Juan 14:30 - Qullan Arunaca

³⁰ “Janiw jumanacampi juc'ampi parlcjjäti, acapacha apnakqui ucasti niya jutiwa. Ucampis janiw cuna ch'amanïquisa nayataquejja.

Aymar Bibliia 1986

³⁰ “Janiw jumanacampi juc'ampi parlcjjäti, acapacha apnakqui ucasti niya jutiwa. Ucampis janiw cuna ch'amanïquisa nayataquejja.

Qullan Arunaka DC

³⁰ “Janiw jumanakamp juk'ampinak parlkxäti, akapach apnaqir supayax niy jutiwa. Jupasti nayxarux janiw kuna ch'amanïkisa,

Juan 14:30 Jak'a apnaqawi uñst'ayäwi

Lucas 1:35

Angelasti sänwa: —Kollan Ajayuw jumjjaru jutani, ucatsti alajjpach Diosan ch'amapaw mä kenayjam jumarojj imjjattätam. Ucatwa nascan uca wawajj Diosatac yakhachatäni, ucatsti Diosan Wawapa sataraquïniwa.

Lucas 22:53

Cunapachatï nayajj sapürus templona jumanacampïscäyäta ucqhajja, janiw catuntapquistati, ucampis jichhajj horasanacamawa, cunapachatï ch'amacajj munañanïqui uca horasawa —sasa.

Juan 12:31

Jichhapï horasajja acapachasti taripatäniwa, jichharaquiwa acapacha apnakerejj jaksutäni.

Hechos 1:3

Jesusajj jiwatat jactasinjja, jupa quicpaw uca pusi tunca urunjja walja cuti apostolonacaparojj uñstäna. Uqhamatwa Jesusajj jupanacarojj uñacht'ayasïna chekpachapuni jactjjatapata. Uqhamaraquiw Diosan reinopjjat parlawayäna.

2 Corintios 4:4

Cunjämatï jupanacajj jan iyawsapquejja, ucatwa acapach diosajj jupanacan amuyt'anacapjja ch'amact'ayi jan Criston khanquir arunacapa uñjapjjañapataqui, Diosajj cunäquitejj uc uñacht'ayasa.

2 Corintios 5:21

Cristojj janiw cuna juchsa lurcänti, ucampis Diosajj juparojj mä juchan jakerjamaw uñjäna jiwasanac laycu, jiwasajj Cristomp chicäjjatas laycojj mä chekap jacañanëjjañasataqui, cunjämtï Diosajj jacañas munqui uqhama.

Efesios 2:2

Acapachan sarnakäwinacaparjamaw jacasipcäyäta, cawquïri ajayutejj ñankha ajayunacaru apnakqui, uqhamarac ch'amañchqui Diosar jan ist'irinacarusa, uca ajayun munañap lurasina.

Efesios 6:12

Janiw jakenac toketi nuwasctan, jan ucasti alajjpachanacanquiri ñankha ajayunac tokewa, qhitinacatejj aca ch'amac oraken munañampi apnakapqui ucanac contraw nuwastanjja.

Colosenses 1:13

Diosaw jiwasarojj ch'amacanacan munañapat khespiyanistu, Jesucristo Yokapan apnakatäñataquiw uchasiraquistu.

Hebreos 4:15

Jiwasan uca jach'a jilïr sacerdotesasti qhuyapt'ayasistaspawa t'uqha cancañasanjja, jupa quicparaquiw take casta yant'anaca jiwasjama t'akhesiwayi, ucampis jan juchar purisa.

Hebreos 7:26

Uqhamapï Jesusajj cuna jilïri sacerdottejj suycäyätan ucajja. Jupajj kollanawa, jan juchaniraquiwa, juchaninacats jithektata, alajjpachats juc'amp alayar aptataraqui.

1 Pedro 1:19

jan ucasti Tatit Jesucriston suma wilapampi alatawa. Uca Tatitusti mä suma k'oma jan camacht'ata ovejar uñtata sacrificion loktataraquïnwa.

1 Pedro 2:22

Jupajj janiw cuna juchsa lurcänti, janiraquiw qhitirus cunapachas ñankha lurcänti.

1 Juan 4:4

Wawanaca, jumanacajj Diosanquirïpjjtawa, atipt'apjjaractawa uca c'arinacaru; cawquïritejj jumanacampïqui ucajja, juc'amp ch'amaniwa jupanacampïquis ucat sipansa.

1 Juan 5:18

Yattanwa qhititejj Diosat awquinïqui ucajja, janiw juchan sarnakquiti Diosan Yokapan jupar imatap laycu, ucatsti Supayajj janiw llamct'quiti.

1 Juan 5:19

Yattanwa Diosanquirïtasa, uqhamarac take aca orakpacha Supayan munañapancatapa.

Apocalipsis 12:9

Uqhamajj uca dragonajj jakonucutäjjänwa alajjpachatjja. Uca dragonapï nayrapacha uca jach'a catarïnjja, ucasti Supaya, Satanás sataraquiwa, juparaquiw aca oraken jakenacarojj wali sallkjañanac luri. Jupampi angelanacapampisti aca orakeru jaktanitäjjapjjänwa.