Juan 14:10 - Qullan Arunaca

¹⁰ ¿Janit iyawsapcta nayajj Awquincatajja, Awquisti nayancatapa? Cunanactejj sapjjsma ucjja, janiw naya pachpatacti sapcsma, nayan jacqui uca Awquiwa luräwinacap lurasqui.

Aymar Bibliia 1986

¹⁰ ¿Janit iyawsapcta nayajj Awquincatajja, Awquisti nayancatapa? Cunanactejj sapjjsma ucjja, janiw naya pachpatacti sapcsma, nayan jacqui uca Awquiwa luräwinacap lurasqui.

Qullan Arunaka DC

¹⁰ ¿Janit iyawsktasti nayampi Awkimpix mayakïpxataxsti? Yatiyapksma uka arunakxa, janiw naya pachpatakti sapksmaxa. Nayan jakki uka Awkiw luräwinakap luraski.

Juan 14:10 Jak'a apnaqawi uñst'ayäwi

Juan 10:30

Awquimpi nayampejja mayaquïpjjtwa —sasa.

Juan 10:38

Ucampis lurstjja ucajja, janis nayarojj iyawsapquita, luräwinacajjarojj iyawsapjjam, Awquejj nayancatapa yatipjjañamataqui, nayasti Awquincatajjaraqui —sasa.

Juan 11:26

Take qhititejj jacqui, nayaru iyawscaraquitu ucanacajj, janiw jiwcaniti cunapachasa. ¿Iyawstati ucjja? —sasa.

Juan 12:49

Janiw naya pachpatacti parlctjja; qhitanquitu uca Awquejjaw situ cuntejj arsuñajjäqui, yatichañajjäcaraqui ucjja.

Juan 14:11

Nayajj Awquinctwa, Awquisti nayampiraquiwa ucjja iyawsapjjeta, jan ucajj luratanacajj uñjasinacsa iyawsapjjeta.

Juan 14:20

Ucüruwa jumanacajj Awquincatajja yatipjjäta, jumanacasti nayancatajjaraqui, nayasti jumanacampïtajjaraqui.

Juan 14:24

Qhititejj jan munquitu ucajja, cuntejj nayajj sisctjja ucjja janiw lurquiti. Aca arunac ist'apcta ucajja janiw nayan arunacajjäquiti, jan ucasti qhitanquitu uca Awquejjan arunacapawa.

Juan 17:8

Jupanacarojj churtwa juman arunacama, jupanacasti catokapjjewa. Jichhajj yatipjjewa nayajj jumat jutatajja, jumajj qhitanquista ucjja iyawsapjjaraquiwa.

Juan 3:2

Aca Nicodemosti arumaw saräna Jesusar uñjt'aniñataqui, ucatsti saraquïnwa: —Yatichiri, yatipjjtwa Diosajj jumar qhitanitapa nanacar yatichiri; janiraquiw qhitis aca milagronac lurcaspati, janitejj Diosajj jupampïspa ucajja —sasa.

Juan 5:17

Jesusasti jupanacarojj sänwa: —Awquejjajj jichhacamaw irnake, nayas uca pachparaquiw irnaktjja —sasa.

Juan 5:19

Ucatsti Jesusajj jupanacarojj saraquïnwa: —Khanacwa sapjjsma, Diosan Yokapajj janiw cuns jupa pachpat lurcaspati, jan ucasti cuntejj Awquejj lurqui ucaracwa luri.

Juan 7:16

Jesusasti ucjjarojj sänwa: —Yatichäwejjajj janiw nayancquiti, jan ucasti qhitanquitu ucanquiwa.

Juan 8:28

Ucatwa Jesusajj jupanacar saraquïna: —Cunapachatejj jumanacajj Jaken Yokapar jach'ar aptapjjäta ucqhawa uñt'apjjetäta qhitïcti nayajj ucjja, uqhamarac jan cuns nayan munañajjat luratajjsa. Nayajj arstwa cuntejj Awquejj yatichquitu uca.

Juan 8:38

Nayajj parltwa cuntejj Awquejjajj uñacht'ayquitu uca, uqhamarac jumanacajj cuntejj awquimajj sapctam uc lurapjjtajja.

Juan 8:40

Cuntejj Diosajj nayaru yatichquitu ucaracwa jumanacarojj sapjjsma, jumanacasti uc satajjatacwa jiwayañ munapjjesta. ¡Abrahamajj janiw cunapachas uqham lurcänti!

Hechos 10:38

Yatipjjaractawa cunjämtejj Diosajj Nazaretanquir Jesusar Kollan Ajaysa, uqhamarac ch'amsa churcäna ucjja. Uqhamaraquiw yatipjjtajja cunjämtï jupajj sarnakcäna, asquinac lurasa, usutanacar c'umarachasa, uqhamarac supayan munañapan t'akhesiyatäcän ucanac c'umarachasaraqui. Tatit Jesusajj Diosampïtap laycuw take ucanacjja luräna.

2 Corintios 5:19

Diosajj acapachampejj Cristo tokwa sumancthapiscäna, jakenacan juchanacapat jan amtasisa. Jiwasarusti uca sumancthapiñ arunacwa jaytawayaraquistu mayninacar churañasataqui.

Colosenses 1:19

Diosajj munaraquïnwa jupajj cunäquitejj ucajj Criston uñstañapa.

Colosenses 2:9

Cunäquitï Diosajj ucasti Cristonwa uñsti;

1 Juan 5:7

Quimsa testigow ucjjatjja alajjpachanjja utji, ucanacasti acanacawa: [Dios Awqui, Jacañ Aru, Kollan Ajayu; aca quimsanisti mayaquiwa.