Juan 14:2 - Qullan Arunaca

² Awquejjan utapanjja walja utjäwinacaw jacañatac utji, jan uqhamäcaspa ucajja, nayajj niyaw jumanacaru sapjjeriscasamäna. Uqhamajj mä utjäwi jumanacatac waquichiriw sarä.

Aymar Bibliia 1986

² Awquejjan utapanjja walja utjäwinacaw jacañatac utji, jan uqhamäcaspa ucajja, nayajj niyaw jumanacaru sapjjeriscasamäna. Uqhamajj mä utjäwi jumanacatac waquichiriw sarä.

Qullan Arunaka DC

² Awkixan utapan walja utjäwinakaw utji, jan ukhamäkaspa ukasti, nayax janiw jumanakar sapkiriskasamänti, “mä uta jumanakatak wakichiriw saraskta” sasa.

Juan 14:2 Jak'a apnaqawi uñst'ayäwi

Lucas 14:22

Ucjjarusti uywatajj saraquïnwa: ‘Tata, arsutamarjamaw phokta, ucampis utjascaquiw kont'asiñajja’ sasa.

Juan 13:33

Munat wawanacajja, mä juc'a urunacampiquiw jumanacampïyajja. Jumanacajj nayarojj thakapjjetätawa, ucampis cunjämtejj judionacaru sisctjja uqhamaracwa sapjjsma jichhajja: ‘Janiw jumanacajj sarapcasmati cawquïrutejj nayajj sarcä ucarojja.’

Juan 13:36

Simón Pedrosti Jesusaruw jisct'äna: —Tata, ¿cawquïrus saräta? —sasa. Jesusasti ucjjarojj saraquïnwa: —Cawquïrutejj nayajj sarctjja, ucarojj jichhajj janiw arcquitasmati, ucampis khepatwa arquitäta —sasa.

Juan 14:28

Jumanacajj ist'apjjestawa: ‘Sarjjäwa, ucatsti wasitampiw jutä jumanacampïñataqui’ siri. Chekpachantejj munasipjjetasmajja: ‘Awquin ucaruw sarascta’ uc siri ist'asinjja cusisipjjasamänwa, jupajj nayatsa juc'ampïtap laycu.

Juan 16:4

Acsti sapjjsmawa cunapachatejj uca horasajj purincani ucqhajja, cuntejj sapcsma uc amtasipjjañamataqui. “Janiw acjj kalltatpacha yatiyapcäyäsmati, nayajj jumanacampïscatajj laycu.

Juan 17:24

“Awquiy, jumaw jupanac churista. Jichhajj muntwa nayajj cawquinccätejja, jupanacajj ucancapjjañaparaqui, jumajj jach'a cancañwa churista uc uñjapjjañapataqui, jumasti janïra acapachajj utjquipanwa munasista.

Hechos 9:16

Nayaraquiw juparojj uñachayä kawkha t'akhesiñapatejj naya laycu jupan utjqui uca —sasa.

2 Corintios 5:1

Jiwasanacajj acapachan tucusir utjamätanwa, apnakañ carpjama ucajj janiw wiñayataquïquiti; ucampis yattanwa take acanacatejj tucusjjanejja, Diosajj waquicharapistuwa alajjpachana wiñay uta, ucasti janiw jakenacan amparapamp luratäquiti.

1 Tesalonicenses 5:9

Diosasti janiw mutuyäwi catokañataqui uscquistuti, jan ucasti Tatit Jesucristo toke khespiyasiñ jicjjatañataquiw uscustu.

Tito 1:2

uqhamarac wiñay jacañ suyt'äwirusa. Uca jacañ churañataquejj Diosajj janïr aca orake kalltasquipanwa phokhañataqui arsuwayi, Diosasti uc arsusajj janiw c'arisquiti.

Hebreos 11:10

Abrahamajj suyt'ascaraquïnwa suma utt'ayata marca, uca marcan luriripajja Diosawa.

Hebreos 13:14

Aca orakenjja janiw wiñay utjir marcajj utjquistuti, jan ucasti thakasctanwa cawquïr marcatejj jutcani uca.

Hebreos 6:20

cawquirutejj Jesusajj jiwas laycu mantcäna, jiwasatac thac jist'arañataqui. Uqhamanwa Jesusajj wiñayatac mä jilïr sacerdote tucuwayi Melquisedec castata.

Hebreos 9:8

Kollan Ajayojj take ucanacampejj amuyt'ayistuwa, uca nayrïri santuariojja culto lurañaquïscatapa, Sinti Kollan sat Chekar puriñataquisti janïraw thaquejj jist'aratäcänti.

Apocalipsis 1:5

Diosan cheka testigopa Jesucristotsa catokapjjaraquim bendicionapjja. Uca Jesucristowa jiwatanacat nayrïri jactirejja. Take acapach reyinacjjarus jupajj munañaniraquiwa. Jesucristojj jiwasarojj walwa munistu, juchanacasatsa wilapampiw jarekestu.

Apocalipsis 21:2

Ucatsti kollan marca uñjta, machak Jerusalén. Uca marcasti Diosan nayrakatapatwa sarakasincäna, mä casarasir tawakor uñtata suma isthapt'ataraqui casarasir waynar catokañatacjama.

Apocalipsis 3:12

Qhitinacatejj atipjapcani ucanacarojj nayajj Dios Awquejjan templopan catjjäsir perkanacapäcaspas uqhamwa tucuyä. Ucatsti janiraquiw mayampsa ucatjja mistcjjapjjaniti. Ucanacaruraquiw Diosajjan sutipsa kellkäjja, uqhamarac Diosajjan marcapan sutipsa, ucasti alajjpachat sarakaniri machak Jerusalenawa. Ucanacarusti machak sutejjsa kellkaraquïwa.

Apocalipsis 3:21

Qhitinacatejj atipjcani ucanacarojja, nayamp chicwa kont'asiyä tronojjana, cunjämatejj nayajj atipjtjja ucatsti Awquejjampi chicajj tronopan kont'asctjja uqhama.