Josué 2:9 - Qullan Arunaca

⁹ —Nayasti yattwa Diosan jumanacaru aca orake churatapa, ucatsti nanacajj jumanacat parlasir ist'asinaqui qhathatipjjta, uqhamaraquiw aca marcan jaquir jakenacajj ajjsarañatsa jiwarirjamäpjjewa jumanacat ist'asajja.

Aymar Bibliia 1986

⁹ —Nayasti yattwa Diosan jumanacaru aca orake churatapa, ucatsti nanacajj jumanacat parlasir ist'asinaqui qhathatipjjta, uqhamaraquiw aca marcan jaquir jakenacajj ajjsarañatsa jiwarirjamäpjjewa jumanacat ist'asajja.

Qullan Arunaka DC

⁹ —Nayasti Tatitun aka uraqi jumanakar churatap yattwa, nanakax jumanakat parlir ist'asax wal axsarayasipxta. Aka markankirinakax taqiniw jumanakat ist'asax axsarañatsa khathatipxi.

Josué 2:9 Jak'a apnaqawi uñst'ayäwi

Génesis 35:5

Cunapachatejj jupanacajj sarjjapjjäna ucapachasti, Diosajj uca yakha marcanacarojj wali ajjsarañanaca churäna, ucatwa jupanacajj jan Jacobon wawanacaparojj arctapcänti.

2 Samuel 17:10

Wali ch'amani, uqhamaraqui mä leonjam wali chachacht'asirïqui ucasa, k'alaw mayjt'asjjaraquini, Israel marcansti takeniw yatipjje awquimampi arquirinacapampejj jan cunsa ajjsariri jakenacäpjjatapjja.

2 Reyes 5:15

Ucatsti jupasa, uqhamarac qhitinacatejj jupamp chica jutapcäna ucanacasa Eliseon ucaruw sarapjjäna. Purisinsti Naamán generalajj Eliseorojj sänwa: —¡Jichhajj yatjjtwa, take orakpachanjja janiw Diosajj utjquiti, jan ucasti Israelanacwa utji! Jichhasti achict'ssmawa mä wajjt'äwi catokt'ita aca juman sirvirimata —sasa.

2 Reyes 7:6

Tatituwa sirio ejercitorojja ist'ayatayna nuwasiñ carronacana, caballerianacana suenatapa, uqhamarac mä jach'a ejerciton suenataparaqui. Sirionacajj ucapachajj amuyapjjänwa Israel reyin minc'asitapa hitita reyinacaru, uqhamarac egipcio reyinacaruraqui jupanacar nuwantañapataqui.

Nehemías 6:16

Cunapachatï uñisirinacajjasa, uqhamarac nanac muytancqui uca marcanacajj yatipjjäna ucqhajj walwa ajjsarayasipjjäna, ucatsti jupanacajj amuyasipjjänwa jach'achasiñanacapajj aynacht'atätapa, ucatjja amuyjjapjjänwa aca luräwejja Diosan yanapapampi tucuyasitapa.

Ester (hebreo) 8:17

Take provincianacana, jach'a marcanacana, uqhamarac cawqha orakenacarutejj reyin arsutapajj purqui ucanjja judionacajja wali cusisiñaru c'uchiquïñaruw puripjjäna, ucatsti mank'añ fiestanacwa lurapjjäna. Ucampis marcanquir jakenacajj waljaninacaraquiw judiöcaspas uqhama tucupjjaraquïna, judionacatjja jupanacjjaru wali ajjsarañajj jutatap laycu.

Job 19:25

Nayasti yatiractwa arjjatirejjan jacascatapa, jupaw nayaru aca oraken arjjataraquitani.

Salmos 112:10

Ñankha lurir jakesti jupar uñjasajj k'apisiwa, jan camächirjamäjjasajj laca ch'aqhanacap t'urusi. Ñankha jakenacan inampst'añ chuymapajj aynacht'aniwa.

Salmos 115:16

Alajjpachajj Tatitunquiwa, jakerusti orak catuyi.

Éxodo 18:11

Uqhamarac jupanacan jach'a jach'a tucuñampi apnakatäñatsa, jichhasti nayajj yatjjtwa Tatitun wali ch'amanïtapa take diosanacat sipansa.

Éxodo 23:27

“Nayasti juman nayrakatamanquirinacarojja ajjsaraña, wararis llaquisiñwa apayanëjja. Uqhamarac kawkha marcanactejj pasawaycäta ucanjja nayajj uñisirinacamarojj juma nayrakatatjja jaltayäwa.

Eclesiastés 8:12

Uqhamasti jucharar jakejj walja cuti juchanaca lurcasasa, walja maranacawa jacascaraqui. (Nayajj yatiraquïyätwa, qhitinacatejj Diosar jach'añchapqui, uqhamarac ajjsarapqui ucanacajj sumaqui jacasipjjatapa.

Isaías 19:1

Egipto marca toke profecía arunaca: “Tatitur uñtapjjam, Egiptoruw jutasqui mä jaliri kenayar lat'jjatata. Jupa nayrakatansti Egipton diosanacapajj qhathatipjjewa, Egiptonquir jakenacasti wal ajjsarapjjaraqui.

Isaías 23:5

Cunapachatejj egipcionacar uca yatiyäwejj purini uqhajj jupanacajj wal llaquisipjjani Tiro marcar uqham pasatapatjja.

