Josué 6:21 - Qullan Arunaca

²¹ Ucjjarusti jiwarayapjjänwa espadampi take jakenacaru, warminacaru, waynanacaru, chuymani jakenacar cuna; uqhamaraquiw take uywanacaru, vacanacaru, ovejanacaru, asnonacarusa. Take cunatï Jericó marcan utjcäna ucanac jiwarayapjjäna, Diosaru mä sacrificio loktasina.

Aymar Bibliia 1986

²¹ Ucjjarusti jiwarayapjjänwa espadampi take jakenacaru, warminacaru, waynanacaru, chuymani jakenacar cuna; uqhamaraquiw take uywanacaru, vacanacaru, ovejanacaru, asnonacarusa. Take cunatï Jericó marcan utjcäna ucanac jiwarayapjjäna, Diosaru mä sacrificio loktasina.

Qullan Arunaka DC

²¹ Ukatsti espadampkamaw chachanakaru, warminakaru, waynanakaru, chuyman jaqinakaru, ukhamarak vacanakaru, ovejanakaru, asnonakar jiwarayapxäna. Kunatix utjkän ukanak q'alpun tukjapxäna.

Josué 6:21 Jak'a apnaqawi uñst'ayäwi

1 Reyes 20:42

Ucatsti profetajj sänwa: —Aqham siwa Tatitojja: ‘Cunjämatï jumajj escapaytajja cawquïr chacharutejj jupajj juchañchäna jiwañapataqui ucatjja, jumajj jacañamampiw pagäta jupatjja, uqhamarac marcamampiraquiw pagaraquïta jupan marcapatjja’ sasa.

Jeremías 48:18

“Dibón marca, uca jach'a konuñamat sarakanim, ucatsti waña orakeru kont'asim, Moab marcaru t'unjirejj niya jac'achasinitap laycu, suma sayt'asiña perkanacamsa t'unjaraquïwa.

Deuteronomio 13:16

Uca marcan take yänacapsti marcan plazaparuw montont'apjjäta, ucatsti ninampiwa marcarojj phichhantapjjäta take cunanactejj uñisirimata aparanipcta ucanacampi chica, takpach t'unjasina, ninampi phichhantasina Tatitu Diosamaru loktasa. Uca marcasti jan mayampitaqui t'unjatäniwa, lakayanacar tucuyata, ucatsti janiraquiwa mayampi sayt'ayatäcaniti.

Deuteronomio 2:34

Take marcanacapwa catuntapjjtanjja, uqhamaraqui take t'unjapjjaractajja, ucatsti take chachanaca, warminaca, wawanaca, jiwarayapjjtanjja, janiraquiw maynirus jacayctanti,

Deuteronomio 7:16

Ucatsti jumanacajj take cawquïri marcanactï Tatitu Diosajj amparanacamaru catuyapcätam ucanac t'unjapjjäta. Janirac jumanacajj jupanacat qhuyapayasipjjamti ni diosanacaparus yupaychapjjamti, uqham lurapjjasma ucqhajj aynacht'añaruw puripjjasma.

Josué 10:28

Uca quipca uruw Josué chachajj Maceda marcar mantasina t'unjäna, marcan jakenacaparu espadampi jiwarayasa, Diosarus sacrificio loktcaspa uqhama, jan mayniru khespiyasa. Maceda marcan reyiparojj cunjämtï Jericó marcan reyiparojj lurcäna uca quipcaracwa luraraquïna.

Josué 10:39

Israelit jakenacajj cunjamtï Hebrón marcaru, uqhamaraqui Libna marcarus lurapcäna, uca quipcaraquic Debir marcan jakenacaparojj jiwarayapjjäna jan mayniru, reyiparus uqhamarac marca masinacaparusa.

Josué 11:11

uqhamaw take ucan jaquirinacaru jiwarayapjjäna. Take cunwa t'unjapjjäna, ucatsti ninampiw marcar phichhantapjjäna.

Josué 11:14

Israelitanacajj jupanacataquiw take utjirinacjja, uqhamarac uywanacapsa catuntasipjjäna; ucampis take jakenacarojj espadampiw jiwarayapjjäna jan maynirus jacañapa perdonasa.

Josué 8:2

Jumasti cunjämtï lurta Jericó marcampejja uca quipca luraraquïta Hai marcarojja uqhamaraqui reyiparusa. Acamänsti jumanacaw take yänacap jumanacataqui apasinjjapjjäta, uqhamaraqui animalanacapsa. Jichhajj waquichasimay Hai marcaru acatjamat khepäjjat t'unjañataqui” sasa.

Josué 8:22

Ucjjarusti Hai marcanquir jakenacajj israelitanacan ejercitop taypiru muyuntataw uñjasipjjäna jan cawcsarus jaltañjamäquipanjja, takeniraquiw jan maynini jiwarapjjäna.

Josué 9:3

Ucampisa gabaonita jakenacajj sumwa yatipjjäna cunjamtï Josué chachajj lurcatayna Jericó marcampejja uqhamaraqui Hai sat marcampisa ucanacjja,

Apocalipsis 18:21

Ucatsti munañani mä angelaraquiw mä jach'a kala apti molin kalar uñtata, ucatsti jach'a kotaruraquiw jakonti aqham sasa: “Aqhamaraquiw jach'a Babilonia marcajj jakontatäni, janiraquiw mayampsa cuttancjjaniti.

1 Samuel 15:3

Uca laycu, jichhajj saram ucatsti t'akhesiyaraquim; jupanacarusa uqhamarac yänacapsa takpach t'unjaniraquim, janiraqui jupanacatjja qhuyapt'ayasimti. Chachanacsa, warminacsa, wawanacsa, asu wawanacsa, uqhamarac vacanacsa, ovejanacsa, camellonacsa, asnonacsa takpach jiwarayanim’ —sasa.

1 Samuel 15:8

Agag sata, amalecitanacan reyiparusti preso catuntaraquïna, ucat take ejercitoparusti espadampiw jiwarayaraquïna.