Josué 4:6 - Qullan Arunaca

⁶ Uca kalanacajj jumanacataquejj khepürun amtasiñäniwa, cunapachatejj wawanacamajj jisct'apjjätam: ‘¿Cunsa uñacht'ayañ munistu aca kalanacajja?’ sasa.

Aymar Bibliia 1986

⁶ Uca kalanacajj jumanacataquejj khepürun amtasiñäniwa, cunapachatejj wawanacamajj jisct'apjjätam: “¿Cunsa uñacht'ayañ munistu aca kalanacajja?” sasa.

Qullan Arunaka DC

⁶ Uka qalanakasti jumanakatakix qhipürun amtasiñatakïniwa, kunapachatix wawanakamax jiskt'apkätam: ‘¿Kunsa aka qalanakax uñacht'ayañ munistuxa?’ sasa,

Josué 4:6 Jak'a apnaqawi uñst'ayäwi

Salmos 44:1

Diosay, jinchunacajjampiw ist'apjjta, awquinacajjaw yatiyapjjetu: urunacapan luräwinacamata, nayra pachanacan luratanacamata.

Salmos 71:18

Diosajjay, ch'ama karit pachan uñjascasasa, jank'o ñic'utan pachanccasasa, janiquiy jaytanuct'asistati, jutir mita jakenacar ch'amamat yatiyañajjaw wact'asquitu.

Éxodo 12:14

Jumanacasti aca urjja amtasipjjapunïtawa. Ucampis Tatitur jach'ar aptañampiw aca fiestjja lurapjjäta, acasti mä leyi churatawa uca laycusti wawanacaman, wawanacapaw wiñaya amtani.

Éxodo 13:14

Ucampisa khepärmanthitejj wawanacamajj jisct'apjjätam: ‘¿Cunatsa aqham lurapjjta?’ sasa, ucqhajja sapjjätawa: ‘Tatituw ch'amapampi Egipto marcana t'akhesis jacañatjja apsunipjjetu.

Éxodo 13:9

‘Jumanacasti amparanacamaru, uqhamarac para patanacamaruw mä unancha apapjjäta, ucawa amtayapjjätam Tatitun camachipat parlapjjañamataqui, jupawa jach'a ch'amapampi Egipto marcatjja apsunipjjtamjja.

Éxodo 31:13

“Jumasti israelitanacarojj aqham sasa yatiyam: ‘Jumanacasti nayan samarañ urunacajj-jja imapjjätawa, ucasti mä unanchawa wiñayataqui nayampi jumanacampitjja, uqhamatwa jumanacajj yatipjjäta naya Tatitojj jumanacaru ajllisitajja.

Isaías 38:19

Jaquirinacaquiw yupaychapjjeristamjja, cunjämtejj nayajj jichhüru jumaru yupaychsma uqhama. Awquinacajj wawanacaparojj juman chekapätam parlapjje.

Isaías 55:13

Ch'aphi alinac lantisti pinonacaw alipjjaraquini, athapillunac lantisti suma pankaranacaw jilapjjaraquini; ucaw Tatitun sutipjja jach'ar aptani, ucasti wiñayataqui khanañchäwiraquïniwa, janiw t'unjatäcaraquiniti.”

Ezequiel 20:12

Uqhamaraquiwa jupanacarojj yatiyta nayan samaraña urojj toketsa, ucasti mä unañchäwiñapänwa nayampi jupanacampi cuna arust'äwtejj lurapcta uca toketa, uqhamaraqui mä amtasïwiñapänwa naya Tatitojj jupanacaru nayataqui yakhachasitajjata.

Ezequiel 20:20

nayan samarañ urunacajjsti wali ajjsart'añampi uñjapjjam, uqhamat uca urunacajj mä unañchawïñapataqui cuna arust'äwinactejj nayajj jumanacampi lurcta uca tokenacatjja, uqhamatwa jumanacajj yatipjjäta nayajj jumanacan Tatitu Diosamätajja.

Números 16:38

Cawquïri jakenacatejj juchanacapat jiwapqui ucanacan incensariopajj k'omachatäjjewa nayan nayrakatajjana, incienso loktañataqui. Uca metalanacjja laphinacaru tucuyapjjam altararu muyuntayañataqui, uqhamarac israelitanacataquejj amtasiñatac uchatäpan.”

Hechos 2:39

Diosan aca arsüwipasti jumanacataquiwa, uqhamarac wawanacamampitaqui, jayanquirinacampitaqui, kawkhanirutejj Dios Tatitusajj jawscaraquini ucanacampitaqui —sasa.

Deuteronomio 11:19

Uqhamaraqui wawanacamarojj yatichapjjam uca arunacata utamanccasina, thaqui sarcasina, uqhamaraqui iquintañataqui, iquiñat sartañataquisa.

Josué 22:27

jan ucasti mä suma amtasïwïñapataqui nanacampi, jumanacampi, uqhamarac khepat jutir wawanacataquisa, uqhamata jiwasajj mayaqui Diosar sirviñasataqui, juparu naqhantayañatac uywanac loktasa, jucha luräwinacat ofrenda loktasa, uqhamarac sumancthapiyiri loktäwinac loktasa. Uqhamasti janiraquiw wawanacamajj nanacan wawanacajjaru sapcaspati: ‘Janiw jumanacan cuna lurañamas utjquiti Diosampejj’ sasa.

Josué 4:21

Josué chachajj israelitanacarojj sänwa: “Cunapachatejj wawanacamajj khepa urunacan jisct'apjjätam: ‘¿Cun sañs muni aca kalanacajja?’ sasa,

Josué 4:5

Jupanacarusti aqham sänwa: “Mantapjjam qhä cheka Jordán jawiraru, ucatsti Diosan Arust'äwi Arcap nayräjjata sapa mayniw jumanacata callachinacamaru mä kalcam apsunipjjäta, cunjämatï israelit tribunacajj tunca payanïqui uqhamarjama.