Juan 12:2 - Qullan Arunaca

² Ucansti Jesusataquejj mä mank'äwi waquichapjjäna; Martajj sirvïnwa, Lazarosti Jesusamp chicaw mayninacamp mesan mank'äna.

Aymar Bibliia 1986

² Ucansti Jesusataquejj mä mank'äwi waquichapjjäna; Martajj sirvïnwa, Lazarosti Jesusamp chicaw mayninacamp mesan mank'äna.

Qullan Arunaka DC

² Ukan Jesusar manq'ayañatak wakichapxäna; Lazarosti Jesusamp chikaw manq'añatak qunt'atäskäna, Marta kullakapasti manq'a churarakïna.

Juan 12:2 Jak'a apnaqawi uñst'ayäwi

Cantar de los cantares 4:16

Amstanquir thaya, ¡sartasim! Aynach thaya, ¡thayt'aniraquim! ¡Pankar yapojjar thayt'anim k'aphinacapsti take toker k'aphitatayam! Munatajjay, jutam juman pankar yapumaru, ucatsti suma mojjsa frutanacapa mank'asim.

Mateo 26:6

Jesusajj Betaniancascänwa, leproso sat Simonan utapana.

Marcos 14:3

Jesusasti Betanian jicjjatasïna, leproso sat Simonan utapana. Mesan kont'atäsquipansti, mä warmiw purini, wali jila alan suma nardo aceite apt'asita. Botella jist'arañataquejja, jupajj p'acjänwa, ucatsti Jesusan p'ekeparuw uca k'apquir kollampejj warjjatäna.

Lucas 12:37

Cusisiñanïpjjewa cawquïr uywatanacarutï uywiripajj suyquiri jicjjatqui ucanacajja. Khanacwa sapjjsma, uca uywiripajj jupa quicpaw wact'ayasin mesar kont'ayasajj mank'jja loktaraquini.

Lucas 14:12

Saraquïnwa jawsayqui uca jakerojj: —Cunapachatï mä mank'añ waquichäta ucqhajja, jan jawsayamti amigomaru, jilanacamarusa, familianacamarusa ni kamir uta jac'amanquirirusa; jupanacajj jawsayapjjaraquïtamwa, uqhamat cutt'ayjjapjjaraquïtam.

Lucas 22:27

Uqhamasti ¿qhitirac juc'amp jilïristi, mesan mank'añatac kont'asqui ucati, jan ucajj sirvqui ucacha? ¿Janit mesancqui ucäqui? Nayasti jumanac taypinjja mä sirvirjamätwa.

Lucas 5:29

Ucjjarusti Leví chachajj utapanjj mä jach'a mank'añ Jesusatac waquiyi. Waljanipuniw impuesto cobririnacampi, yakha jakenacampi, take jupanacamp chica mesan mank'asiñatac kont'asipjjäna.

Apocalipsis 3:20

Acajjay nayajj puncuncasctwa, lek'escaractwa. Maynitejj arojj ist'asin jist'aritanejja, nayajj jupan ucaruw mantä, jupampiraquiw mank'ä, jupasti nayampiraqui.