Juan 14:22 - Qullan Arunaca

²² Judasajj (aca Judasajj janiw Iscariote ucäquiti) Jesusarojj sänwa: —Tata, ¿cunatsa nanacarojj uñacht'ayasipjjetäta, acapachanquir jakenacarusti janirac uñacht'ayascätati? —sasa.

Aymar Bibliia 1986

²² Judasajj (aca Judasajj janiw Iscariote ucäquiti) Jesusarojj sänwa: —Tata, ¿cunatsa nanacarojj uñacht'ayasipjjetäta, acapachanquir jakenacarusti janirac uñacht'ayascätati? —sasa.

Qullan Arunaka DC

²² Maynïr Judasasti, (janiw Judas Iscariote ukäkiti) Jesusaruw jiskt'äna: —Tatay, ¿kunatarak nanakaruk uñachayasipxitäta, ukat janirak akapachankirinakar uñachayaskätasti? —sasa.

Juan 14:22 Jak'a apnaqawi uñst'ayäwi

Mateo 10:3

Felipe, Bartolomé, Tomás, Mateo impuesto cobriri; Jacobo Alfeon yokapa; Tadeo, yakha sutipasti Lebeo sataraqui;

Marcos 3:18

Ucjjarusti Andrés, Felipe, Bartolomé, Mateo, Tomás, Jacobo Alfeon yokapa, Tadeo, Cananista partidonquir Simón.

Lucas 6:16

Jacobon jilapa Judas, uqhamarac Judas Iscariotempi, khepatsti jupajj Jesusaruw aljantäna.

Juan 3:4

Nicodemosti ucjjarojj jisct'araquïnwa: —Uqhamasti, ¿cunjämrac mä chachajj chuymanëjjasinjja wasitat nacispa? ¿Taycapan puracaparuti wasitat mantaspa naciñataquejja? —sasa.

Juan 3:9

Nicodemojj wasitat jisct'äna: —¿Cunjämäspas acajja? —sasa.

Juan 4:11

Warmisti Jesusarojj saraquïnwa: —Tata, janiw cunamp um apsuñamas utjquiti, phujusa wali mankheraquiwa. ¿Cunjämatsa jacquir um churitasma?

Juan 6:52

Judionacasti uc ist'asinjja jupanac puraw ch'ajjwthaptapjjäna: —¿Cunjäms acajj pachpa janchipat mank'ayistaspajja? —sasa.

Juan 6:60

Aca yatichäwinac ist'asinjja waljaniw Jesusan arquirinacapat sapjjäna: —Ch'amaw aca arunacap iyawsañajja, ¿qhitirac juparusti ist'ani? —sasa.

Hechos 1:13

Marcar purisinjja, maqhatapjjänwa cawqui altos utantejj korpachatäpcän ucaru. Ucanacasti acanacawa: Pedro, Jacobo, Juan, Andrés, Felipe, Tomás, Bartolomé, Mateo, Alfeon Jacobo yokapa, Simón (Cananista sat partidonquiri), uqhamarac Jacobon Judas jilapa, yakhanacampi cuna.

Judas 1:1

Naya Judas, Jesucriston sirviripa, Jacobon jilaparaquiw aca carta kellkta qhitinacarutï Dios Awquejj jawsqui, uqhamarac yakhachqui jupancapjjañapataqui ucanacaru. Ucanacasti imatäpjjewa Jesucristompi mayachatätap laycu.