Josué 4:24 - Qullan Arunaca

²⁴ Uqhamatwa take acapachan jaquir jakenacajj yatipjjani cunja ch'amanïquitï Dios Tatitojj uca, ucatsti jumanacajj ajjsarapjjapunim Dios Tatitumarojja” sasa.

Aymar Bibliia 1986

²⁴ Uqhamatwa take acapachan jaquir jakenacajj yatipjjani cunja ch'amanïquitï Dios Tatitojj uca, ucatsti jumanacajj ajjsarapjjapunim Dios Tatitumarojja” sasa.

Qullan Arunaka DC

²⁴ Ukhamat uraqinkir taqi markanakax kunja ch'amanïkitix Tatitux uk yatipxani, jumanakasti Tatitu Diosamarux jach'añchapxapunïtawa” sasa.

Josué 4:24 Jak'a apnaqawi uñst'ayäwi

1 Reyes 8:40

Uqhamatwa jakenacajj jumar jach'añchapjjätam cawquïr oraktejj churctajja nayra awquinacajjarojj uca oraken jacañanacapcamajja.

1 Reyes 8:60

Uqhamatwa aca orakenquir take marcanacajj yatipjjani Tatitojj Diosätapa, jan yakhajj utjatapata.

2 Reyes 19:19

Jichhasti, Tatitu, nanacan Diosajja, jumasti khespiyapjjetaya Senaquerib reyin ch'amapatjja, uqhamata aca orakenquir marcanacajj yatipjjañapataqui juma Tatitu Diosaqui utjatapa” sasa.

2 Reyes 5:15

Ucatsti jupasa, uqhamarac qhitinacatejj jupamp chica jutapcäna ucanacasa Eliseon ucaruw sarapjjäna. Purisinsti Naamán generalajj Eliseorojj sänwa: —¡Jichhajj yatjjtwa, take orakpachanjja janiw Diosajj utjquiti, jan ucasti Israelanacwa utji! Jichhasti achict'ssmawa mä wajjt'äwi catokt'ita aca juman sirvirimata —sasa.

1 Crónicas 29:12

Jumataracwa jutaraqui kamir cancañasa, jach'äñasa. Jumaw take cunsa apnakascta. Ch'amasa, munañanïña cancañasa amparamanquiwa, ucatsti juman amparamancaraquiwa takeniru churañataqui kamir cancaña, uqhamarac munañanïñasa.

Job 40:9

¿Jumasti nayjama ch'amanïtati? ¿Cuncamasa nayan cuncajj-jjama jach'ata arsuriraquiti?

Salmos 106:8

Diosasti sutip laycuw jupanacarojj khespiyäna, kollan ch'amap uñacht'ayañataqui.

Salmos 89:13

Amparamajj take ch'amaniwa; ch'eka amparamajj jan atipcayawa, cupi amparamasti wali ch'amaniwa.

Salmos 89:7

Take ch'aman ajjsarcay Diosätawa, alajjpachanquirinacamp muyuntatätawa.

Éxodo 14:31

Ucampis israelitanacajja, Tatitojj jach'a ch'amapampi egipcionacar tucjir uñjasinsti wali Tatiturojj ajjsartapjjäna. Ucat Tatiturojj iyawsasaraquiw confiasipjjäna, uqhamarac Moisés sirviriparusa.

Éxodo 15:16

Tatitu, ¡jupanacasti sustjasipjjpan, ajjsarayasipjjaracpan! ¡Ch'amam uñjasinsti kalanacjama amuturac tucupjjaracpan, aca jumatac khespiyat marcamajj maqhatañapcama! Cawquïr marctejj jumatac alascta ucajja.

Éxodo 20:20

Moisesasti israelitanacarojj saraquïnwa: —Jan ajjsarapjjamti. Diosasti jutiwa jumanacaru yant'añataqui, uqhamarac jupajj muniwa take horasan jupar ajjsarasa jan jucha lurapjjañanacama.

Éxodo 9:16

Ucampis nayajj ch'amajja uñjañamataquiw jacaysma, uqhamata nayan sutejjajja take orakena uñt'atäñapataqui.

Isaías 52:10

Tatitojj take marcanacan uñjcataw jach'a ch'amap uñacht'ayi. Take aca orakpacharaquiw yatini, jiwasan Diosasajj khespiyquistu ucjja.

Jeremías 32:40

Jupanacampisti mä machaka wiñay arust'äwi luräjja: Jupanacarusti uca arust'äwinjja arsuraquïwa, asqui lurañataquipuni; chuymanacaparusti nayaru jach'anchañwa phokhantaraquï, uqhamaraqui nayatsa janipuni mayampis sarakañapataqui.

Deuteronomio 28:10

Ucatsti take acapachan marcanacaw uñjapjjani, Diosan sutipajj jumjjan aytatätapa, ucatsti walirac ajjsarapjjätam.

Deuteronomio 6:2

Uqhamatwa jumanacan Tatitu Diosamarojj jach'añchapjjäta, phokhapjjaraquïta camachi arunacapa, leyinacapa churapcsma ucanacaru take jacäwinacamana; uqhamaraqui wawanacaman wawanacapasa, uqhamatwa walja maranaca jacapjjaraquïta.

1 Samuel 17:46

Jichhajj Tatitojj jumarojj amparajjaruw catuyitani, ucatsti jichhpachaw jiwt'ayäma, p'ekemsa apakaraquïmawa. Uqhamarac filisteonacan janchipsa alajjpach jamach'inacaruw mank'añanacapataqui churä, pampanquir animalanacaw mank'apjjaraquini. Uqhamatwa take jakenacajj yatipjjani, Israelanjja mä Diosajj utjatapa.