Juan 11:11 - Qullan Arunaca

¹¹ Uca pasatatsti Jesusajj jupanacarojj sänwa: —Lázaro amigosajj iquisquiwa, ucampis nayajj sartayanïwa —sasa.

Aymar Bibliia 1986

¹¹ Uca pasatatsti Jesusajj jupanacarojj sänwa: —Lázaro amigosajj iquisquiwa, ucampis nayajj sartayanïwa —sasa.

Qullan Arunaka DC

¹¹ Ukatsti Jesusax saskakïnwa: —Lázaro jilat masixax ikt'askiwa, nayaw jupar sartayir sarä —sasa.

Juan 11:11 Jak'a apnaqawi uñst'ayäwi

2 Reyes 4:31

Uccañcamasti Giezi uywatapajj jupanacatjja nayrwa sarcatayna, ucatsti thujrjja wawan ajanuparuwa ayjjatäna, ucampis wawajj janiw juc'sa jactcänti, ucatsti Giezi uywatajja Eliseoru jicjjatiriwa saräna: —Wawajj janiw jactquiti —sasa.

2 Crónicas 20:7

Nanacan Diosajja, jumawa Israel marcana nayrakatapata jakonuctajja aca oraken jaquir jakenacarojja, ucatsti juman munata Abrahaman wawanacaparuw wiñayataqui churtajja.

Éxodo 33:11

Diosasti, Moisesampejj ajanuy ajanuwa parlapjjäna, cunjämatejj qhitisa mä amigopampejj parlasqui uqhama. Ucatsti Moisesajj Diosampi parlaniwayasinjja campamentoruw cutt'anjjäna. Ucampis Nun sat chachan Josué yokapasti Moisesan yanapiripänwa, ucat aca waynasti Tatitumpi Jiquisiñ Carpatjja janipuniw mistuniricänti.

Isaías 41:8

“Ist'am Israel, Jacobon marcapa, nayan sirvirejja, qhitirutejj ajlliscta uca, nayan munata Abrahaman wawanacapa.

Daniel (hebreo) 12:2

Sepulturan iquisquirinacasti sarthapinipjjaniwa mayninacajj wiñaya jacañataqui, mayninacasti wiñay p'enkachatäñataqui, t'akhesiñataqui.

Mateo 27:52

Sepulturanacas jist'artaraquïnwa; Diosar iyawsasa jiwirinacas jacatatapjjaraquitaynawa,

Mateo 9:24

Jupanacarusti sänwa: —Mistupjjam acawjata, uca tawakojj janiw jiwatäquiti, jan ucasti iquisquiwa —sasa. Ucanquirinacajj wal larusipjjäna uqham sir ist'asinjja.

Marcos 5:39

Utar mantasinsti jupanacarojj sänwa: —¿Cunats ucatak ojjopjjta, jachapjjaracta? Uca wawajj janiw jiwatäquiti jan ucasti iquisquiwa —sasa.

Juan 11:10

Ucampis maynitejj aruma sarnakejja, khana jan utjatap laycojj lanctasiwa —sasa.

Juan 11:12

Discipulonacapasti ucjjarojj sapjjaraquïnwa: —Tata, iquiscchi ucajja, waliptascaniwa —sasa.

Juan 11:13

Ucampis Jesusajj uc sasajja, Lazarojj jiwataw sañ munäna, discipulonacapasti amuyapjjänwa chekpach iquiscatapa.

Juan 11:3

Aca pani cullacawa Jesusaru yatiyäna. —Tata, amigomaw usuta —sasa.

Juan 3:29

Mä casarasïwinjja casarasiri warmin chachapäcani, ucapï casarasir waynajja, jupan parlatap ist'asinjja amigopajj wal cusisi. Nayajj uca pachparaquiw cusista.

Hechos 7:60

Quillt'asisinsti, jach'at art'äna: “¡Tata, jan aca jucha luratatjja jupanacar juchañchamti”! sasa. Uqham arsusinwa jiwawayjjäna.

1 Corintios 15:18

Uqhamächi ucapachajja, qhitinacatejj Tatitur iyawsasa jiwapqui ucanacajj chhaktatäsipcaraquiwa.

1 Corintios 15:34

Jumanacajj sum amuyasipjjam, janirac juc'ampi juch lurcjjapjjamti. Jumanacat yakhepanacasti janïraw Diosar uñt'apquiti, acsti sistwa jumanacan p'enkasipjjañamataqui.

1 Corintios 15:51

Mä imantatäqui ucwa yatiyañ munapjjsma: Janiw takeni jiwcañäniti, ucampis takeniw yakha cuerponi tucuñäni.

Efesios 5:14

Ucatpï aqham sejja: “P'arjjtasim, juma iquirejja; jiwatanac taypit sarthapim, Cristow khant'ätam” sasa.

Deuteronomio 31:16

Ucapachasti Tatitojj Moisesarojj sänwa: “Niyaw jumajj jiwjjäta, aca marcajj naya contra sayt'asisajj yakha diosanacaruwa arcapjjani cawquïri oraktejj catupcani ucanjja; ucapachasti jupanacajj nayarojj apanucupjjetaniwa, uqhamaraquiw suma arust'äwiru jupanacampi mantapcta ucsa p'aquintapjjani.

1 Tesalonicenses 5:10

Jesucristojj jiwasanac laycuw jiwawayi jupamp chica jacañasataqui, jacascañänisa jan ucajj jiwatäñänisa.

Santiago 2:23

Uqhamatwa Diosan arupan kellkatajj phokhasïna: “Abrahamajj Diosaruw iyawsäna, Diosasti ucatjj ‘Waliquiw’ sasaw catokäna.” Abrahamasti Diosan amigopa sataraquïnwa.