Josué 3:6 - Qullan Arunaca

⁶ Sacerdotenacarusti saraquïnwa: “Diosan Arust'äwi Arcapsti aptawayapjjam, jakenacan nayrakataparu, jawira pasayapjjam” sasa. Uqhamaw sacerdotenacajj Diosan Arust'äwi Arcapjja jakenacan nayrap apapjjäna.

Aymar Bibliia 1986

⁶ Sacerdotenacarusti saraquïnwa: “Diosan Arust'äwi Arcapsti aptawayapjjam, jakenacan nayrakataparu, jawira pasayapjjam” sasa. Uqhamaw sacerdotenacajj Diosan Arust'äwi Arcapjja jakenacan nayrap apapjjäna.

Qullan Arunaka DC

⁶ Sacerdotenakarusti sarakïnwa: “Tatitun arust'äwi arcap aptawayapxam, ukatsti jaqinakan nayräxap jawir makhatapxam” sasa. Sacerdotenakasti Tatitun arust'äwi arcap apxaruwayapxäna, ukatsti jaqinakan nayräxap apapxäna.

Josué 3:6 Jak'a apnaqawi uñst'ayäwi

1 Reyes 8:3

Ucatsti Israel marcana chuymani awquinacaw purinipjjäna, ucatjja sacerdotenacajj arcwa apjjarupjjäna.

2 Crónicas 5:4

Israelanquir take jilïri jakenacajj purinipjjänwa, ucatsti levitanacajj Diosampi arust'äwiru mantata arcjja apjjarupjjänwa,

Miqueas 2:13

Diosaw jupanacataquejj thac jist'arani, jupanacasti arctapjjaraquiniwa, ucatsti marca puncu chica mistuwayapjjaraquini. Tatitu reyipasti, jupanacan nayrapwa sararaquini.”

Números 10:33

Uqhamaw Tatitun kollupat sarjjapjjäna. Tatitu Diosan suma Arust'äwiru Mantayir Arcapajj jupanacan nayrap saräna, quimsüru sararusti mä cheka thakapjjäna samart'añataqui.

Números 14:15

Jumatejj aca marcar maya jawk'antasin jiwayäta ucqhajj, cawquïri marcanacatejj jach'a cancañamata yatipqui ucanacajj sapjjaniwa:

Hebreos 6:20

cawquirutejj Jesusajj jiwas laycu mantcäna, jiwasatac thac jist'arañataqui. Uqhamanwa Jesusajj wiñayatac mä jilïr sacerdote tucuwayi Melquisedec castata.

Josué 3:3

aca ewjjanacwa israelit jakenacarojj churapjjäna: “Cunapachatejj Diosan Sumancayiri Arcap Leví tribunquir sacerdotenacajj callachipjjar apasquir uñjapjjäta ucqhajja, campamentonacamatjja mistunipjjätawa ucatsti ucan khepap arcapjjäta,

Josué 3:5

Josué chachasti israelit jakenacarojj sänwa: “K'omachasipjjam, Diosasti kharüru alwajj jach'a milagronac jumanac taypin lurani” sasa.

Josué 3:7

Ucatsti Diosajj Josué chacharuw parläna aqham sasa: “Jichhürutwa jumarojj juc'ampi amuyt'an jake tucuyäma take aca israelit jakenacan nayrakatapana, ucatsti yatipjjaraquiniw nayajj jumampïscatajja cunjämatï Moisesar yanapcäyät uqhama.

Josué 6:6

Josué chachasti sacerdotenacaru jawsasinjja sänwa: “Jumanacasti Diosan arcap apapjjam, ucatsti pakallkonirac sarapjjam pututunac apt'ata Diosan arcap nayrakata.”