Josué 5:1 - Qullan Arunaca

¹ Jordanat inti jalanta token utjiri, amorreos sat marcan reyipajj ist'ataynawa uqhamarac Mediterráneo sat jach'a kota jac'an utjiri cananeos sat marcan reyipas ist'araquitaynawa cunjämtejj Tatitojj Jordán jawir wañt'aycatayna Israel marcapan pasaniñapcama uca, ucatsti wal ajjsarapjjäna Israel marcampi nuwasiñjja.

Aymar Bibliia 1986

¹ Jordanat inti jalanta token utjiri, amorreos sat marcan reyipajj ist'ataynawa uqhamarac Mediterráneo sat jach'a kota jac'an utjiri cananeos sat marcan reyipas ist'araquitaynawa cunjämtejj Tatitojj Jordán jawir wañt'aycatayna Israel marcapan pasaniñapcama uca, ucatsti wal ajjsarapjjäna Israel marcampi nuwasiñjja.

Qullan Arunaka DC

¹ Jordán jawirat inti jalanta tuqinkiri amorreo reyinakasa, Mediterráneo jach'a quta jak'ankir cananeo reyinakasa, kunjämtix Tatitux Jordán jawir wañt'ayas israelitanakar makhataykatayna uk yatipxäna, uk yatisasti, uka reyinakax wal axsarayasipxäna, ukatsti jupanakampi nuwasiñxa wal axsarapxäna.

Josué 5:1 Jak'a apnaqawi uñst'ayäwi

Génesis 12:6

ucqhasti Abramajj take ucsa orakenacsa pasascaquïnwa, Siquem sisqui uca chekar puriñcama, cawqhanccäntejj encina kollan kokajj More sat chekana. Uca orakenacansti cananeo jakenacaw jacapjjaraquïna.

Génesis 48:22

Jumarusti, jilanacamat sipansa jilwa churtjja; Siquem chursma, cawquïrtejj amorreonacampi nuwasisa apakcta uca.

2 Samuel 21:2

Davidasti gabaonita jakenacaru jawsayasinjja jupanacampiw parlaraquïna (gabaonita jakenacajj janiw israelita jakenacäpcänti jan ucasti amorreonacat jilt'iri mä kawkha jakenacänwa, israelitanacajj jupanacampiraquiw mä juramento lurapjjatayna, Saúl reyisa israelita jakenaca laycu uqhamaraqui Judá jakenaca laycojj uca gabaonita jakenacarojj tucjañwa munaraquïnjja).

1 Reyes 10:5

mesapan wali suma mank'añanaca, oficialanacapan utanacapsa, uywatanacapan isinacapsa, coperonacapsa, templona holocaustonaca loktatapsa walipuniwa muspharäna,

Esdras 9:1

Ucanac tuct'ayatarusti, jilïrinacajja nayar jac'achasisinjja sapjjetuwa: “Israelitanacasa, sacerdotenacasa, uqhamarac levita jakenacasa, aca orakenquir jakenacatjja janiw yakhachata jacapquiti, cananeos, hititas, ferezeos, jebuseos, amonitas, moabitas, egipcios, uqhamarac amorreos ucanacan ajjtcaña diosanacar loktasa sarnakäwinacapatjja.

Salmos 135:11

amorreo orakenquir Sehón reyiru; Basán orakenquir Og reyiru, Canaán orakenquir takpach reyinacaru.

Éxodo 23:28

Juman nayrakatamsti avispa sat mich'isir lak'onac qhitä, ucawa alisnucuni heveonacaru, cananeonacaru, uqhamarac heteonacarusa.

Isaías 41:5

Kota tokenquir marcanacajj uc uñjasinjja, ajjsarapjjaraquïnwa; orakes maysat maysacamaw qhathatiraquïna. Jac'achasinipjjewa, jutapjjewa.”

Ezequiel 16:3

Ucatsti saraquïm: ‘Aqham siw Tatitojja: Jerusalén marca, juman kalltäwimajj aqhamawa: Cananeat jutir wawätama, awquimajj mä amorreo jakënwa, taycamasti mä hitita warmiraqui.

Ezequiel 21:7

Ucattejj jumaru jisct'apjjätam: ‘¿Cunatsa jachta?’ sasajja, jupanacarojj saraquim: ‘Mä jan wali lurasïwin lurasiñapa yatta, ucatwa jachta’ sas saraquim. ‘Take jakenacasti jan ch'amanjamaw uñjasipjjani, jan cunsa lurirjamaraqui; janiw qhitinsa ch'amajj utjcaniti, takenis ajjsarañatjja konkorinacapa qhathatiyapjjaraquini. Horasajj niyaw purinjje, ucanacan kalltasiñapasti niya jac'ancjjewa’ Naya Tatituw ucjja arsta” sasa.

