Juan 16:10 - Qullan Arunaca

¹⁰ Amuytatasipjjaniwa cawquïritejj cheka thaquïqui ucatjja, nayasti Awquejjan ucaruw sarascta, jumanacasti janiw juc'amp uñjcjjapjjetätati;

Aymar Bibliia 1986

¹⁰ Amuytatasipjjaniwa cawquïritejj cheka thaquïqui ucatjja, nayasti Awquejjan ucaruw sarascta, jumanacasti janiw juc'amp uñjcjjapjjetätati;

Qullan Arunaka DC

¹⁰ ¿khitirak jan juchanïki ukasti? Naya, Awkixan ukar saraskta, jumanakasti janiw juk'amp uñjkxapxitätati;

Juan 16:10 Jak'a apnaqawi uñst'ayäwi

Isaías 42:21

Tatitusti, mä khespiyiri Diosätapatjja, yatichäwipjja jach'a c'ajquiri tucuyañrac munänjja;

Daniel (hebreo) 9:24

“Pakallko tunca semananacaw pasañapa marcamjjaru, uqhamaraqui kollana marcamjjarusa, uqhamat ñankha luräwiru, juchampiru tucjañataqui, ñankha luräwinacatjja pampachäwi jicjjatañataqui, ucatsti cunatejj chekapäqui uca wiñayataqui utt'ayañataqui, uqhamat unañchäwi uñjcta, uqhamaraqui profecía arunac ist'cta ucanacajj phokhasiñapataqui, ucjjarusti cawquïritejj kollanäqui ucajja Diosar catuyatäjjañapcama.

Juan 16:28

Nayajj Awquejjan ucatwa acapachar jutta; jichhasti acapachjja jaytawayjjtwa, wasitatwa Awquejjan ucaru cutt'jjaracta.

Juan 16:5

Jichhajj sarjjäwa qhititejj qhitanquitu ucan ucaru; jumanacatjj janiw maynis jisct'apquistati: ‘¿Cawquïrus saräta?’ sasa.

Juan 3:14

Cunjämtï Moisesajj wasaran catari aptäna, uqhamaraquiw Jaken Yokapajj aptatäni.

Juan 5:32

Ucampis yakha testigowa utji nayat arsurejja, nayajj yattwa cuntejj sisqui ucajj chekawa.

Juan 7:33

Ucatsti Jesusajj saraquïnwa: —Nayajj jumanacampejj juc'ataquiquiw acancä, ucatsti qhitanquitu ucaruw cutt'awayjjä.

Hechos 17:31

Diosasti mä uru waquichi, ucüruw cheka cancañampi acapacharojj taripani cawquïr jaktejj jupajj ajllisqui uca toke. Uca jaken chekätapjja, jupar jiwatat jactayasaw take jakenacar khanpach yatiyi.”

Hechos 2:32

Uca quicpa Jesusaruw Diosajj jiwatat jactayi. Ucjja take nanacaw sum uñjapjjta.

Hechos 3:14

Jumanacasti aca asqui k'oma Jesusarojj jan uñt'iriw tucupjjtajja. Ucatsti jake jiwayirïquis ucaruquiw antutatäñapataquejj mayipjjaractajja.

Hechos 7:52

¿Cawquïr profetanacarus awquinacamajj jan t'akhesiyapcänjja? Ucatsipana mayni asqui jaken jutañapat yatiyirinacarusa jiwayapjjaraquïnwa. Jichhasti jup jutjjepanjja, jumanacajj juparojj catuntasinwa jiwayapjjaractajja.

Romanos 1:17

Aca arunacasti jiwasanacarojj yatichistuwa, cunjämtï Diosajj jiwasanacar catokquistu iyawsäwi laycuqui, cunjämtejj Kellkatan sisquis uqhama: “Qhititejj Diosamp catokatäqui ucajja iyawsäwi laycuquiw jacani” sasa.

1 Corintios 1:30

Jumanacarusti Dios quipcaw Jesucristompi mayaruqui tucuyapjjtam uqhamaraquiw Diosajj jiwasan yatiñ cancañasjja Jesucristompi utjayi. Uca Jesucristo tokeracwa khespiyistu, jupar catuyata tucuyaraquistu.

2 Corintios 5:21

Cristojj janiw cuna juchsa lurcänti, ucampis Diosajj juparojj mä juchan jakerjamaw uñjäna jiwasanac laycu, jiwasajj Cristomp chicäjjatas laycojj mä chekap jacañanëjjañasataqui, cunjämtï Diosajj jacañas munqui uqhama.

Gálatas 5:5

Jiwasanacajj Ajayu toke, uqhamarac iyawsañ toketaracwa, Diosan nayrakatapan catokatäña suyt'äwisajj utjistu.

1 Timoteo 3:16

Janiw Diosar arcäwisana imantatäqui ucatjja payachasiñajj utjquiti, ucasti wali jach'awa: Diosajj jaker tucusaw uñstawayi; jupajj Ajayunsa asquit khanañchataraquiwa, angelanacansa uñjataraquiwa. Marcanacarojj yatiyatawa, aca orakpachanjja iyawsataraqui, alajjpachansa catokataraqui.

1 Pedro 3:18

Cristo quipcaraquiw juchanacas laycojj jiwäwipanjja t'akhesiwayejja jan mayampitaqui. Jupajj asqui jakënwa, ucampis jiwasan jan walïtas laycuw t'akhesiwayi, jiwasar Diosar irpañataqui. Janchinaqui jiwatänjja ucampis ajayupanjja jactanjjewa.