Juan 10:35 - Qullan Arunaca

³⁵ Yattanwa cuntejj Kellkatanjj sisqui ucjja, janiw ucjja janiw uqhamäquiti siscsnati; Diosasti sutichänwa: ‘diosanac’ sasa, qhitinacatejj arunacap catokqui ucanacaru.

Aymar Bibliia 1986

³⁵ Yattanwa cuntejj Kellkatanjj sisqui ucjja, janiw ucjja janiw uqhamäquiti siscsnati; Diosasti sutichänwa: “diosanac” sasa, qhitinacatejj arunacap catokqui ucanacaru.

Qullan Arunaka DC

³⁵ Kuntix Qillqatan siski uk sum yattanxa, uk janiw ina ch'usar tukuyksnati; Diosasti, khitinakatix arunakap katuqki ukanakarux “diosanaka” sasaw sutichäna.

Juan 10:35 Jak'a apnaqawi uñst'ayäwi

Génesis 15:1

Ucanac khepatsti Tatitu Diosajj Abramarojj mä visionan uñstäna ucatsti saraquïnwa: —Jan ajjsaramti, Abram, nayätwa jumar arjjatirimajja, jumar churañasti wali jach'apunïniwa —sasa.

2 Samuel 7:5

“Saram, ucat David sirvirejjampi parlam, yatiyaraquim, naya Tatitun arsutajja: ‘Janiw jumati nayataquejj mä templo utacharapquitäta, ucan nayajj jacañajjataqui.

2 Reyes 15:12

Uqhamatwa phokhasiscäna cuntejj Tatitojj Jehú reyir yatiycäna wawanacapat saraker familiapajj pusïr wawapan wawapcama Israelan tronopan kont'asiñapäcäna ucajja.

1 Crónicas 22:8

Ucampis Tatitojj nayarojj situwa: ‘Nayajj uñjsmawa walja wilanaca wartatama, uqhamarac walja guerranacanaraqui sarnakaracta; ucatsti janiw jumajj templo lurayarapquitätati.

2 Crónicas 19:2

Ucampis Hanani chachan Jehú yokapaw jupar jicjjatiri saräna, aqham sasaw jisct'araquïna: —¿Cunatsa ankha jakeru yanapta, uqhamarac Tatitun uñisirinacapampisa sumancaractajja? Uca laycuwa Tatitojj jumampejja colerasejja.

Mateo 24:35

Alajjpachampi acapachampejj tucusiniwa, ucampis arunacajjajj janiw tucuscaniti.

Mateo 27:35

Ch'accatatäjjän ucqhajja, soldadonacajj suertenac willtapjjäna Jesusan isinacap jaljasiñataqui. Uqhamatwa profetan arsutapajj phokhasi: “Isejj-jja suertenac willtasinwa jaljasjjapjje” sasa.

Mateo 5:18

Acsti khanacwa sapjjsma, acapachampi alajjpachampi tucusiñapcamajja janiw mä jisc'a arusa, ni mä letrasa apakatäcaspati uca leyinacatjja, take cunanacatejj phokhasiñapäqui ucanac phokhasiñapcamajja.

Lucas 16:17

“Ucampis juc'ampi jasaquiw alajjpachampi aca orakempi tucusiñapajja, leyin mä acch'as jan phokhasiñat sipansa.

Juan 10:34

Jesusasti jupanacarojj saraquïnwa: —Jumanacan leyinacamanjj kellkatawa Diosajj aqham siscäna ucajja: ‘Jumanacajj diosanacäpjjtawa’ sasa.

Juan 10:36

Dios pachpaw nayarojj yakhachasitu, qhitaniraquitu acapacharojja. ¿Cunats jumanacajj: ‘Diosjjat parli’ sapjjta, ‘Diosan Yokapätwa’ satajjatacti?

Juan 19:28

Ucanac pasatatsti Jesusajj yatïnwa take cunas phokhasjjatapa, ucatsti Kellkatan phokhasiñapataquejj, —Umat pharjitu —sänwa.

Hechos 1:16

“Jilatanaca, waquisipuniw Kellkatanacan phokhasiñapajja, cunjämtï Kollan Ajayojj David toke Judasjjat parlcäna, qhititï Jesusar catuntayañataqui jakenacar irpcänjja ucjjata.

Romanos 13:1

Takeniw autoridadanacarojj jaysapjjañama, janiraquiw cuna autoridadas jan Diosïpanjja utjcaspati, autoridadanaca utjquis ucanacasti Diosan uchatawa.

Deuteronomio 18:15

“Tatitu Diosamasti jumanac taypitjja mä nayjam profeta sayt'ayaraquini, ucarusti ist'apjjañamawa.

1 Samuel 15:1

Mä uruw Samuelojj Saúl reyiru säna: —Tatitojj Israel marcan jumaru reyit utt'ayañataquiw qhitanitu. Uca laycu jichhajj ist'am cuntejj Tatitojj sañ munctam uca.

1 Samuel 28:6

Ucatwa Tatituru jisct'asïna, ucampisa Tatitojj juparojj janiw ist'cänti ni samcansa, ni urim toksa, ni profetanaca toksa.

1 Samuel 30:8

Davidasti Tatituruw jisct'asiraquïna: —¿Uca lunthata jakenacarojj arctañajjati? ¿Jupanacarojj jicjjatiristti? —sasa. Tatitusti saraquïnwa: —Arctascaquim, jicjjatätawa, ucatsti preso apata jakenacsa aparanjjaraquïtawa —sasa.