Josué 4:7 - Qullan Arunaca

⁷ Jumanacasti aqham sapjjätawa: ‘Cunapachatejj Diosan Arust'äwi Arcapajj Jordán jawira maqhatascäna ucqhajj umasti payaruw t'akjtäna Diosan arcapa nayräjjana, sasa. Aca kalanacajj israelit jakenacataquejj khepa urunjja cunatï pascäna ucanac amtasiñataquiw uchata’ ” sasa.

Aymar Bibliia 1986

⁷ Jumanacasti aqham sapjjätawa: “Cunapachatejj Diosan Arust'äwi Arcapajj Jordán jawira maqhatascäna ucqhajj umasti payaruw t'akjtäna Diosan arcapa nayräjjana, sasa. Aca kalanacajj israelit jakenacataquejj khepa urunjja cunatï pascäna ucanac amtasiñataquiw uchata” sasa.

Qullan Arunaka DC

⁷ jumanakasti akham sapxätawa: ‘Kunapachatix Tatitun arust'äwi arcapax Jordán jawir makhataskän ukkhaxa, jawir umanakax arca nayraqatan payaruw jaljtäna. Aka qalanakax israelitanakatakix kunatix akan luraskäna ukanak amtasiñatakiw uchata’ ” sasa.

Josué 4:7 Jak'a apnaqawi uñst'ayäwi

Salmos 111:4

amtascay muspharcañanac jupajj luri. Tatitojj munasiñaniwa, qhuyapayasiriraquiwa:

Éxodo 12:14

Jumanacasti aca urjja amtasipjjapunïtawa. Ucampis Tatitur jach'ar aptañampiw aca fiestjja lurapjjäta, acasti mä leyi churatawa uca laycusti wawanacaman, wawanacapaw wiñaya amtani.

Éxodo 28:12

Ucatsti uca kalanacjja uchätawa efod sat jach'a camisa callachi pataru, uqhamata uca kalanac uñjasina Israelan wawanacapan sutinacapa amtañataqui. Uqhamataracwa Aaronajj jupanacan sutinacapsa callachi pataparu aparaquini Tatitun nayrakatapanjja amtatäñapataqui.

Éxodo 30:16

Jumasti israelitanacatjja sapa mayni jakejj jacañapat kollkenaca apanipcani uca apthapisasti, Tatitumpi Jiquisiñ Carpan culto lurañataquiw churäta. Uqhamata Tatitojj israelitanacata amtasiñapataqui, jupanacajj sapa mayni churjjapjjatanacapa jacañanacapata.”

Isaías 66:3

Ucampisa utjaraquiwa qhititejj mä orko vaca sacrificiot loktqui, uqhamarac mä jakjja jiwayapjje, mä ovejsa qharinucuraqui, ucamp chicsti anurus jiwayapjjaraquiwa, granonac loktasinsti ucampi chicsti qhuchin wilapsa loktapjjaraquiwa, inciensonac k'aphiyasasti, diosanacarus yupaychasipcaraquiwa. Take qhitinacatejj uqham yupaychañanac ajllipcän ucanacarojja walrac uqham lurañajj munasiraqui.

Números 16:40

Ucasti israelitanacan amtasipjjañapataquïnwa, Aarón chachan wawanacapat sipansa, janiraquiw qhitisa altarar jac'achasiñapäcänti, Tatituru incienso loktañataquejja. Janitejj ist'asipcani ucqhajja, Coré chacharu, jilanacapampiru pasqui uqhamaw lurasiraquini cawquïri jaketejj loktañ munqui ucampejja. Uqhamaw phokhasïna cunjämatejj Tatitojj Eleazarar siscatayna Moisés toke uqhamarjama.

Números 17:5

Nayaw chillctayä cawquïrirutejj ajlliscta ucan varaparojja, uqhamatwa israelitanacajj jan mayampi jumanacatjja cuna jan walinacsa parlasipcañapataqui nayan nayrakatajjana” sasa.

1 Corintios 11:24

yuspagarasinsti, pachjänwa, ucat säna: “Mank'apjjam, acajj janchejjawa jumanac laycuraquiw t'unjata. Acsti nayat amtasis lurapjjam” sasa.

Deuteronomio 16:3

“Cawquïri uywtejj loktapcäta ucjja jan levaduran t'ant'ampwa mank'apjjäta, cawquïritejj t'akhesiñ t'ant'äqui uca, Egipto marcat wali janc'aqui mistunipjjatam laycu. Uqhamwa jumanacajj jaccasina Egipto marcat mistunipjjatam amtasipjjäta.

Josué 4:6

Uca kalanacajj jumanacataquejj khepürun amtasiñäniwa, cunapachatejj wawanacamajj jisct'apjjätam: ‘¿Cunsa uñacht'ayañ munistu aca kalanacajja?’ sasa.