Josué 24:21 - Qullan Arunaca

²¹ Israel jakenacajj sapjjänwa: —Janiw ucajj uqhamäcaniti, nanacasti Diosaruw sirvipjjä —sasa.

Aymar Bibliia 1986

²¹ Israel jakenacajj sapjjänwa: —Janiw ucajj uqhamäcaniti, nanacasti Diosaruw sirvipjjä —sasa.

Qullan Arunaka DC

²¹ Israel markasti Josué chacharux sänwa: —Janiw ukax ukhamäkaniti. Nanakax Tatituruw luqtapxä —sasa.

Josué 24:21 Jak'a apnaqawi uñst'ayäwi

Éxodo 19:8

Ucatsti take israelitanacajj mä aruquiw sapjjäna: —Lurañäniwa cunanactejj Tatitojj sisqui ucanaca —sasa. Ucatjja Moisesajj israelitanacan arsusitanacapjja Tatituruw yatiyäna.

Éxodo 20:19

Ucatsti Moisesarojj sapjjänwa: —Jumasti parlapjjeta, nanacasti ist'apjjämawa. Ucampis Diosajj jan parlcpanti nanacampejja, uqhamat jan jiwañanacajjataqui —sasa.

Éxodo 24:3

Ucatsti Moisesajj jutänwa jakenacaru yatiyiri cunanactejj Tatitojj siscäna, uqhamarac jaytcäna ucanaca. Ucampis take jakenacajj mayaquiw arsupjjäna: —¡Cunanactejj Tatitojj arsqui ucanacjja lurapjjäwa! —sasa.

Éxodo 24:7

Ucatsti suma amtäwiru mantatäqui uca libro aptasinsti, jakenacataquiw leet'arapïna, ucatsti jupanacajj sapjjänwa: —Cunanactejj Tatitojj sisqui ucanacar jaysasaw phokhañäni —sasa.

Isaías 44:5

Maynisti saniwa: ‘Nayajj Tatitunctwa’, maynisti: ‘Jacobon wawapa sataraquïniwa’, maynisti amparaparojj kellkasiraquiniwa: ‘Tatitunctwa’ sasa, jupan sutipjjarusti Israel sutimpwa yapt'asiraquini.”

Deuteronomio 26:17

Jumaw jichhürun khanañchtajja, Tatitu Diosajj juman Diosamätapa, ucatsti arumampiraquiw arstajja jupan thaquipan arcañataqui, leyinacapa, camachi arunacapa wiñayatac phokhañataquisa.

Josué 24:20

Jumanacatï Diosaru apanucupjjäta yakha diosanacar sirviñataqui, ucqhajj Diosajj jan walt'añanacwa apayanipjjätam, ucatsti t'unjapjjaraquïtamwa jumanacar walja asquinac lurcasasa.

Josué 24:22

Josué chachasti jupanacarojj sänwa: —Jumanacpachaw testigöpjjtajja Diosar sirviña ajllisipjjatamatjja —sasa. Jupanacasti —Testigöpjjtwa —sapjjänwa.