Josué 2:18 - Qullan Arunaca

¹⁸ Cunapachatï nanacajj aca marcaru mantanipcä ucqhajj jumasti aca wila lazo ventanamatjja warcokanïta, cawquïrimpitejj warcokapquista uca, ucatsti utamarojj take familiam jawsthapïta, awquima, taycama, jilanacama, cullacanacama uqhamarac awquiman familianacapsa.

Aymar Bibliia 1986

¹⁸ Cunapachatï nanacajj aca marcaru mantanipcä ucqhajj jumasti aca wila lazo ventanamatjja warcokanïta, cawquïrimpitejj warcokapquista uca, ucatsti utamarojj take familiam jawsthapïta, awquima, taycama, jilanacama, cullacanacama uqhamarac awquiman familianacapsa.

Qullan Arunaka DC

¹⁸ Ukampis kunapachatix nanakax aka markaru mantanipkä ukkhaxa, jumax aka wila wiska kawkïr ventanattix warkuqapkista ukawjat warkuqanïta. Ukatsti utamarux awkimaru, taykamaru, jilanakamaru, awkiman taqpach wila masinakaparuw tantachäta.

Josué 2:18 Jak'a apnaqawi uñst'ayäwi

Génesis 12:2

Wawanacamampisti mä jach'a marca tucuyäma, bendiciraquïmawa, sutimsa jach'aruw aptaraquëjja, mayninacataquisti mä bendicionaraquïyätawa.

Génesis 7:1

Uca khepatsti Diosajj Noerojj saraquïnwa: “Take jakenac taypinsti juma sapaquiw nayan munañajjarjamajj sarnaktajja. Uca laycu jichhajj familiamampi arcar mantjjam.

Ester (hebreo) 8:6

Nayasti, ¿cunjämaraquï cunancaquiraquï uca jan wali llaquejj marcajj-jjaru niya puriñampïsqui ucqhasti, uqhamaraquiw nayan take familiajjasa tucjatäñataqui amtatächi ucqhajja? —sasa.

Éxodo 12:13

‘Ucampis wilawa mä unanchäni jumanacajj cawquïr utancapcätatejj ucatjja. Nayasti wila uñjasinjja pasawayjjaquïwa, ucatsti janiw maynis jumanacatjja jiwcaniti, cunapachatejj egipcionacaru jiwaraycä ucqhajja.

Cantar de los cantares 4:3

Lacamasti wali sumaraquiwa wila hilor uñtatjama, parlatamasti wali muncañaraquiwa. Ajanumasti granada fruta k'alljatjamaraquiwa, velo khepäjjana imantata.

Levítico 14:4

uca k'omachasiri jaketaquejj pä jamach'inaca aptayanini, uca jamach'inacasti k'oma jamach'inacäñapawa, cedro maderampi, mä wila telampi, hisopompi cuna;

Números 19:6

Ucjjarusti sacerdotejj cedro lawa aptasina, mä hisopo rama uqhamarac mä wila tela apjjarusinjja ninaruw jakontani, cawqhantejj vacajj naqhantasqui ucaru.

Números 4:8

Take uca patjjaruraquiw mä wila tela janjjatapjjani, ucatsti suma lip'ichinacampiw imantapjjani, ucatwa lawanacampi apañatac uchapjjani.

Lucas 19:9

Jesusasti saraquïnwa: —Jichhüruw khespiyasiñajj aca utar purini, aca jakesti Abrahaman wawanacapat jutiriraquiwa.

Hechos 10:27

Ucatsti Pedrojj Corneliomp parlasinjja, utaruw mantäna. Ucansti walja tantacht'at jakenacaruw jicjjatäna.

Hechos 10:33

Ucspachaw nayajj jumar jawsañatac qhitanta. Jumasti jichhajj asquin juttajja. Nanacasti takeniw acancapjjta Diosan nayrakatapana jumar ist'añataqui, take cuntï Tatitojj sisctam ucanac nanacar yatiyañamataqui.

Hechos 11:14

Juparaquiw sätam cunjämtï jumasa, familiamas khespiyasiñamäqui ucjja’ sasa.

2 Timoteo 1:16

Tatitojj qhuyapayaspan Onesíforon familiapatjja, jupasti walja cutiw samarañ churitu, janiraquiw p'enkasquiti nayan presötajjata.

Hebreos 9:19

Moisesajj Diosan take camachinacapjja yatiyänwa takpach jakenacaru; ucatsti mä wila t'awra aptäna, mä hisopo laymimpi, vaca kallunacana, cabritonacan wilaparu, umampiruw chilltäna, ucjjarojj ley libroru uqhamarac take jakjjaruraquiw ch'alljjatäna.

Josué 2:21

Jupasti sänwa —Arunacamarojj phokhaspan —sasa. Ucatsti jakenacaru qhitanucusajj mä wila lazo ventanapat thaqui tokeru jaksüna.

Josué 6:23

Uca pani uñaker sarir jakenacasti Rahab warmin utaparu mantasinjja, juparu, awquiparu, taycaparu, jilanacaparu, take familianacaparuw ankaru irpsunïna, ucatsti campamentotjja juc'ampi jaya chekaruw jaytanipjjäna jupanacar jan cunas camachañapataqui.

Josué 6:25

Josué chachasti Rahab warmirojj jacañapjja khespiyänwa uqhamarac familiaparusa, uca warmejj pani uñaker sarir jakenacaru utaparu imantatap laycu. Uca urut jichhürcamaw Rahab warmin wawanacapajj israelit jakenacampi chica jacasipqui.