Jeremías 27:5

Nayaw jach'a ch'amajjampi aca orakjja lurta, uqhamaraqui jakenacsa, take animalanacsa, ucatsti qhitirutejj nayajj muncta ucarus churaquiraquiristwa.

Nahúm 2:10

“T'unjata, wasara tucuyata, jachcaña lurataw Nínive marcajj uñjasi. Chuymanacas ajjsarañatjja tucusiwayjjewa, cayunacapas wal qhathatiraqui, takenis ch'ama thayjtatcamaquiwa, ajanunacapasti k'elluw tucuwayi.

Números 20:14

Moisesasti Cades sat chekatwa, jakenacaru qhitäna Edom marcan reyiparu, aqham sañapataqui: “Israelita jilanacamajj aqham sañataquiw qhitanipjjetu: ‘Jumasti sum yattajja wali ch'ama tucutanacajj-jja.

Números 20:24

“Aaronasti jiwjjaniwa, janiw mantcaspati cawquïri oraktejj israelitanacaru churä siscta ucarojja, jan jumanacajj Meriba chekan arunacajjar ist'apquistati uca laycu.

Mateo 20:15

Nayaw uqham lurañ munta kollkejjampi cunjämarutejj muncta uqhamaru. ¿Jan ucajj uqham suma jakëtajj laycu envidiasistacha?’ sasa.

Deuteronomio 11:25

Janiraquiw cawquïri marcas jumanac contra sayt'añ puedcaniti. Jumanacan Tatitu Diosamaw uca marcanacar ajjsaraña, qhathatiña uscuntani, cawqha chekanjamtï pasapcäta ucanacanjja, cunjämtï Diosajj arupampi arscänjja uqhamar phokhasa.

Deuteronomio 2:25

Jichha urut ucsarusti nayaw take marcanacaru jumanac nayräjjana ajjsaraña, sustjasiña churä. Cunapachatï jumanacat parlasiri ist'apjjan ucqhajj, jupanacajj wal qhathatipjjani, uqhamarac llaquisipjjanisa’ sasaw Tatitojj säna.

Deuteronomio 28:10

Ucatsti take acapachan marcanacaw uñjapjjani, Diosan sutipajj jumjjan aytatätapa, ucatsti walirac ajjsarapjjätam.

Deuteronomio 32:8

Mä cutiw alajjpachanquir awquejj jakenaca, marcanaca laquintäna, marcanacan korpanacapsa ucharaquïna, ucampis Israel marcaruw ajlliraqui.

Hebreos 11:31

Iyawsäwi laycuraquiw Rahab sat jan wal sarnaker warmejj jan jiwayatäcänti mayni jakenacamp chica, jupan uñaka israelit jakenacar sum catokatap laycu.

Josué 2:11

Ucanac ist'asajja walpun ajjsarapjjta, janiraquiw qhitisa jumanacampi nuwasiñ munquiti. Jumanacan Tatitu Diosamasti pachpaquïsquiwa alajjpachansa uqhamarac acapachansa uca laycu,

Josué 2:24

Jupanacasti Josué chacharojj sapjjänwa: “Diosajj take uca orakenac jiwasaruw churistu; jichhasti uca oraken jaquir jakenacajj jiwasat yatisajj wal qhathatipjje” sasa.

Josué 2:8

Ucatsti uca pani jakenacajj janïra iquirquipanwa Rahab warmejj uta pataru maqhatasina jupanacarojj saraqui:

Josué 5:1

Jordanat inti jalanta token utjiri, amorreos sat marcan reyipajj ist'ataynawa uqhamarac Mediterráneo sat jach'a kota jac'an utjiri cananeos sat marcan reyipas ist'araquitaynawa cunjämtejj Tatitojj Jordán jawir wañt'aycatayna Israel marcapan pasaniñapcama uca, ucatsti wal ajjsarapjjäna Israel marcampi nuwasiñjja.

Josué 6:2

Ucampis Josué chacharojj Diosajj sänwa: “Nayaw jumaru aca Jericó marca amparamar catuysma, uqhamaraqui reyipsa, soldadonacapsa.

Josué 9:10

uqhamaraqui cunjämtï lurcatayna uca pani amorreon reyipampisa, cawquïrinacatï Jordán jawir qhurcatan jacapcän ucanacampi, Hesbón sat marcan reyipa Sehón sutini; uqhamaraqui Basán marcan reyipa ucasti Og sutiniraqui, cawquïritï Astarot sat oraken jaccäna ucaru —sasa.

Josué 9:24

Gabaonanquir jakenacajj Josué chacharojj sapjjänwa: —Nanacasti ucjja lurapjjtwa jumar ajjsarasina, juman jan nanacaru jiwayañamataqui. Nanacasti yatipjjtwa cuntejj jumanacan Diosamajj Moisesarojj sawaycatayna ucjja: ‘Take aca marcanac jumanacar catuyapjjäma ucatsti jumanacajj takpach t'unjapjjäta’ sasa.

Josué 9:9

Jupanacasti sapjjänwa: —Nanacajj wali jaya marcat jutapjjta. Diosaman jach'a ch'amanïtap yatipjjta, cuntï Egipto marcampejj lurcatayna ucsa yatipjjaractwa, ucat jichhajj jutapjjta,

Jueces 7:14

Uca masipajja saraquïnwa: —Ucasti Gedeonana espadapäpachawa, Joasan israelita yokapana, Diosawa Gedeonana amparaparojj catuyistani madianitanacaru, uqhamarac take campamentonacassa —sasa.