Daniel (hebreo) 5:6

reyejj k'elluw tucuwayi, ajjsarañan mantatasti walpunwa qhathatiraquïna, p'eket cayucama.

Amós 2:9

Ucampis nayajj jumanac laycuwa amorreonacaru k'alpuni tucjtjja; cedro kokanacjam jach'anacäquipansa, uqhamarac roble kokanacjam ch'ollkhëquipansa.

Números 13:29

Néguev sat chekanjja amalecitanacaw jacapjje; kollu chekanacanjja hititanaca, jebuseonaca, uqhamarac amorreonaca ucanacaraquiw jacapjje, ucatsti kota lacanacana, Jordán jawira thiyanacanjja cananeonacaw jacapjjaraqui —sasa.

Josué 17:12

Ucampis Manasés tribun wawanacapajj janiw uca marcanac catuntañ puedipcänti, cananeo jakenacajj jan mistuñ munapjjatap laycu, ucatwa uca pachpan jacapjjäna.

Josué 17:18

jan ucasti uca ch'umi kollunacajj jumanacancaraquiniwa; jumanacajj uca ch'uminac catuntasipjjäta. Uca cananeo jakenacarusa, jumanacaraquiw jakonucupjjäta uca chekatjja, kawkha ch'amanïpjjpansa, uqhamaraqui hierrot lurat carronacanïpjjpansa —sasa.

Josué 24:15

Ucampisa janitï jumanacajj Diosar sirviñ munapcsta ucajj, jichhüruy ajllisipjjam qhitirutï sirvipjjäta uca. Awquinacamajj Eufrates sat jawira lacana sirvipcäna uca diosanacaruti, jan ucajj cawquïrinacatï aca orakenacan jacapqui uca amorreonacan diosaparucha. Ucampisa nayampi take familiajjampejja Diosaruw sirvipjjä.

Josué 3:16

cawquïri umanacatï alaya toket jutapjjän ucanacajj pachparuw sayt'apjjäna mä kollur uñtata, Adam sat marcatsa juc'ampi jayaru cawquïri marcatï Saretán marca sat jac'anccäna uca chekaru. Aynachar sarir umanacasti sarasipcaquïnwa Mar Muerto sat kotar puriñcama, uqhamaw uca jawirajj payaru t'akjtäna, ucatjja israelit jakenacajj maqhatapjjänwa Jericó marca uñcatasiru.

Josué 3:17

Cawquïri sacerdotenacatï Tatitun Arust'äwi Arcap apapcän ucanacajj, chica jawiraruw sayt'asipjjäna jan juricht'asisa wañaquiraqui. Ucañcamasti take israelit jakenacaw jawir qhurcatar maqhatapjjäna jan cunansa camacht'ata.

Apocalipsis 18:10

Jayaruraquiw jithektjjapjjani, uca mutuñapar ajjsarasa, ucatsti sapjjaraquiniwa: “¡Ay! ¡Babilonia jach'a marca, cunaruraqui purtasti! ¡Janc'aquiraquis mutuyäwimajj purinejjä!” sasa.

Jueces 1:1

Josué chachan jiwjjatapatsti, israelitanacajja Diosaruwa jisct'apjjäna yatiñataqui cawquïr tribusa nayrakata mistsuspa cananeonacampi nuwasiñataqui uca.

Jueces 11:23

¿Jichhasti nanacarojj alisnucuñti munapjjesta Diosajj cawquïr orakenactejj amorreonacat aparawayasina nanacaru churapquitu ucatjja?

Jueces 3:3

Kheparapjjänwa filisteonacan pheska jilïrinacapa, takpach cananeonaca, sidonios satanaca, uqhamarac heveos satanaca, jupanacasti jacapjjänwa Líbanos sat lomanacana, Baal-hermón sat lomata kalltasina Hamat sat chekacama.

Jueces 4:2

Uqham uñjasinsti Diosajj cananeonacan Jabín sat reyipan ch'amaparuw catuyäna. Aca reyisti apnakänwa Hazor sat marcana. Jupan ejercitopan jilïripasti Sísara sataraquïnwa, aca jilïristi jacänwa Haroset-goim sat marcana.

1 Samuel 25:37

Khepärmanthi alwasti cunapachatejj Nabal jaken machatapajj apaktjjäna ucapachaw Abigail warmipajj cunatejj pascatayna ucjja khanwa yatiyäna. Uc ist'asasti Nabal jakejj jan sartquiriw lurasiwayäna.