Josué 4:12 - Qullan Arunaca

¹² Cunjämatejj Moisesajj Josué chacharojj sawaycatayna, uqhamaw Rubén, Gad, uqhamaraqui chicat Manasés tribunacatjja, guerran nuwasir jakenacajj armantata sarapjjaraquïna.

Aymar Bibliia 1986

¹² Cunjämatejj Moisesajj Josué chacharojj sawaycatayna, uqhamaw Rubén, Gad, uqhamaraqui chicat Manasés tribunacatjja, guerran nuwasir jakenacajj armantata sarapjjaraquïna.

Qullan Arunaka DC

¹² Ukatsti kunjämtix Moisesax arsuwaykatayna ukhamarjamaw Rubén, Gad, ukhamarak Manasés ayllun chikat jaqipat nuwasir jaqinakax jawir khurkataru makhatapxarakïna. Jupanakasti nuwasiñ yänakani wakicht'atkamakiw makhatapxäna, ukatsti maynïr israelitanakan nayräxap sarapxäna.

Josué 4:12 Jak'a apnaqawi uñst'ayäwi

Éxodo 13:18

Ucatwa wasaranjama muytayäna Mar Rojo sat kotaru sarqui uca thaquinjama. Israelitanacajj Egiptotjja wali armantataw mistsuwayapjjäna.

Números 1:24

Gad tributjja pusi tunca pheskan waranka sojjta pataca pheska tuncani jakenacaw jact'asïna.

Números 32:17

Ucampisa nanacajj janc'aquiw armanacampi sarapjjä, mayni israelitanacan nayrakatapa, orakenacapar puriyañcama. Ucchcañcamasti familianacajjajj marcanacanwa kheparapjjani, suma sayt'at marcanacana; janiw jupanacarojj cunas camachcaniti uca chekanacan jaquir jakenacajja.

Deuteronomio 3:18

“Uca urunjja nayajj yakha ewjja churapjjaraquïyäsmajja: ‘Jumanacan Diosamaw aca orake amparanacamar catuyapjjtam. Ucatsti cawquïri jakenacatï nuwasiñ yatipcta ucanacajj armanacam apjjarusisin israelit jilanacaman nayrap sarapjjam.

Deuteronomio 33:21

Gad tribusti suma orake ajllisïna, jach'a jilïrinacatacjamäquis uca orakenaca. Marcan nayraparacwa mantaraquïna, cuntï Tatitojj maycäna ucampis phokharaquïnwa, ucatjja cheka cancañampiw Israel marcanjja sarnakäna” sasa.

Josué 1:14

Warminacamsa, wawanacamsa uqhamaraqui uywanacamsa Jordán jawirat accataru jaytasiwayapjjam, cawqharutï Moisesajj orake churapjjtam uca chekaru, cawquïri jakenacatï ch'amanïpjjta nuwasir sarañataqui ucanacasti armanacam apjjarusisin sarjjarupjjam jilanacamaru yanapt'añataqui,

Josué 4:11

Cunapachatejj take israelit jakenacajj jawir qhurcataru pasjjapjjän ucqhajj, sacerdotenacajj khepat pasjjapjjaraquïnwa, ucatsti jakenacan nayrakatapwa sarapjjäna.

Josué 4:13

Mä pusi tunca waranka jakenacaw armantata Tatitu Diosan nayräjjapa pasapjjäna, nuwasiñataquisa janc'aquiraqui, Jericó marca tokeruw sarapjjaraquïna.