Josué 7:25 - Qullan Arunaca

²⁵ Josué chachajj Acanarojj sänwa: —¿Cunatarac jumasti aca jan walinac lurapjjestasti? Jichhasti aca urunjja Diosay jumaru mutuypan nanacar jucha apanitamata —sasa. Josué chachan uca arunac tucuyipanjja, take israelit jakenacaw kalampi c'upjasin Acán chacharojj jiwayapjjäna, takpach familiapamp chica, ucatsti ninampiw phichhantapjjäna.

Aymar Bibliia 1986

²⁵ Josué chachajj Acanarojj sänwa: —¿Cunatarac jumasti aca jan walinac lurapjjestasti? Jichhasti aca urunjja Diosay jumaru mutuypan nanacar jucha apanitamata —sasa. Josué chachan uca arunac tucuyipanjja, take israelit jakenacaw kalampi c'upjasin Acán chacharojj jiwayapjjäna, takpach familiapamp chica, ucatsti ninampiw phichhantapjjäna.

Qullan Arunaka DC

²⁵ Josué chachasti Acán chacharux sänwa: —¿Kunatarak aka jan walt'añanakar puriyapxistasti? Jichhasti, Tatituy jumarux uka jan walt'añanakar nanakar puriyatamat mutuypan —sasa. Uk sasinsti, israelit jaqinakax taqiniw Acán chacharu, utapankirinakaparu qalamp k'upjasa jiwayapxäna, ukatsti ninampiw phichhantapxarakïna.

Josué 7:25 Jak'a apnaqawi uñst'ayäwi

Génesis 34:30

Ucatsti Jacobojj Simeonampiru, Levimpirojj sänwa: —Jumanacajj jan walt'añaruw uscuntapjjestajja, jichhajj aca oraken jaquir jakenacajj cananeonacasa, uqhamarac ferezeonacasa, nayarojj uñisipjjetaniwa. Naya contra mayacht'asisinsti nuwañataquiw jutapjjanejja, juc'a chachanacaqui nayan utjatap laycusti, nayarusa, familiajjarusa jiwarayapjjaniwa —sasa.

Génesis 38:24

Ucat quimsa phajjsi pasatatsti jakenacajj Judá chachar yatiyiriw jutapjjäna: —Yojjch'amajj yakha chachanacampiw sarnakatayna, jichhasti usuriraquiwa —sasa. Ucatsti Judá chachajj jach'atwa arsu: —¡Irpsunisin ninampi phichhantapjjam! —sasa.

1 Crónicas 2:7

Carmi chachan wawapasti Acar satänwa, jupasti jan walt'añwa utjayäna, cuntï Diosajj tak tucjañapa siscäna ucanaca jan tucjatapata.

Proverbios 1:19

Uqhamawa lunthatanacan tucuyäwipajja: jan wali luririnacarojja, pachpa jan wali luratapawa jupar jiwayani.

Proverbios 15:27

Walja yänacaru munapayirejj pachpa utapwa tucji, ucampis qhititejj jan kollke chilltayasqui ucaw jacani.

Levítico 20:14

“Mayni jaketejj warmt'asini phucharu, uqhamarac taycamppacharu uca jakesti jan wali luräwi lurejja, uca laycu uca jakejja, uqhamarac uca warminacasa jiwarayatäñapawa ninar naqhantayasina. Uqhamatwa jumanac taypinjja uqhama jan wali luräwinacajj jan utjcaniti.

Levítico 20:2

“Israelita jakenacarusti aqham saraquim: Cawquïri israelita jaketejja jan ucajj jumanac taypina jaquiri yakha marcat jutiri jakenacasa, wawanacapa Moloc sat diosaru sacrificiot loktani ucasti kalampi c'upjasina jiwayatäñapawa, take jakenacaw juparojj c'upjapjjañapa.

Levítico 21:9

“Mä sacerdoten phuchapatejj jan wali sarnakani, ucatsti walja chachanacampi sarnakeri warmi tucjjaraquini ucasti pachpa awquiparuw ñankhachasqui, uca warmejj jacquirpacha naqhantayatäñapawa.

Levítico 24:14

“Cawquïri jaketejj nayaru ñankhachquitu ucarusti campamentot ankäjjaru irpsupjjam, cawquïri jakenacatejj nayaru uqham ñankhachatapa ist'apcäna uca jakenacasti amparanacapa uca ñankhachir jaken p'ekepjjaru lokjjatapjjpan, ucatsti take jakenacajja uca jakerojj kalampi c'upjasa jiwayapjjaracpan.

Gálatas 5:12

Ucampis cawquïrinacatejj jumanacar mayjt'ayasa sarnakasipqui: “Circuncisión lurayasipjjañamaw” sasa ucanacajja, ¡añchaquit mä pit qharekasipjjaspa jupanacpacha!

Deuteronomio 13:10

Kalampi c'upjam jiwayañcama, jumar Tatitu Diosamata armasiyaña munatap laycu, cawquïri Diosatejj Egipto marcat irpsuntam, cawqhantï esclavot sarnakascäyäta ucata.

Deuteronomio 13:11

Uqhamatwa take Israel marcajj yatipjjani uqhamarac ajjsarapjjanisa mayampi uqham jucha lurañjja.

Deuteronomio 17:5

ucatsti uca lurir jakerojj marcan tribunalap nayräjjaruw apapjjäta, kalampi c'upjasin jiwayatäñapataquiw juchañchapjjaraquïta.

Deuteronomio 21:21

Ucapachasti takpach marcan jakenacawa kalampi c'upjasin jiwayapjjani. Uqhamatwa jumanacajj marcaman uca ñankha luririnacjja tucjapjjäta, uca yatisinsti israelit jakenacajj wal ajjsarapjjani.

2 Tesalonicenses 1:6

Diosajj chekawa jumanacaru t'akhesiyapctam ucanacaru t'akhesiyañataquejja.

Hebreos 12:15

Amuyasipjjamay takenis Diosan yanapt'apa catokapjjañamataqui, jan jumanacata maynisa cunjämatejj mä jan wali c'asc'a korajj mayninaca jan walt'ayqui, uqhamäpjjamti.

Josué 6:18

Jumanacasti janiraquiw cunsa aptasipjjätati, ni cunsa llamct'apjjaraquïtati aca marcanjja, jan ucasti takew t'unjatäñapa Tatitur loktatäcaspas uqhama. Jumanacatï jan uqham lurapcäta ucqhajj Diosan maldicionapaw aca Israel marcaru jutani.

Josué 7:15

Cawquïri jaketï juchani uñstcan ucasti ninampi phichhantatäniwa takpach familiapampi, uqhamarac take utjirinacapampi; Israel marcaru p'enkachayatap laycu, uqhamarac Diosampi arust'äwsa p'aquintatap laycu.

1 Samuel 14:29

Ucat Jonatanajj saraquïna: —Awquejjajj jan wal luri aca marcarojja. Uñjam cunjämsa nayajj uca mä juc'a misq'i mallt'asajj ch'amani tucuractjja,