jiwatanacat jactayi, jach'aru tucuyaraqui; uqhamasti jumanacajj Diosaruw iyawsapjjtajja, suyt'apjjaractasa.