Josué 7:26 - Qullan Arunaca

²⁶ Ucjjarusti Acan chachan amayap patarojj walja kalanac montont'apjjäna, jichhacamaw uca kalanacajj ucancasqui, ucatwa uca chekajj jichhürunsa Acor valle satajja. Uqhamatwa Tatitun Israel marcapatac colerasiñapajj samarjjaraquïna.

Aymar Bibliia 1986

²⁶ Ucjjarusti Acan chachan amayap patarojj walja kalanac montont'apjjäna, jichhacamaw uca kalanacajj ucancasqui, ucatwa uca chekajj jichhürunsa Acor valle satajja. Uqhamatwa Tatitun Israel marcapatac colerasiñapajj samarjjaraquïna.

Qullan Arunaka DC

²⁶ Ukxarusti Acán chachan amayap patxarux walja qalanak phinxatapxäna, ukasti jichhakamaw ukankaski. Ukat uka chiqax jichhürkam Acor qhirwa sataxa. Ukhamat Tatitun q'apisiñapax Israel markatak tukusïna.

Josué 7:26 Jak'a apnaqawi uñst'ayäwi

2 Samuel 18:17

Ucatsti Absalonan janchipa catusinjja, uca ch'umin mä jach'a p'iyaruw jakontapjjaraquïna, jupa patjjarusti kalanacampiw montonjjatapjjäna. Ucatsti take israelitanacajj utanacaparuw jaltjjapjjaraquïna.

2 Samuel 21:14

Saúl reyin amayapsa, uqhamarac Jonatanan amayapsa Cis sisqui uca jaken sepulturaparuw imjjapjjäna, uca jakesti Saúl reyin awquipänwa, Zela sisqui uca chicana, Benjamín tribun orakepana. Take cunasa reyin ordenaparjamaraquiw phokhasïna. Take ucanaca khepatsti Diosajj marca laycu mayisitanacsti ist'jjaraquïnwa.

2 Crónicas 29:10

Ucatwa nayajj amtasta Israelan Tatit Diosampisa suma parlt'äwiru mantañataqui, jiwasata colerasiñapa apakjjañapataqui.

Esdras 10:14

Asquïspawa nanaca lanti jilïrinacajjajj kheparapjjañapa, ucatsti take qhitinacatejj marcanacasana jacapqui, uqhamarac jaya marcanacanquir warminacampi casarasipqui ucanacajja, mä yakhachata uruna jutapjjañapataqui, marcapanquir jilïrinacapampi, juezanacapampi chict'ata, Diosan jach'a colerapajja uca jucha laycu jiwasata saraktañapcama —sasa.

Salmos 85:4

Khespiyir Diosajjay, mayamp khespiyjjapjjaquita, k'apisiñamajj nanacatac tucusjjpan.

Éxodo 32:12

¿Cunjämaraqui jaytätasti Egipcionacaru aqham sas parlirsti: ‘Diosasti jan wali amtäwimpiw irpsuwayi wasara kollunacana jiwarayañataqui, uqhamat aca oraketa chhaktayañataqui’ sasa? Uqhamasti janiquiy colerasimti, cuntejj amtcta ucjja armasjjaquimaya janiquiy jan walt'añar uscumti.

Isaías 40:2

Jerusalenarusti munasiñampirac parljjayapjjam, Esclavo sarnakañapajj tucusjjewa sapjjaraquim, jan wali luratanacapatjja phokhjjewa, amparajjatsti mä ucqhampi catokjjaraqui, take juchanacapat mutuyäwi catokañapäcän ucjja.”

Isaías 65:10

Sarón sat vallesti uywanacampi phokt'atäniwa, Acor sat vallensti uywanacajj wali mank'arapjjaraquini, uca uywanacasti nayar thakeri marcancaniwa.

Lamentaciones 3:53

jacquirpachwa mä p'iyaru allintapjjaraquitu; mistuñajjarusa mä kalampiw atintapjjaraquitu.

Oseas 2:15

Ucatsti uva yapunacapjja cuttayjjäwa, Acor vallsti jupataquejj suyt'aña puncwa tucuyaraquï. Ucanwa jupajj nayar arsutani tawako urunacapanjama tuct'asa, Egiptot mistuncänjja uca urunjama.

Oseas 2:17

Lacapatsti apakaraquïwa Baal diosanacan sutipjja, janiraquiw mayampsa ucanacan sutipjja arscjjaniti.

Joel 2:13

¡Jumanacasti Tatitu Diosamar cuttjjapjjam, isinacama ch'iyanokcamayjja, chuymanacamaya ch'iyanokapjjamjja! Tatitojj munasiriwa, qhuyapayasiriraquiwa, paciencia chuymaniwa, munasiñapas jach'araquiwa; cuna mutuyäwetejj utjqui ucsa, jiwasatjja jayar apanucjjañataquisa.

Joel 2:18

Ucatsti Tatitojj marcaparojj munasiñapwa uñacht'ayi; marcapat qhuyapt'ayasisasti saraquiwa:

Jonás 1:15

Uc sasinsti Jonasarojj kotaruw jakontapjje, ucapacharaquiw kota mathapinacajj t'acurawayjjäna.

Zacarías 6:8

Uca khepatsti, angelajj art'anituwa: —Uñtam, amstanquir marcar sarapquis ucanacaru, uca marcan Tatitun colerap t'acuyiriw sarapjje —sasa.

Números 25:8

ucatsti israelit jaken utaparu khepapat arcantasinjja, uca israelit jakempiru, warmimpirojj puracat jununtasinwa jiwayäna, uqhamatwa tucusïna cawquïri usutejj Israel marcar jiwarayascäna ucajja.

Deuteronomio 13:17

“Jan jumanacajj cunatejj t'unjañataqui uchatäqui ucanacjja aptasipjjamti, Diosasti janiraquiw ucapachajj jumanacataqui colerascaniti, ucampis Diosajj jumanacatwa qhuyapayasini waljaniru jiltayasaraqui, cunjämatejj jumanacan awquinacamaru arupampi arsuwaycän uqhama,

Deuteronomio 13:18

cunapachatejj jumanacajj Tatitu Diosamarupuni ist'apjjäta, uqhamaraqui uca camachi arunacaparjam sarnakapjjäta, cuntejj jichhürun churapcsma ucanacaru, phokhapjjam chek sarnakasa jupan nayrakatapana.

Josué 10:27

Cunapachatejj intejj jalantañ munjjän ucqhajj, Josué chachajj mä jakenacaruw qhitäna uca kokanacat apakanipjjañapataqui, ucatsti uca quipca puturu uchanipjjañapataqui, cawqharutï imantasipjjäna uca chekaru. Ucatjja uca putun puncupjja jach'a kalanacampiw atintanipjjäna, ucasti jichhürcamaw uqhamäsqui.

Josué 7:24

Josué chachasti Acán chacharuw irpjjaruyäna, jupampi chicsti lunthatasincatayna ucanacampi cuna: kollke, Babiloniat apanit manto, kori barra, uqhamaraqui take wawanacapa, vacanacapa, asnonacapa, ovejanacapa, carpapa, take cunatï jupan utjcäna ucanacampi. Ucatsti take Israel marcaw saräna Acor sat valleru.

Josué 8:29

Hai marcan reyiparusti mä kokaruw cuncata warccatayäna jayp'ucama, cunapachatejj intejj jalantjjän ucapachaw amayapjja kokat apakayanïna, marca mantañar uchasinjja kalanacampiw amayap patjjaru uchayäna. Uca kala montonajj jichhürcamaw ucancasqui.