Josué 24:11 - Qullan Arunaca

¹¹ Ucatsti jumanacajj Jordán jawir pasanisajja, Jericó marcaruw purinipjjtajja. Amorreonaca, ferezeonaca, cananeonaca, hititanaca, gergeseonaca, heveonaca, jebuseonaca ucanacajj Jericó marcan jaquirinacänwa, jupanacasti jumanacampiw nuwantasipjjäna, ucampis nayaw jumanacar ch'am churapjjsma atipjapjjañamataqui.

Aymar Bibliia 1986

¹¹ Ucatsti jumanacajj Jordán jawir pasanisajja, Jericó marcaruw purinipjjtajja. Amorreonaca, ferezeonaca, cananeonaca, hititanaca, gergeseonaca, heveonaca, jebuseonaca ucanacajj Jericó marcan jaquirinacänwa, jupanacasti jumanacampiw nuwantasipjjäna, ucampis nayaw jumanacar ch'am churapjjsma atipjapjjañamataqui.

Qullan Arunaka DC

¹¹ Ukatsti jumanakax Jordán jawir makhatasin Jericó markakam purinipxtaxa. Jericó marka jakapkän uka amorreonaka, ferezeonaka, cananeonaka, hititanaka, gergeseonaka, heveonaka, jebuseo jaqinakax, jumanakampiw nuwasipxäna, ukampis nayaw jumanakarux atipt'ayapxsma.

Josué 24:11 Jak'a apnaqawi uñst'ayäwi

Génesis 15:19

Ceneonacana, cenezeonacana, cadmoneonacana,

Salmos 105:44

Diosar jan uñt'ir jakenacan orakenacap catuyäna, yakha marcanacan orakenacap churjjäna:

Salmos 114:3

Lamar kotajj Israel marcar uñjasajj jist'jtänwa, Jordán jawir umasti kheparuw cuttäna.

Salmos 114:5

Lamar kota, ¿cunatarac jalttasti? Jordán jawira, ¿cunatarac khepar cuttasti?

Éxodo 13:5

Cunapachatejj Tatitojj puriyapcätam cananeonacana, hititanacana, amorreonacana, heveonacana, jebuseonacan orakenacaparu; cawquïr oraktejj awquinacamaru churañataqui arscäna, cawqhantejj leches misq'is umjam jalasqui uca orakeru purisajja aca phajjsina fiesta lurañjja amtasipjjapunïtawa.

Éxodo 23:23

Nayan angelajjawa jumat nayra sarani, ucatsti jupawa irpätam amorreonacana, hititanacana, ferezeonacana, cananeonacana, heveonacana, uqhamarac jebuseonacana orakenacaparojja, nayasti jupanacarojj tucjäwa.

Éxodo 23:28

Juman nayrakatamsti avispa sat mich'isir lak'onac qhitä, ucawa alisnucuni heveonacaru, cananeonacaru, uqhamarac heteonacarusa.

Éxodo 23:31

Catuscäta uca orakeman korpapajja aqhamäniwa: Mar Rojo sat kotata filisteonacan Mar Mediterráneo sat jach'a kotapcama, ucqhatsti Arabia ucsa wasarata Eufrates sat jawircama. Ucampis nayajja amparamaruw catuysma uca orakenacan jaquir jakenacarojja jumawa ucatjja alisnucütajja jan jac'amancapjjañapataqui.

Éxodo 3:17

Ucatsti nayajj amttwa Egipto marcan t'akhesiñata khespiyasa, cananeonacana, hititanacana, amorreonacana, ferezeonacana, heveonacana, jebuseonacana, orakenacaparu apjjaña cawqhantejj lechesa, misq'isa umjama jalasqui uca orakeru’ sasa.

Éxodo 3:8

Ucatwa nayajj jutta egipcionacana amparapata marcajjar khespiyasa mä jach'a suma orakeru apjjañataqui, cawqhantejj lechesa, misq'isa umjam jalasqui ucaru. Uca orakenacansti cananeonaca, hititanaca, amorreonaca, ferezeonaca, heveonaca, jebuseonaca, ucanacaw jacapjje.

Éxodo 33:2

Nayasti angelajjwa qhitäjja jumanacar irpañapataqui, uqhamarac uca oraket alisnucuñapataqui cananeonacaru, amorreonacaru, hititanacaru, ferezeonacaru, heveonacaru, uqhamarac jebuseonacarusa.

Hechos 13:19

Canaán orakenjja pakallko jach'a marcanacaracwa t'unjäna, jupanacan orakenacap jiwasan awquinacasar churañataqui.

Hechos 7:45

Awquinacasasti mä herenciäcaspas uqhamwa uca arust'äwi carpjja catokapjjäna. Josué chachampi chica jutirinacasti, uca santuario apanipjjaraquïnwa, cunapachatejj yakha marcanquir jakenacan orakenacap catuntapcän ucqhajja. Uca orakenquir jakenacarusti Diosajj ananucjjänwa, israelit jakenacar uca orakenacap churañataqui. Ucasti Davidan urunacapcamaquiw uqhamajj lurasïna.

Deuteronomio 7:1

“Jumanacan Tatitu Diosamaw puriyapjjätam cawquïri oraktï catuntapcäta ucaru, ucatsti jumanacan nayrakatamatjja pakallko wali jach'a ch'amani marcanacaruwa jakonucuni: hititanacaru, gergeseonacaru, amorreonacaru, cananeonacaru, ferezeonacaru, heveonacaru, uqhamarac jebuseonacarusa.

Josué 3:10

Diosan jumanacampïscatapatsti acäniw mä jach'a chimpojja. Jumanacan sarantatanacamarjamaw Diosajj cananeoru, hititaru, heveoru, ferezeoru, gergeseoru, amorreoru uqhamarac jebuseo jakenacar t'unjani.

Josué 4:1

Cunapachatejj take israelit jakenacajj Jordán jawir qhurcataru pasjjapjjän ucqhasti Diosajj Josué chacharojj aqham sänwa:

Josué 4:19

Israelitanacajj Jordán jawiratjja mistuwayapjjänwa kalltiri phajjsitjja tunca urunac sarakataru, ucatsti Gilgal sat orakeruw puripjjäna, Jericó marcat uñcatasiru.

Josué 4:23

ucatsti cunjämsa Tatitu Diosamajj Jordán jawir wañt'ayatayna, jumanacan pasañanacamataqui, cunjämtejj nayrajj Mar Rojo sat kotjja wañt'aycatayna jiwasan pasañasataqui.

Josué 9:2

Uca reyinacasti mä amtäwiruw mantapjjäna: Josué chachampi Israel marcampi nuwasiñataqui.