Juan 12:6 - Qullan Arunaca

⁶ Ucampis Judasajj janiw pobrenacat qhuyapt'asiñat ucjj arscänti jan ucasti jupajj lunthatänwa, jupaw kollke bolsjja catüna, uca bolsatsti lunthatasirïnwa.

Aymar Bibliia 1986

⁶ Ucampis Judasajj janiw pobrenacat qhuyapt'asiñat ucjj arscänti jan ucasti jupajj lunthatänwa, jupaw kollke bolsjja catüna, uca bolsatsti lunthatasirïnwa.

Qullan Arunaka DC

⁶ Judasax janiw jan utjirininakat khuyapayasisin arskänti, jan ukasti lunthatätapat ukham arsüna, jupax qullqi katurit utt'ayatänwa, uka qullqitsti lunthatasirïnwa.

Juan 12:6 Jak'a apnaqawi uñst'ayäwi

Salmos 14:1

Ñankha amuyun jakenacajj sapjjewa: “Janiw Diosajj utjquiti” sasa. Takeniw ñankha lurir tucupjje; cunayman ñankhanac lurapjje; janiw qhitis asqui lurirejj utjquiti.

Proverbios 29:7

Asqui jakesti pobren sarnakäwinacapatjja llaquisiwa, ucampis ñankha lurir jaketaquejja janiw ucajj cunäquisa.

Ezequiel 33:31

Uqhamaw marcajjajj jutasin juman nayrakataman kont'asipjje cunjämtejj lurapjjerïcäna, arunacama ist'añataqui. Ucampisa janiw uca arunacarjama sarnakapquiti. Munasiña k'ochunacäcaspasa uqhamacwa k'ochupjje, ucampisa jupanacan chuymanacapajj kollken khepapa sarañanquiwa.

Mateo 21:13

Ucatsti saraquïnwa: “Kellkatanjja siwa: ‘Utajjasti Diosat mayisiñ utäniwa’ sasa, ucampis jumanacajj lunthatanacan putupwa wact'ayasipjjatätajja” sasa.

Lucas 8:3

Uqhamaraqui Cuzan warmip Juana, Cuzasti Herodesan mä apnakeripänwa; Susana, uqhamarac yakha warminacamp cuna, qhitinacatï yänacapampi sirvipcäna ucanaca.

Juan 10:13

Aca jakejj jaltawayjjewa, pago catokañ laycuquiwa awatïna janiw ovejanac laycuti.

Juan 12:5

—Aca k'apquiri kollajja ¿cunatsa jan aljasqui mä quimsa patac denario kollkerojja ucat pobrenacaru yanapt'añatakejja? —sasa.

Juan 13:29

Judasajj kollke bolsa catutap laycojja, mayninacajj amuyapjjänwa Jesusajj fiestataqui: “Cuns alanim” siscaspa uqhama; mayjja amuyapjjaraquïnwa: “Pobrenacaru yanapt'am” siscaspas uqhamaraqui.

Gálatas 2:10

Pobrenacat amtasiñasatacwa ewjjt'apjjetu, ucsti cunäquipansa phokhañpunwa muntjja.

1 Tesalonicenses 5:22

Take jan walinacat saraktapjjam.

Santiago 2:2

May sapjjäma: Jumanac taypirutejj maynejj kori anillonacani, suma isinacani mantanini, ucat maynisti mantaniraquini thantha isini pobrëtap laycu,

Santiago 2:6

Ucampis jumanacajj pobrenacarojj jisc'achapjjtawa. ¿Janit jumanacarusti kamir jakenacasti inac irnakayasipctamsti, uqhamarac autoridadanac nayrakatarus katatipjjaractamjja?