Josué 4:10 - Qullan Arunaca

¹⁰ Cawquïri sacerdotenacatï Diosan arcap apt'asita chica jawirancasipcän ucanacasti israelitanacajj Josué chachan parlataparjam phuchañapcamaw ucancapjjäna, cunjämtï Diosajj Moisesar ewjjcatayna uqhamar phokhayasa, ucatsti jakenacajj janc'aquiw jawir qhurcataru pasapjjäna.

Aymar Bibliia 1986

¹⁰ Cawquïri sacerdotenacatï Diosan arcap apt'asita chica jawirancasipcän ucanacasti israelitanacajj Josué chachan parlataparjam phuchañapcamaw ucancapjjäna, cunjämtï Diosajj Moisesar ewjjcatayna uqhamar phokhayasa, ucatsti jakenacajj janc'aquiw jawir qhurcataru pasapjjäna.

Qullan Arunaka DC

¹⁰ Tatitun arust'äwi arcap apapkäna uka sacerdotenakasti Jordán jawir taypin qhiparapxäna, ukchañkamasti israelitanakax kuntix Tatitux Josué tuqi jupanakan lurapxañapatak siskäna ukanak phuqhasipkäna. Taqi kunas kunjämtix Moisesax Josué chachar iwxkatayna ukhamarjamaw phuqhasïna. Jaqinakasti jank'akiw jawir makhatapxäna,

Josué 4:10 Jak'a apnaqawi uñst'ayäwi

Salmos 119:60

Janc'aquiw sartasta, jan suyasaraquiw arsutanacam phokta.

Éxodo 12:39

Jupanacasti Egiptota jan levaduran masanaca apapqui ucatsti t'ant'anaca lurasipjjäna, jupanacasti janiw cuna casta mank'añsa waquichasiwayapcänti, egipcionacajj janc'aqui marcapat alisnucutap laycu.

Proverbios 27:1

Kharürutjja jan jach'a jach'a tuccamti; janiw yatctati kharürojj cunatejj pascani ucjja.

Eclesiastés 9:10

Cuna lurañatejj jumataqui utjcani ucjja ch'amamarjam luram, jumajj sepulcror sarcätas ucanjja janiw cuna lurañas utjquiti, cuna lup'iñasa, uñt'añasa, janiraquiw yatiñanïñasa utjquiti.

Isaías 28:16

Ucatwa Tatitojj saraqui: “Sionarojj mä kala uscü, mä suma ajllit kala, wali jila alaniraqui, jach'a jilïr kalaraquïniwa, uta cimienton esquin kalaparaquïniwa. Uca kalar iyawsiristi sumaquiw jacasini.

2 Corintios 6:2

Arunacapansti saraquiwa: “Mä suma asqui horasanwa ist'sma, khespiyasiñ urunwa yanapt'aracsma” sasa. Jichhapï uca asqui horasajja; jichharaquipï uca khespiyasiñ urojja.

Deuteronomio 31:9

Moisesasti aca leyinacjja kellkantänwa, ucatsti sacerdote levitanacaruw churäna, cawquïrinacatï utt'ayatäpcän Diosan Sumancayiri Arcap apañataqui, uqhamaraquiw churäna Israel marcan jilïri jakenacaparusa.

Josué 24:11

Ucatsti jumanacajj Jordán jawir pasanisajja, Jericó marcaruw purinipjjtajja. Amorreonaca, ferezeonaca, cananeonaca, hititanaca, gergeseonaca, heveonaca, jebuseonaca ucanacajj Jericó marcan jaquirinacänwa, jupanacasti jumanacampiw nuwantasipjjäna, ucampis nayaw jumanacar ch'am churapjjsma atipjapjjañamataqui.

Josué 3:13

Cunapachatejj sacerdotenacajj take acapachanquiri Diosan Arust'äwi Arcap apasipcani, ucatsti niya cayunacap umaru tact'apcani ucqhajj jawiran umanacapajj payaruw t'akjtawayani; aynachar sarir umanacajj sarascaquiniwa, alay toket jutir umanacasti sayt'ayatäniwa mä kollur uñtata” sasa.

Josué 4:11

Cunapachatejj take israelit jakenacajj jawir qhurcataru pasjjapjjän ucqhajj, sacerdotenacajj khepat pasjjapjjaraquïnwa, ucatsti jakenacan nayrakatapwa sarapjjäna.

Josué 4:9

Josué chachasti yakha tunca payan kalanacwa uchaniraquïna cawqha chekarutï sacerdotenacajj chica jawirar sayt'asipcän ucqharu. Uca kalanacasti jichhürcamaw ucancasqui.