Juan 14:20 - Qullan Arunaca

²⁰ Ucüruwa jumanacajj Awquincatajja yatipjjäta, jumanacasti nayancatajjaraqui, nayasti jumanacampïtajjaraqui.

Aymar Bibliia 1986

²⁰ Ucüruwa jumanacajj Awquincatajja yatipjjäta, jumanacasti nayancatajjaraqui, nayasti jumanacampïtajjaraqui.

Qullan Arunaka DC

²⁰ Khä urun jumanakax, nayan Awkixankatax yatipxäta, jumanakasti nayankatam yatipxäta, nayasti jumanakankatam yatipxarakïta.

Juan 14:20 Jak'a apnaqawi uñst'ayäwi

Juan 10:38

Ucampis lurstjja ucajja, janis nayarojj iyawsapquita, luräwinacajjarojj iyawsapjjam, Awquejj nayancatapa yatipjjañamataqui, nayasti Awquincatajjaraqui —sasa.

Juan 14:10

¿Janit iyawsapcta nayajj Awquincatajja, Awquisti nayancatapa? Cunanactejj sapjjsma ucjja, janiw naya pachpatacti sapcsma, nayan jacqui uca Awquiwa luräwinacap lurasqui.

Juan 14:11

Nayajj Awquinctwa, Awquisti nayampiraquiwa ucjja iyawsapjjeta, jan ucajj luratanacajj uñjasinacsa iyawsapjjeta.

Juan 16:23

“Ucürunjja janiw cuns jisct'jjapjjetätati. Khanacwa sapjjsma, Awquiru cuntejj nayan sutejjaru mayipcäta ucjja churapjjätamwa.

Juan 16:26

Ucürunjja jumanacajj mayipjjätawa nayan sutejjaru. Janiw sapcsmati: Nayajj Awquirojj mayïwa jumanacataqui, sasa,

Juan 17:11

“Nayajj janiw acapachancjjäti, ucampis jupanacajj acapacharuw kheparapjje, nayasti jutjjtwa jumampïñataqui. Kollan Awquejja, cawquïrinactejj churquista ucanacarojj ch'amamampiy imam jupanacajj mayaquïpjjañapataqui, cunjämatejj jumampi nayampejj mayaquïctanjja uqhama.

Juan 17:26

Jupanacarojj uñt'aysmawa, ucampis uñt'ayascaquïmawa, cunjämtejj nayaru munasista uca munasiñajj jupanacampïñapataqui, nayasti jupanacampïñajjataquiraqui.”

Juan 17:7

Jichhajj yatjjapjjewa cunanactejj churquista ucanacajj jumat jutatapa.

Juan 6:56

Qhititejj nayan janchejj mank'qui, wilajjsa umcaraqui ucajja nayampejj mayaquiwa, nayasti jupampejj mayaquiraquïtwa.

Romanos 16:7

Marca masinacajj Andronicompir, Juniasampir aruntarapipjjaraquita. Jupanacajj nayamp chicaraquiw carcelancapjjäna. Apostolonaca taypinjja wali aytatäpjjewa, jupanacasti nayat nayra Tatiturojj iyawsapjjäna.

Romanos 8:1

Jichhasti janiw cuna juchañchäwis utjquiti Cristo Jesusanquirinacataquejja, qhitinacatejj jan jacapqui janchin munañaparjama [jan ucasti Ajayun apnakata jacapqui ucanacataquejja].

1 Corintios 1:30

Jumanacarusti Dios quipcaw Jesucristompi mayaruqui tucuyapjjtam uqhamaraquiw Diosajj jiwasan yatiñ cancañasjja Jesucristompi utjayi. Uca Jesucristo tokeracwa khespiyistu, jupar catuyata tucuyaraquistu.

2 Corintios 12:2

Tatitur iyawsir mä jakeruw uñt'ta, jupasti quimsïri alajjpachcamaw irpataraquïna ucat acarojj niya tunca pusini maraw pasjje. Janchipamppacha jan ucajj ajayunaqui irpatächïn ucjja janiw yatcjjti, Dios mayniquiw ucjja yati.

2 Corintios 13:5

Jumanacpacharac yant'asipjjam, iyawsañanacamanjja suma ch'amanïpjjtati janicha uc yatiñataqui. ¿Janit jumanacasti amuyasipcta Jesucristojj jumanacampïtapsti? K'ari jilatanacäpcasmas ucqhaquiw Cristojj jan jumanacampïcaspatejja.

2 Corintios 5:17

Uqhamasti, qhititï Cristompëjjchi ucajj machak jakëjjewa. Nayra luräwinacasti tucusjjaraquiwa, jichhajj take cunas machakar tucutawa.

2 Corintios 5:19

Diosajj acapachampejj Cristo tokwa sumancthapiscäna, jakenacan juchanacapat jan amtasisa. Jiwasarusti uca sumancthapiñ arunacwa jaytawayaraquistu mayninacar churañasataqui.

Gálatas 2:20

Nayajj jiwjjtwa Cristompi chic ch'accatata, ucampis janiw nayajj jacjjtti, jan ucasti Cristow nayan jacjje. Aca janchin jactsa ucajja, Diosan Yokaparu iyawsatajj laycuquiw jacasctjja, nayar munasinwa jacañapa naya laycu apt'asiwayi.

Efesios 2:10

Diosaw jiwasanacar luristu, Cristo Jesusampi asqui luräwinac lurañasataqui, jupan nayratpach waquicht'ataparjama.

Colosenses 1:19

Diosajj munaraquïnwa jupajj cunäquitejj ucajj Criston uñstañapa.

Colosenses 1:27

Jupanacaruw Diosajj aca imantatjja uñacht'ayaraqui, cuna kamir cancañatejj Diosan utjqui jan judiöpquis uca jakenacaru. Imantäwisti Jesucristojj jumanacancqui ucawa, juparaquiwa cuntejj catokapcäta uca suyt'äwisa.

Colosenses 2:9

Cunäquitï Diosajj ucasti Cristonwa uñsti;

1 Juan 4:12

Diosarojj janipuniw qhitis cunapachas uñjquiti. Ucampis jiwasatejj munasiñäni maynit maynicama ucajja, Diosajj jiwasanwa jaqui, munasiñapasti jiwasan phokhasiraqui.