Josué 3:5 - Qullan Arunaca

⁵ Josué chachasti israelit jakenacarojj sänwa: “K'omachasipjjam, Diosasti kharüru alwajj jach'a milagronac jumanac taypin lurani” sasa.

Aymar Bibliia 1986

⁵ Josué chachasti israelit jakenacarojj sänwa: “K'omachasipjjam, Diosasti kharüru alwajj jach'a milagronac jumanac taypin lurani” sasa.

Qullan Arunaka DC

⁵ Josué chachasti jupanakarux sänwa: “Q'umachasipxam, Tatitux qharüru willjtax muspharkañ luräwinak jumanak taypin lurani” sasa.

Josué 3:5 Jak'a apnaqawi uñst'ayäwi

Job 1:5

Uca mank'äwi pasatatsti, Job chachajj wawanacapa jawsayasinjja wali alwata sartasinwa sacrificionac nact'ayasin loktirïna, uqhamata sapa mayni jupanacajja juchanacapata k'omachatäñapataqui. Uqhamsti Job chachajja lurirïnwa wawanacapajja inampisa chuymanacapana jan walinaca amtasinjja Dios contra jucha lurapjjaspa uca amuyasina.

Salmos 77:15

Ch'amamampiw marcamarojj khespiytajja, Jacobon wawanacaparu, Josean wawanacaparu.

Salmos 86:10

Jumajj wali jach'a ch'amanïtawa, muspharcañanac lurtajja, juma sapaquiw Diosätajja.

Joel 2:16

Diosan marcaparusti tantacht'apjjam, ucatsti k'omachapjjaraquim; tantacht'apjjam chuyman jakenacaru, wawanacaru, ñuñusquiri wawanacamppacharu. Jichha casarasirinacasa mistunipjjpan casarasïwi utanacapatjja.

Levítico 10:3

Ucatsti Moisesajj Aaronarojj saraquïnwa: —Tatitojj acpï sañ munänjja cunapachatejj siscäna: ‘Qhitinacatejj nayaru jac'achasipjjetani ucanacarusti k'oma cancañajjwa uñacht'ayäjja, take israelitanacarusti c'ajquir khanajjwa uñacht'ayaraquëjja’ —sasa. Aaronasti uca arunaca ist'asajj janiw cunsa siscjjänti.

Levítico 20:7

“Nayaru takpach catuyasipjjeta, uqhamarusa kollanäpjjaraquim. Nayätwa jumanacan Tatitu Diosamajja.

Números 11:8

ucatsti saborapajj jac'ut lurat tortjama, aceitjamaw k'aphïna. Jakenacajj ucanac apthapiriw mistupjjäna, ucatsti pekapjjänwa jan ucajj ch'ajjt'asipjjänwa t'ant'anac lurasa.

Juan 17:19

Jupanac laycuwa nayapachpas catuyasiracta, jupanacajj asquitaqui catuyasipjjañapataquiraqui.

Josué 3:13

Cunapachatejj sacerdotenacajj take acapachanquiri Diosan Arust'äwi Arcap apasipcani, ucatsti niya cayunacap umaru tact'apcani ucqhajj jawiran umanacapajj payaruw t'akjtawayani; aynachar sarir umanacajj sarascaquiniwa, alay toket jutir umanacasti sayt'ayatäniwa mä kollur uñtata” sasa.

Josué 3:15

Ucampis cunapachatejj sacerdotenacajj jawiraru puripcän ucatsti cayunacapa jawir lacar tact'asinjja, jurichjasipjjän ucqhajj (Jordán jawirajj cosecha tiempojj walja umaniw manti),

Josué 3:4

uqhamatwa yatipjjäta cawqha chekatï sarapjjañamäqui ucjja jan maynis jumanacatjja uca thaquinjam sarañ yatitap laycu; ucatsti janiraqui jac'ar maqhatapjjamti, khepatac arcapjjam mä waranka metros jaljqui uqharjama” sasa.

Josué 3:6

Sacerdotenacarusti saraquïnwa: “Diosan Arust'äwi Arcapsti aptawayapjjam, jakenacan nayrakataparu, jawira pasayapjjam” sasa. Uqhamaw sacerdotenacajj Diosan Arust'äwi Arcapjja jakenacan nayrap apapjjäna.

Josué 7:13

Sayt'asim ucatsti Israel marcaru tantacht'am: ‘Arumanthejj alwat chuymanacam k'omachasipjjam’ sasa. Naya Israel marcan Tatitu Diosapaw sista: ‘Oh, Israel marcajja, cawquïritejj k'ala t'unjatäñapäcän ucajj jumanac taypincasquiwa, janitï ucaru jumanac taypit ankaru jakonucupcät ucqhajj janiw uñisirinacamampejj nuwasiñ puedipcätati.’

1 Samuel 16:5

—Jïsa, uqhamawa. Tatitur mä sacrificio loktiriw jutta. Jichhajj k'omachasipjjam ucatsti nayampi chica sacrificio loktir sarapjjaraquim —sasaw Samuelojj saraquïna. Ucat janc'aquiraquiw Samuelojj Isaí chachampiru, yokanacapampiru k'omachäna, ucat sacrificio loktiri sarañataquiw jupanacarojj jawsaraquïna.