Juan 11:28 - Qullan Arunaca

²⁸ Martajj ucanac arsusinjja María cullacaparu jawsiriw saräna, ucatsti jamasatwa yatiyaraquïna: —Yatichirejj acanquiwa, jawsasctamwa —sasa.

Aymar Bibliia 1986

²⁸ Martajj ucanac arsusinjja María cullacaparu jawsiriw saräna, ucatsti jamasatwa yatiyaraquïna: —Yatichirejj acanquiwa, jawsasctamwa —sasa.

Qullan Arunaka DC

²⁸ Uk arsusinsti, Martax María kullakapar jawsiriw saräna, ukatsti jinchu jak'at sarakïna: —Yatichiriw akanki, jawsasktamwa —sasa.

Juan 11:28 Jak'a apnaqawi uñst'ayäwi

Zacarías 3:10

Cunapachatï uca urojj purinjjani ucapachajj jumanacajj maynit maynicamaw suman kamart'añataqui jawsayasipjjäta uva alinacan higo kokanacan ch'iwipana. Naya take ch'aman Tatituw arstjja.’ ”

Mateo 26:18

Jupasti sänwa: —Sarapjjam marcaru, mayni jaken utaparu, ucatsti sapjjaraquim: ‘Yatichirejja aqham siwa: Horasajjaw jac'achasini, utamanracwa discipulonacajjampejj pascua fiestjja pasäjja’ —sasa.

Marcos 10:49

Jesusasti uc ist'asinjja sayt'änwa, ucatsti jupanacarojj: —Irptanipjjam —saraquïnwa. Irptiri saririnacasti juyqhurojj sapjjänwa: —Jan ajjsaramti, sayt'asim, jawsasctamwa —sasa.

Marcos 14:14

Cawqharutejj jupajj mantcani uca utanir sapjjam: ‘Yatichirejj siwa: ¿Cawquïris discipulonacajjamp Pascua mank'apcä uca utajja?’ sasa.

Lucas 22:11

Ucat uca utanirusti sapjjam: “Yatichiriw sistam: ¿Cawqhanquis discipulonacajjampi Pascuan mank'cä uca utajja?” sasa.

Juan 1:41

Andresajj janïr cunäquipana Simón jilaparuw thaker saräna, ucatsti saraquïnwa: —Mesiasaruw jicjjatapjjta. (Ucasti Cristo sañwa muni.)

Juan 1:45

Felipesti Natanael thakeriw saräna, ucatsti saraquïnwa: —Uñjapjjtwa cawquïri chachjjattejj Moisesajj ley libropanjj kellkcänjja, uqhamarac qhitjjattejj profetanacas kellkcänjja uca chacharu. Ucasti Jesusawa, Nazaret marcanquiri Josean yokapa —sasa.

Juan 10:3

Punc uñjiristi awatirin, mantañapataquisti punc jist'ari, ovejanacasti arupjja uñt'araquiwa. Ovejanacarojj sutipatcamwa jawsi, ovejanacarusti uyutjja ansuraquiwa.

Juan 11:20

Martajj Jesusan puritap yatisinjja, jupajj catokeriw mistüna, ucampis Mariajj utaruw kheparäna.

Juan 11:29

Mariajj ist'asinjj ucspachaw Jesusar uñjiri saräna.

Juan 11:30

Jesusajj janïraw marcaru mantcataynati, cawqhantejj Martajj jicjjatcatayna ucqhancascänwa.

Juan 13:13

Jumanacajj: ‘Yatichiri, Tata’ sapjjestawa. Uc sasinjja walicwa sasipctajja, ucapunïscaractwa.

Juan 20:16

Jesusajj ucjjarojj sänwa: —¡María! —sasa. Jupasti cutiquipstasinjja, siwa hebreo aruna: —¡Rabuni! —sasa. (Ucasti “Yatichiri” sañ muni.)

Juan 21:7

Ucat Jesusan wali munat discipulopajj Pedrorojj sänwa —¡Tatituwa! —sasa. Simón Pedrojj Tatitütap yatisinjja ucspachaw patjja isip usct'asisin umaru t'iscunti (uca isipjja nayrakatajj apsusitaynawa).

1 Tesalonicenses 5:11

Uqhamajj ch'amañchasipjjam maynit maynicama, cunjämtejj jichhas lurapctas uqhama.

Hebreos 12:12

Uqhamajj machak ch'amay churapjjamjja uca karjata amparanacarojja, uqhamarac t'uqha konkorinacamarusa.