Josué 5:9 - Qullan Arunaca

⁹ Ucatsti Diosajj Josué chacharojj sänwa: “Aca lurasinwa jumanacat apakjjapjjsma Egipto marcan p'enkapa” sasa. Ucatwa uca chekarojj Gilgal sat sutini jichhürcama.

Aymar Bibliia 1986

⁹ Ucatsti Diosajj Josué chacharojj sänwa: “Aca lurasinwa jumanacat apakjjapjjsma Egipto marcan p'enkapa” sasa. Ucatwa uca chekarojj Gilgal sat sutini jichhürcama.

Qullan Arunaka DC

⁹ Ukatsti Tatitux Josué chacharux sänwa: “Aka circuncisión lurañampix jumanakat Egipto markan p'inqachat uywatar tukupxatamat apaqapxsma” sasa. Ukat uka chiqax jichhürkam Guilgal sutimpi uñt'ata.

Josué 5:9 Jak'a apnaqawi uñst'ayäwi

Génesis 34:14

aqhäm sasa: —Janiw nanacajj mä jan circuncidata jakerojj cullacajj churapquiristti, nanacataquejj ucajj mä p'enkäspawa.

2 Samuel 19:15

Uqhamasti reyejj cuttanjjänwa, Jordán jawira chekaruw puriniraquïna. Judá oraken utjirinacasti Gilgal sisqui uca chekaruw sarapjjaraquïna reyir catokeri, uqhamaraqui Jordán jawira maqhataniñsa yanapt'añataqui.

Nehemías 12:29

Gilgal chekan utanacäquis ucampita, uqhamarac Geba, Azmavet uca orakenacatsa; k'ochurinacajja Jerusalén muytpacharu jisc'a marcanaca lurasipjjatap laycu.

Salmos 119:39

Nayar ajjsarayir llaquisiñ apakt'ita, arsutanacamajj munasiñ arunacawa.

Jeremías 9:25

Tatitusti siwa: “Purininiw mä urojja, cunürutejj take janchin circuncidasiri marcanacaru mutuycä uca urojja;

Ezequiel 23:3

Aca warminacasti tawakotpachwa jan wali sarnakañanacaru catuyasipjjäna, Egipto orakensti ñuñunacapsa llawk'ayasipjjäquïnwa, uqham sarnakasawa k'oma cancañanacapjja k'añuchjapjjäna.

Ezequiel 23:8

Egiptonccän ucat acsarusti mä k'añu luriri warmipuniw tucuwayjje, uca jan wali sarnakañanacapsti janipuniw apanuccaraquïnti. Cunapachatejj jupajj tawacücän ucqhatpachsti walja chachanacaw jupampi iquintapjjänjja, janiw jan chacha uñt'ir tawaköcjjänti, jan ucasti walja chachanacampi sarnakeri warmiquëjjänwa.

Oseas 4:15

“Jumatejj Israel marca wachoka jucha lurañan sarnakätajja, Judá marcaquisay jan juchjja lurcpati. ¡Jan jumanacajj Gilgal chekaru sarapjjamti ni Bet-avén kollurus maqhatapjjamti, Janiraqui Tatit laycusa juramento lurapjjamti!

Levítico 24:14

“Cawquïri jaketejj nayaru ñankhachquitu ucarusti campamentot ankäjjaru irpsupjjam, cawquïri jakenacatejj nayaru uqham ñankhachatapa ist'apcäna uca jakenacasti amparanacapa uca ñankhachir jaken p'ekepjjaru lokjjatapjjpan, ucatsti take jakenacajja uca jakerojj kalampi c'upjasa jiwayapjjaracpan.

Amós 5:5

Jan Betel marcarojj thakapjjamti; janirac Gilgal marcarus sarapjjamti, ni Beerseba marcarus sarapjjamti, Gilgal marcasti preso apatäniwa, Betel marcasti k'ala tucjataraquïnwa” sasa.

Miqueas 6:5

Marcajja, jichhajj amtasimay Moab oraken Balac reyipan amtatanacapa, uqhamarac cuntejj Beoran Balaam yokapajj siscän ucanacatsa. Amtasiraquim cunapachatejj Sitim chekat Gilgal chekaru pascayätas uca, Tatitun atipjäwinacapsti jumajj amtasiraquim.”

Sofonías 2:8

Acanacwa arsu Israel marcan jach'a ch'aman Diosapajja: “Nayajj ist'twa Moab sat marcan jan wali parläwinacapjja, uqhamaraqui Amón marcan ñankha arunacapsa. Jupanacasti marcajjarojj jisc'achapjjewa, uqhamaraqui orakenacapsa jach'aptayasipjjewa marcajjan orakenacapampejja.

Josué 24:14

Ucatsti Josué chachajj sascaquïnwa —Take ucanacatjja Diosarojj ajjsarapjjamaya, uqhamaraqui sirvipjjam suma chuymampi cheka cancañampiraqui. Cawquïri yakha diosanacarutejj jumanacan nayra awquinacamajj yupaychapjjäna, Eufrates jawir lacana, uqhamarac Egipto marcansa, ucanacjja apanucjjapjjam, ucatsti Diosaru sirvipjjaraquim.

Josué 4:19

Israelitanacajj Jordán jawiratjja mistuwayapjjänwa kalltiri phajjsitjja tunca urunac sarakataru, ucatsti Gilgal sat orakeruw puripjjäna, Jericó marcat uñcatasiru.

Josué 5:8

Cunapachatejj israelitanacajj take circuncidatäjjapjjän ucqhajj, jupanacajj campamentonac kamarapjjäna, uqhamata take circuncidatanacajj c'umarachasiñapcama.

1 Samuel 14:6

Jonatanasti yanapiriparojj sänwa: —Jina, mäpit qhurcataru maqhatañäni, cawqhancquitejj uca jan Diosar uñt'ir jakenacajj ucacama. Inampis Tatitojj mä cunsa jiwasataqui lurascaspa, jupataquisti janiw cuna ch'amäquisa jiwasar atipjaña churañajja, walja jakempisa jan ucajj juc'a jakempisa —sasa.

1 Samuel 17:26

Ucat Davidajj jupa jac'anquir jakenacaru jisct'araquïna: —¿Qhititejj aca filisteo chacharu jiwaycaspa, uqhamarac israelitanacar jisc'achatapsa apakcaspa uca jakerusti reyejj cunsa churaspa? Uqhamasti, ¿qhitiraqui uca jan Diosar uñt'iri filisteo chachasti, jacquir Diosan ejercitopar arnakaniñapataquisti? —sasa.

1 Samuel 17:36

Uqhamapï mä leonäscpasaya, jan ucajj mä osöscpasaya, aca sirvirimajj jiwt'ayaquipunirïnwa. Aca jan Diosar uñt'iri filisteo chacharusti uca quipcaraquiquiw lurasini jacquir Diosan ejercitopar arnakatap laycu.

1 Samuel 7:16

Sapa mararaquiw Betel, Gilgal, uqhamarac Mizpa sisqui uca chekanacaru sarirïna, take uca chekanacan israelitanacan ch'ajjwanacapa uñjiri.